Biblia Todo Logo
Bib sou entènèt

- Piblisite -




2 Kɔr. 11:15 - Tampulma

15 Sintana koti a tum chen, o wa bɔm wa o tumtumsa chɛrgi ba titi, chen ni ma zi lisiu di ba ya Koosa tumtumsiwa. Koosa wa di ba sɛria, o zi na ba galimsau a ta ba yɔri.

Gade chapit la Kopi




2 Kɔr. 11:15
30 Referans Kwoze  

Ba titi daŋnɛ kaali kina maga. Ba zer ba titi a li ba tum tagna naa nyɛ ba na hiisarɛ daha. Baa lisi tɛɛnɛ nɔ maga kina duŋduŋnɛ. Kin nama daha, Koosa zi wa chɔk bau.


Malaikasi ta digi funɛ nyɛn doon ba yir un a li Ju tim sɛm ni, Abadɔn. Ba funɛ yir un a li Girik tim sɛm ni, Apɔliyɔn. O mun ya, ‘naa la chɔk kina’. Waa funɛ ya hɔɔni ta koora a il bɔ naa vɛ kpak bar peti.


Amaa ba naa vɛ tiŋ Koosa, bɔnɛ fun sogli a wa gbaari ma ni. Ba funɛ chɛrgi Koosa laaboor weri naa biksi ya chenani Koosa fun a suŋi ya, a vɛ Yesu Kristo naa ya ya kunyana bɛgim. Ba funɛ ya chene di ba tum chɔkumsa tuma. Ba fun sɔbi a li Koosa sɛm tɔn ti ni saha digi di Koosa zi wa di ba sɛriau a na ba galimsa.


O chiksɛ naa nyɛ Koosa na nara galimsa a ta ba yɔri, dɔ Koosa jirima awa o chaani kinkan. Amaa o siim weri naa nyɛ nibinsa deŋli Koosa suwachak ni, dɔ o jirima awa o chaani kinkan kaali o te tel ti.


a ŋɔ, “I waa naa chi sintana, yaa mur narawa a duŋni tum were aa ta. Saha maga i yaa chɛrgi ya kunyan ti sɛm wutɛu di a burgi nusuna.


Domi kpok naa sel zen naa nyuha funɛ huusi a peti chen, fun kpa a nyɛ un chen, o fun koti a tum tum zene a la mur tɛɛnɛ nɔ tim maga. O fun ŋɔ ba di ba kɔɔri vura o chi sel zen naa nyuha funɛ huusi ka o ha vɛɛn kpak miisa chen a jɛɛmi un.


Sel zen ti funɛ chi wiibagarɛ ka o naŋgere awa o nɔ chi gbogumta. Sel zen naa funɛ chiŋi ni nɔ ni chen, fun kpa o kpok kinkan awa chenani o dɔ tɛɛnɛ nɔ tim maga a kpa du o nin ni.


Nibiksɛ ba naa ya se tima, zi biksi ba titi murau a nyɛ ma, a na nyɔɔra a li ma ni. Amaa Koosa wa zi vusi a wa di ba sɛria a na ba galimsa a ta ba yɔri.


Ya wara daŋni ya kpa Koosa kpok nɔ a chem nara. Ya ka daŋni un ya la chem siim kpoka awa kpok damata a naa la tum tum tagna kinkan awa ba naa maga vɛ zim Koosa a nyɛn buudaha ni.


Ba ŋɔ ma di ba ya Yesu Kristo tumtumsiwaa? Ma zi ŋɔ di mu zu galɛŋwa, amaa mu daŋni mu ŋɔ ma di mu ya o tumtumnɛ a kaali ba kinkan. Mu funɛ tum tumwa kinkan a nyɛ un. Ba fun a tɔ min dɛ bu damata a kpa vurmsa a tuk min. Mu fun wa dugli siwi bu damata. Mu kaali bau a li kina maga ni kinkan.


Ba wa ya Koosa wuti nitumɛ. Ba ka ya nusun timwa, domi ba mur mau di ba biksi awa ya biksi ti ya kibɛgimnɛ. Ba fun chɛrgi ba titi di ma lisi di Yesu Kristo funɛ tum ba ma wati.


Chenani ya fun a biksi ma Koosa wɛ nan, o wa deŋli di ya la diwe ma watii?


Chen wuzu ti o zi wa bɔ nara maga wa ba chimu a li chenani ba tum ni.


O ya chen, ya zi kotiu a ŋɔ ma nyɛ ya tum tum tagna, chen ni tum were zi li a niu. Nara bɔnɛ fun a chɔk mu sɔn a ŋɔ di mu sɛmu, amaa ba sɛma wa fun ya wuti. O deŋlu di Koosa zi na ba galimsau a ta ba yɔri.


Swiv nou:

Piblisite


Piblisite