2 Kɔr. 10:1 - Tampulma

¹ Ma bɔnɛ ŋɔ dɔŋ ni di mu funɛ nyɛn ma wati mu funɛ ya jɛrgɛrɛ, amaa mu funɛ bol, mu funɛ sɔbi sɛm kpokwa a nyɛ ma. Yesu Kristo daŋni mu ya jɛrgirɛ ma wati. Chendaha mu waa, Pɔɔl, sumi ma lalaknɔ,

2 Kɔr. 10:1 Referans Kwoze

2 Kɔr. 10:10

Mu funɛ piin sɔbiu di ma bɔnɛ ŋɔ di mu funɛ nyɛn ma wati, mu funɛ ya jɛrgɛrɛ ka mu sɛma ya yɔri. Mu funɛ bol a sɔbi ma, tɔni ta maga funɛ suu wa sɛm kpoka ni.

Mat. 11:29

Mu biksi chi nuha pararɛ. Ma kpa un a laari ma gbaŋsi ni. Mu ya nibin jɛrgɛrɛ. Ma nyɛ mu biksi ma, ma zi hiisiu.

Gal. 5:2

Ma nu mu sɛma. N waa, Pɔɔl, la ŋɔ ma di ma nyɛ nusun nibiksɛ nama teŋsi ma, Kristo ya yɔrirɛ ma wati.

Room 12:1

Mu niinbisa, Koosa funɛ kpak ma sikiu kinkan. Chendaha mu sumi ma di ma kpa ma titi a nyɛ un a chi nara yaa kpa kina a kɔɔri kɔɔra chen. Ma ya chen a ya nibin were, ma zi tiŋ unu nɛnɛ a sɔɔni o tuha kinkan.

2 Kɔr. 11:30

Mu funɛ piin ŋɔ mau di mu ya womnɛ a la daŋni sɔn. Kinkin naa mu lisi mu ŋɔ ma biksɛɛ di mu wa kpak kpok kinkan.

1 Kɔr. 2:3

Mu funɛ nyɛn ma wati, mu wa fun kpok. Mu funɛ a ɔmu kinkan, ka mu bara vɛɛn a jigiri.

JɔnN Deesi 1:9

Mu waa, Jɔn, ya ma niinbe. Mu wa ma la namsi Yesu daha, amaa o suŋi yau ya di un, chen ni ya zi la zu o koor tiu wuzu digi. Ba fun kpa min a la nyɛ mu nyɛn pulum we naa ba yir Patmɔs ka ni go un. Ba funɛ ya chene, domi mu funɛ mɔɔli Koosa laaboor weri ti a ŋɔ nara wuti naa Yesu fun biksi ya a li gbampulim ni chen wɛ.

1 Pita 2:11

Mu bi daŋnɛ, ma naa ya hɔɔra a li tɛɛnɛ nɔ maga ni, mu sumi mau di ma kpa ma tutɔ daŋnɛ a ta. Ya tutɔ daŋnɛ awa chenani Koosa daŋni yaa tiŋ, a chɔ aa du dɔŋ nɛɛ.

Faili. 1:9

Muu daŋni hinu. Chendaha mu sumi hin di i suŋi min. Kilisi di mu ya nibaalhɛɛrɛ ka ba fun kpa min la tɔ dɛ domi mu ya Yesu Kristo sɛhɛra tiinnɛ.

2 Tɛs. 3:17

Min, Pɔɔl, zaami mau. Mu titi la sɔbi sɛm na. Mu tɔna maga ni nannɛ mu yaa sɔbi mu sɔn.

Ɛfɛ. 4:1

Mu waa naa ba fun tɔ dɛ ya kunyan ti daha, mu sumi mau di ma tiŋ chenani deŋlee wa ma tiŋ. Koosa funɛ yir ma di ma tiŋ chen.

Gal. 4:13

Ma zimu di mu funɛ te wa biksi ma Koosa laaboor weri ti wɛ, mu bara wa fun lɛm.

2 Kɔr. 12:5

Mu fu zi daŋni sɔnu a daha, amaa mu wa zi bu daŋni sɔn. Mu ka daŋni mu biksi mau di mu titi kpok ti ya yɔrirɛ.

