2 Kɔr. 11:31 - Tampulma

³¹ Koosa naa ya ya kunyan Yesu nyana, zimu di mu wa ya nusun tiina. Ma nyɛ ya pɛgi un hali saha naa vɛ kpak bɔ.

2 Kɔr. 11:31 Referans Kwoze

Ɛfɛ. 1:3

Koosa naa ya ya kunyan Yesu Kristo nyana, waa funɛ kpa o papaha a naa nyɛn ya wa un bambaan ni a nyɛ ya, domi ya wa Yesu Kristo ya nibɛgimnɛ. Ma nyɛ ya pɛgi Koosa chenani o fun tum chen ni.

Room 9:5

Ba waa ya Abraham awa Aizik awa Jakɔb bi lulɛ. Ba waa funɛ lul Kristo. O gbanko ya Koosa a dɔ kina maga. Ma nyɛ ya pɛgi un hali saha naa vɛ kpak bɔ. Ami.

1 Pita 1:3

Koosa naa ya ya kunyan Yesu Kristo nyana, funɛ ɔm ya siki kinkan. Chendaha ma nyɛ ya pɛgi un saha maga. O funɛ lɛli Yesu Kristo a li o sou ni, a kpa o mi fali ti a nyɛ ya. Chendaha ya kpak bambi bɛgim,

Kɔl. 1:3

Saha maga ya yaa sumi Koosau a nyɛ ma. Waa ya ya kunyan Yesu Kristo ti nyana. Saha maga ya yaa zaami unu kinkan.

2 Kɔr. 1:3

Ma nyɛ ya pɛgi Koosa naa ya ya kunyan Yesu Kristo nyana. Waa ya siki tiina awa belimi tiina.

Room 15:6

chen ni maga zi lagmiu a pɛgi Koosa naa ya ya kunyana Yesu Kristo nyan ti wa ta bɛgim ni.

Room 1:25

Ba fun a piŋi Koosa wuti a la nusuna a la nyɛ kin nawara o fun naami jirima a kaali o titi naa naami a. Ma nyɛ ya pɛgi un hali saha naa vɛ kpak bɔ. Ami.

Jɔn 10:30

Mu wa mu nyan ti ya nibɛgimnɛ.”

1 Tim. 6:16

Koosa duŋduŋ nyɛnɛɛ saha maga a li chaani naa nandigi zi vɛ koti a zuuli. Nandigi ha wa na un koo zi koti a na un. O kpok zen awa o jirima zi nyɛnu hali saha naa vɛ kpak bɔ.

1 Tim. 1:17

Ma nyɛ ya yaa kipɛgi Koosa a kinyɛ un jirima kinkan. Waa ya ya koora naa nyɛnɛɛ hali saha naa vɛ kpak bɔ, a ya nibɛgim duŋduŋ. Nandigi wa koti a na un. Ami.

1 Tim. 1:11

Koosa naa zen kinkan a wer hali o wa peti, funɛ kpa o wuti biksi nɔ a du mu nin nee di mu kpa nyɛ nara ni. Waa ya o laaboor weri ti.

Ɛfɛ. 3:14

Kin nama daha muu sumi ya kunyan Koosa ma daha.

2 Kɔr. 11:11

Ma lisi di mu la tum nan, mu wara daŋni maa? Koosa zimu di mu daŋni mau kinkan.

2 Kɔr. 1:23

Mu daŋni Koosarɛ ya mu sɛhɛra tiina ma zim di mu sɛm ta ya wutiu. Mu wa fun wa di mu wa na ma, chen ni ma wa zi nu mu sɛm kpoka.

Room 9:1

Domi mu wa Kristo ya nibɛgimnɛ, mu wara suni wɛ. Koosa siim weri ti ya mu sɛhɛra tiina. Chenani mu kaa ŋɔ ma nan, o ya wutirɛ.

Room 1:9

Koosa naa muu tum a nyɛ awa mu bambi maga ni a la biksi o laaboor weri ti o be wɛ a nyɛ nara ni, waa ya mu sɛhɛra tiina di mu yaa sumi unu ma daha,

Jɔn 20:17

Yesu fun ŋɔ un, “Ta gbaŋsi min, domi mu saksiu di mu bur kila mu nyan ti wati. Kila mu gantɛl tiŋsi ta wati a la ŋɔ ba di o wa zi vusi ka mu bur la mu kunyan Koosa ti wati. Mu kunyan Koosa ti awa ma kunyan Koosa ti ya nibɛgimnɛ.”

1 Tɛs. 2:5

Ma zim nɛnɛ di ya funɛ biksi ma chen, ya wa funɛ pɛgi ma wa ya nyina nɛɛ a la mur ma. Ya wa funɛ mur narawa di ya la kina. Koosa ya ya sɛhɛra tiina kin nama ni.

Gal. 1:20

Chenani mu sɔbi nan ya wutirɛ. Koosa ya mu sɛhɛra tiina mu wara suni wɛ.