1 Tim. 6:4 - Tampulma

⁴ ba zer ba titi a vɛ zim kundɔŋ. Saha maga ba yaa daŋni ba di amɔrɛrɛ kinkan a kidaŋni tɛl sɛma, chen ni ba naa la nu ba sɛm ta ya handɔta timawa a waligi dɔŋ ni a la chɔk dɔŋ sɔna a ya beeli tima.

1 Tim. 6:4 Referans Kwoze

2 Tim. 2:23

Ta lagmi nibin womni ba naa yaa di dɔŋa wa amɔrɛ kin nawara ba vɛ zimi wɛ. I zimu di ba yaa di amɔrɛu hali o wa peti dɔŋ yooli ni.

2 Tim. 3:4

a li nara gantɛl a ya wu zene tima aa lisi di ba ya nibin zenewa. Ba zi ya kidaŋni ba titi daŋnɛu a kaali chenani ba fu zi daŋni Koosa.

1 Tim. 3:6

O si su Koosa tama, o wa kiya Yesu nitiŋɛ nyuhu tiina. O ya nyuhu tiina lalaga, o zi zer o titiu ka Koosa zi na o galimsa a chi o funɛ na sintana galimsa chen.

Juud 1:10

Amaa nara nama pini kin nawara ba vɛ zimi zomwa. Tum naa baa tum a wa kpak nɛha a chi sela, a zi chɔk bau.

2 Pita 2:12

Amaa nara nama chi sela zenewa a naa nyɛn dooni nara zi kpaksi a kpu. A wara lisi a chi nibinsa. Kin nawara ba vɛ zim a munwa, ba pini. Chendaha Koosa gbanko zi chɔk bau a chi sel na chɔk chen.

2 Tim. 2:14

Kibiksi kin nama a nyɛ Yesu nitiŋɛ ta ni aa kitɛ ba nin Koosa suwachak ni di ba ta di dɔŋa wa amɔrɛ yɔri yɔri. Ba naa la di amɔrɛ chen ni, ba sɛma zi nyɛ ba naa la nu a chen bur Koosa tiŋi niu.

Juud 1:16

Nara nama yaa zulimi a la na nara galimsa saha maga. Ba yaa tiŋ ba titi daŋnirɛ a la daŋni sɔna a la pɛgi nara wa ba nyina ni di ba tiŋ ba a nyɛ ba malɛ.

2 Pita 2:18

Ba sɛma la biksi ya di ba ya womniwa a la daŋni sɔna. Saha maga ba yaa sɛm sɛm lɛmawa a nyɛ nara ni a mur ba di baa tum chɔkumsi tuma. Nara nama piili di ba tiŋ Koosa nyinbaan ti a gil ba naa la tum tum tagna.

1 Tim. 1:7

Ba kpak unu ba bambi ni a biksi nara Koosa chiksɛ wɛ, amaa ba wa fun zim sɛm naa ba biksi chen mun.

1 Tim. 1:4

Ŋɔ ba di ba kpa ba mura awa ba nawaalsa sɔn biksi a ta, domi a wa nyɛ nara di dɔŋa amɔrɛ saha maga. Chenani baa tum wa nyɛ nara se su Koosa awa o wuti biksi ti.

Jems 1:19

Mu bi daŋnɛ, ma lisi nan. Ma num wa Koosa sɛm nuuli ni, amaa ma ta num wa sɛmi ni aa ta na paan a du nara ni.

Tait. 3:9

Amaa ta di amɔrɛ wa ba naa la biksi ba nawaalsa sɔna wɛ a la yo dɔŋa Koosa chiksɛ daha. Kin nama ya yɔrirɛ a wa kpak nyɔɔra.

Tuma 15:2

Pɔɔl awa Barnabas wa ba fun di amɔrɛ kpok a li ba biksi nɔ ni. Yesu nitiŋɛ ta fun lisi Pɔɔl, Barnabas awa ba bɔnɛ a li ba tuhu ni ba la Jɛrusalɛm ba wa nitumɛ ta awa nihɛɛti ta na dɔŋa chenani ba zi ya.

JɔnN Deesi 3:17

Ma ŋɔ ma titi ni, ‘Ya ya kin timawa kinkan a vɛ daŋni kundɔŋ.’ Mu zi ŋɔ ma chenani ma duu wuti. Ma ya fara timwa kinkan a chi nyuluma ba naa laari kizɛrgɛ. Ba naa maga na ma, ma wɛ zi ya ba sikiu.

