2 Kɔr. 10:7 - Tampulma

⁷ Ma bɔnɛ nyini ya se nee, a vɛ nyini ya bambe ni. Ma bɔnɛ lisi di Yesu Kristo dɔ maa? Ma lisi di waa dɔ ya gbanko a chi o dɔ ma chen.

2 Kɔr. 10:7 Referans Kwoze

2 Kɔr. 5:12

Ya wa bur a daŋni sɔna a nyɛ ya titi ni. Ya waa ka la nyɛ ma nyinbaan di ya ya ma jirima tima, chen ni ma zi kotiu a sɛm ba naa la nyini nibinsa se ni a vɛ nyini ba bambe ni.

1 Kɔr. 14:37

Ma naa la sɛm di maa sɛmu a li Koosa kpok ti ni, akoo ma kpak o siim weri ti papaha tirɛ, o lawa ma gbanko zimu di chenani mu sɔbi a nyɛ ma nan ya ya kunyan ti chiksirɛ.

2 Kɔr. 11:23

Ba ŋɔ ma di ba ya Yesu Kristo tumtumsiwaa? Ma zi ŋɔ di mu zu galɛŋwa, amaa mu daŋni mu ŋɔ ma di mu ya o tumtumnɛ a kaali ba kinkan. Mu funɛ tum tumwa kinkan a nyɛ un. Ba fun a tɔ min dɛ bu damata a kpa vurmsa a tuk min. Mu fun wa dugli siwi bu damata. Mu kaali bau a li kina maga ni kinkan.

Jɔn 7:24

Ma ta di nara sɛria dentil ni amaa maa di a li ba tuhu ni wa wuti.”

1 Jɔn 4:6

amaa Koosa ka dɔ ya. Ba naa maga zim un, ba waa la nu ya sɛma. Ba naa maga vɛ zim Koosa, ba wa zi nu ya sɛma. Chendaha ya zi zim ba naa ya wuti tima awa nusuna.

1 Kɔr. 9:1

Mu wati, mu wa dɔ mu titii? Mu wa ya Yesu Kristo nitumɛ ta digirɛɛ? Mu wa fun na ya kunyan Yesuu? Ma waa tiŋ Yesu domi mu funɛ wa ma wati a biksi ma Koosa laaboor weri ti wɛɛ?

1 Kɔr. 3:23

Yesu Kristo dɔ ma, ka Koosa ka dɔ Kristo.

Gal. 3:29

Kristo dɔ ma. Chendaha ma zi na kin naa maga Koosa fun vɔu a nyɛ Abraham bi lulɛ ni chenu.

2 Kɔr. 10:1

Ma bɔnɛ ŋɔ dɔŋ ni di mu funɛ nyɛn ma wati mu funɛ ya jɛrgɛrɛ, amaa mu funɛ bol, mu funɛ sɔbi sɛm kpokwa a nyɛ ma. Yesu Kristo daŋni mu ya jɛrgirɛ ma wati. Chendaha mu waa, Pɔɔl, sumi ma lalaknɔ,

1 Kɔr. 1:12

Ma amɔrɛ ti biksi di ma wa tiŋ nyinbaan bɛgim. Ma bɔnɛ ŋɔ di maa tiŋ Pɔɔllɛ, bɔnɛ Apɔlɔs, bɔnɛ Sifas, bɔnɛ ka ŋɔ di maa tiŋ Kristore.

2 Kɔr. 13:3

Yesu Kristo kpak kpok kinkan. Mu wa pu ma, ma zi zim di o kpok ti nyɛn min niu.

2 Kɔr. 12:11

Ma muksi minu di mu sɔbi a nyɛ ma a chi mu ya wom. Yɛrɛ ma bɔnɛ vɛ nyɛ min jirima? Mu titi kpok ti ya yɔrirɛ, amaa mu wara tiŋ nusun nibiksɛ ba naa ma lisi di ba wa ya nibirige, gantɛl.

2 Kɔr. 11:18

Nibiksɛ nama la tiŋ ba titi daŋnɛ aa daŋni sɔna a du ba titi ni. Chendaha mu gbanko daŋni sɔn.

2 Kɔr. 11:4

Ma bɔnɛ la nu ba naa vɛ tiŋ ya wuti biksi Yesu wɛ. Ba funɛ chɛrgi Koosa laaboor weri tiu a biksi ma siim naa vɛ ya Koosa siim weri ti wɛ. Ma funɛ la nɔɔniu ka o vɛ bɔm ma wati.

1 Kɔr. 15:23

Amaa ya kaa wa si ya sou ni nibɛgim bɛgimwa. Yesu funɛ ya naa funɛ te si. O wa bur wa, ba naa o dɔ chen gbanko zi wa siu.

Luk 16:15

Yesu fun ŋɔ ba, “Ma tum tum were chen ni nara zi na au, amaa Koosa zim ma bambe wɛu. Chenani maa tum la zi nyɛ nara nyɛ ma jirima. Koosa wati a ya kipɔntiwa.

Mat. 23:5

Ba fun kpa Koosa sɛm tɔn ti kiwiwisa a naa ba fun guti a vɔti ba tilsa awa ba nisa, ba funɛ gutiu a zen. Zɔsɛ naa ba fun kpa gbaari ba kilaarɛ ziŋziŋɛ ni, ba fun nyɛ a gbanko zen. Ba funɛ ya chene di nibinsa nyɛ ba sɔna.