2 Kɔr. 11:21

Ya wa ma funɛ nyɛn, Koosa wa fun nyɛ ya bambi kpoka di ya ya chen a nyɛ ma. Baa daŋni sɔna, mu gbanko zi ya womu a tum chen.

2 Kɔr. 10:7

Ma bɔnɛ nyini ya se nee, a vɛ nyini ya bambe ni. Ma bɔnɛ lisi di Yesu Kristo dɔ maa? Ma lisi di waa dɔ ya gbanko a chi o dɔ ma chen.

2 Kɔr. 10:2

mu wa wa ma wati, ma ta wa muksi min mu sɛm sɛm kpoka a nyɛ ma. Mu wa pu ba naa la ŋɔ di yaa tiŋ ya tutɔ daŋnɛrɛ, mu zi sɛm sɛm kpokau a nyɛ ba.

2 Kɔr. 7:4

Ya se su ma kinkan, domi ma waa ya ya jirima nara. Ma kpami ya a li ya namsi maga ni, chen ni ya tusa zi sɔɔniu a la gali saha maga.

2 Kɔr. 6:1

Min, Timoti awa Koosa lagmi a tum o tuma. Chendaha ya sumi ma di ma kpa chenani Koosa fun suŋi ma a tum tuma a nyɛ un.

2 Kɔr. 5:20

Yesu Kristo funɛ tum ya ma wati, chen ni Koosa zi kotiu a sɛm sɛma a nyɛ ma. Ya sumi mau Yesu Kristo daha di ma wa Koosa ya nɔ bɛgim a peti.

2 Kɔr. 3:12

Kin nama daha, ya kpak bambe kpok a biksi nara chenani Koosa fun tum nyɛ ba.

1 Kɔr. 4:10

Ya ya womniwa a li nibinsa wati Kristo daha, amaa ma waa ya o nibin nɛɛgɛwa. Ya waa ya o nibin ba naa vɛ kpak kpok a li nibinsa wati, amaa ma waa ya o nibin kpokwa. Nara la filimi ya, amaa ba waa la nyɛ ma jirima.

Room 15:15

Amaa Koosa funɛ suŋi minu di mu kpak bambi kpok a lisi ma kin bɔnɛ a li tɔn nɔ mu sɔbi nan a nyɛ ma.

Room 10:20

Azaaya funɛ kpak bambi kpok a sɔbi di Koosa ŋɔ, “Ba naa funɛ vɛ dɛu min, ba waa na min. Ba naa funɛ vɛ pɛɛsi mu wɛ, mu fun ŋɔ ba mu titi wɛ.”

Tuma 8:32

Nannɛ o funɛ karimi, “O funɛ chi piisire ba kpa un a kɔrigi. O gbanko funɛ chi piisi be naa ba ka funi o pusa ka o vɛ chɛɛmirɛ. O yaa fun mooriu.

Mat. 21:5

O funɛ sɔbiu a ŋɔ, “Ma la a la ŋɔ tɔhɔn naa ba yir Zaiyɔn chen nara ni. Ma koora naa ya jɛrgi tiina zi zini kokum be pɔlu a wa ma wati.”

1 Kɔr. 4:21

Ma biksi min chenani mu zi wa ma wati. Mu wa ma wati awa da ni a wa tuk ma akoo mu wa ma wati balimm a wa biksi ma chenani mu daŋni maa?

Ɛfɛ. 3:1

Chendaha muu sumi Koosa ma daha. Domi mu funɛ biksi ma naa vɛ ya Ju tima di ma tiŋ Koosa, ba fun kpak min a tɔ dɛ.

Filip. Tima 4:5

O zi wa bur wa lalagau. Chendaha o lawa ma ya jɛrgɛu nara wati.

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

Faili. 1:19

Mu titi la sɔbi nan a nyɛ hin. O pɛŋ i malɛ, mu vɔu di mu zi bɔ hinu. Mu biksi ti funɛ nyɛ i si su Yesu Kristo. Chendaha o chi min dɔ hin.