2 Tɛs. 2:4

Tum tagna tiin nɔ zi wa ŋɔu di kinkin naa nibinsa jɛɛmi ya yɔrirɛ, a ŋɔ di o ya nibin zenne a kaali ba maga. Hali o zi la zu Koosa bar jɛɛmi damau a kani a ŋɔ di o ya Koosarɛ.

Kɔl. 2:18

Ma ta nyɛ nandigi wa ŋɔ di o lawa maa tiŋ a chi chenani oo tiŋu, chen ni ma wa zi wa na papaha naa Koosa kaa wa kpa nyɛ ma. O ŋɔ di ma ya nibin jɛɛgɛ a kinyɛ malaikasa jirima. O na kinawa a chi o deesi. Chendaha o ŋɔ di o zimu a kaali ma. O yir o titi nibin zen, amaa oo tiŋ chenani o gantɛl tuha kina wɛ durɛ.

Filip. Tima 2:14

Ma tum o tuma a ta zulimi ma dɔŋtima a kidi dɔŋwa amɔrɛ.

Filip. Tima 2:3

Ma ta ya se tima a kidaŋni sɔna. Ma ta lisi di ma ya nibin werewa a kaali ma dɔŋtima. Ma ka ya jɛrgɛ tima.

Filip. Tima 1:15

Nara bɔnɛ ba naa kpak handɔta min ni, ba biksi narawa Kristo wɛ. Bɔnɛ ka biksi o wɛ a suŋi min.

Gal. 6:3

Nar lisee di o ya nibin zenne a vɛ yaali, o mur o titirɛ.

Gal. 5:26

Ya ta daŋni sɔna a daŋni bara bora aa kidi handɔta a du dɔŋ ni.

Gal. 5:15

Ma yaa na paan a du dɔŋ ni a la di dɔŋa wa amɔrɛ, ma doso. Wuzu digi ma zi wa chɔk dɔŋau.

2 Kɔr. 11:20

Ba wa kpa tuha sa a du ma ni a dɛɛsi ma a chi bichɛsa, a nyɛ ma chɔk ma malɛ awa diwe kinkan a pini ma aa gbaari. Ma la kin nama maga.

1 Kɔr. 11:18

Nara funɛ ŋɔ min ma wɛu di ma wa lagmi dɔŋ ni a sumi Koosa, ma wara kpak nɔ bɛgim. Mu lisi di a bɔnɛ ya wutirɛ ba sɛm.

1 Kɔr. 11:16

Amaa nandigi daŋni o di amɔrɛ, chene ya wa Yesu nitiŋɛ ba naa nyɛn bawu maga ni, yaa tiŋ.

1 Kɔr. 3:18

Ma ta nyɛ nandigi wa mur o titi. O lisi di o kpak tɛɛnɛ nɔ tim maga zima, o kpa o zima ti a yo ta ka burgi wom, chen ni o zi kpak Koosa zimau.

1 Kɔr. 3:3

domi ma ha vɛɛna tiŋu a chi tɛɛnɛ nɔ tim maga. Chenani maa di handɔta awa dɔŋa a la di amɔrɛ wa dɔŋ ni biksi di ma wara tiŋ Koosa siim weri ti nyinbaan. Ma ka tiŋ tɛɛnɛ nɔ tim maga nyinbaannɛ.

Room 14:1

Nar vɛ kpak kpok a li chenani o se su Yesu a la daŋni o lagmi ma ni, ma la un, amaa ma ta di chenani o lisi amɔrɛ.

Room 13:13

Ya wa bu nyɛn dusum ni. Chendaha o lawa ya tum chenu. Ma ta nyɛ ya lagmi dɔŋ ni a nyɔ sin a dɛɛsi. Ma ta tum chɔkumsa awa sakaal tuma a kidi dɔŋa wa amɔrɛ a kpak handɔta wa dɔŋ ni.

Room 12:16

Maa kpak nɔ bɛgim wa dɔŋ ni. Ma ta daŋni sɔna. Ma saksi a nyɛ ma wa ba naa la tum tum wisa lagmi kitum. Ma ta lisi di maa zim kina magau.

Room 2:8

Amaa ba naa ka kpak se a la vɛ di ba tiŋ wuti nyinbaan a la tum tum tagna saha maga, Koosa zi na paanu kinkan a du ba ni a lɛrgi ba diŋsa.

Tuma 18:15

Ma la sɛm di o biksi ti chɔk ma chire. Ma waa la zi lisi chenani ma zi ya. Mu wa zi di chen sɛria.”

Tuma 8:9

Baal digi funɛ nyɛn doon ba yir un Simɔn. Bunsa mɛna tuhu ni o yaa funɛ tum tu bilim tumwa a nyɛ Samaria tim ta ni a ŋɔ di o funɛ ya nibin zenne.