1 Tim. 4:14 - Tampulma

¹⁴ Ta suglɛ papaha naa Koosa fun nyɛ hin saha naa o wa yir hin di i ya o tumtumna a nyɛ o witiina sɛm a li o kpok ni ka Yesu nitiŋɛ nihɛɛti ta kpa ba nisa a sak hin ni.

1 Tim. 4:14 Referans Kwoze

2 Tim. 1:6

Chendaha mu daŋni i lisi saha naa mu fun wa kpa mu nisa a sak hin ni, ka Koosa kpa o papaha a nyɛ hin chen. Ta tɔ un, amaa kitum un nɛnɛ.

1 Tim. 1:18

Mu be, Timoti, mu kpa sɛm nama a du i nin nee. Saha digi nara bɔnɛ funɛ sɛm i wɛ a li Koosa kpok ni. Nyɛ ba sɛm ta kpami hin i tum i tuma nɛnɛ a nyɛ Koosa ni,

Tuma 6:6

Ba funɛ lisi ba peti a kpa ba a chiŋsi nitumɛ ta suwachak ni. Nitumɛ ta fun kpa ba nisa a saksi ba nyuuni ni a sumi Koosa a du ba ni.

1 Tim. 5:22

Ta kpa i nisa a saksi nara ni lalaga di ba ya ya kunyan ti tumtumsa. Ta lagmi ba naa la tum tum tagna wati, amaa i kpak i titi wa tu chaan ni saha maga.

1 Tɛs. 5:19

Ma ta tɔ Koosa siim weri ti tuma.

Tuma 13:3

Yesu nitiŋɛ ta fun sumi Koosa chen daha a kpa ba nisa a saksi ba ni a nyɛ ba kaali.

Tuma 8:17

Pita awa Jɔn funɛ sumi Koosa peti, ba fun kpa ba nisa a saksi ba nyuuni ni Koosa siim weri ti zu ba ni.

Tuma 19:6

Pɔɔl fun kpa o nisa a saksi ba ni di Koosa siim weri ti wa zu ba bambe ni. Ba fun piili a sɛm sɛm kurgɛ a la sɛm nara ni Koosa laaboor weri ti wɛ.

Tuma 11:30

a kpa lagmi dɔŋ ni a du Barnabas awa Sɔɔl nin ni di ba kpa la nyɛ Yesu nitiŋɛ ta nihɛɛti ni dooni.

Tuma 22:5

Koosa dam kɔkɔɔrsi ta nihɛɛ ti awa tɔhɔn ti nihɛɛti maga zimu di mu ŋɔ ma wutirɛ. Ba fun sɔbi tɔna a nyɛ min di mu kpa la nyɛ Ju tima ba naa nyɛn Damaskus ni, chen ni ba zi suŋi minu. Mu fun la tel doon a kpaksi Yesu nitiŋɛ ta nidamata a kpa zɔglɛ a vɔti ba a kpa ba bur wa bar nɔ di mu lɛrgi ba diŋsa.”

1 Tim. 4:15

Nyɛ kin nama nyɛn i bambi ni i tiŋ a, chen ni nara maga zi na chenani i tum tum were a gbaariu.

1 Tim. 5:17

Yesu nitiŋɛ nihɛɛta ba naa la nyini ba nara nɛnɛ a kpak si sɛm aa biksi nara Koosa wɛ kinkan, o lawa ba na jirima bilɛu.

1 Tim. 5:19

Nandigi daŋni o fiksi Yesu nitiŋɛ nihɛɛ, nyɛ o kpa nara balɛ koo nara batora ba wa a ya sɛhɛra tima, chen ni i zi nu ba sɛmau. O vɛ ya chen, ta nu o wati.

1 Tim. 6:12

I funɛ gil i tum tagna a chiŋi Koosa sɛhɛra tima nidamata suwachak ni, o fun kpa o mi fali naa vɛ kpak bɔ a nyɛ hin. Kpak un nɛnɛ. Nyɛ i si su un kinkan saha maga, chen ni i zi tiŋ unu nɛnɛ.