1 Tim. 3:7 - Tampulma

⁷ O lawa ba naa vɛ zim Koosa, kinyɛ un jirimau, chen ni sintana wa zi wa mo o lo o di hiisa.

1 Tim. 3:7 Referans Kwoze

2 Kɔr. 8:21

Ya daŋni ya ya chenani deŋli ya kunyan ti awa nara maga suwachak niu.

2 Tim. 2:26

Ba ya chen, ba zi bur wa ba nɛsa niu a koti a chɔ a li sintana naa funɛ kpak ba a mo ba lo di ba tiŋ o nɔ ni.

Kɔl. 4:5

Ma wa ba naa vɛ tiŋ Yesu, lagmi dɔŋ ni, ma lisi chenani ma zi tiŋ wa nɛha a li ba wati. Maa biksi ba Koosa nyinbaan saha maga.

1 Tim. 6:9

Amaa ba naa la daŋni ba ya malɛ tima, sintana zi wa zaamsi bau a mo ba lo a li ba womsa awa ba tum tagna daŋni ni, chen ni ba zi wa chɔku kinkan.

1 Tɛs. 4:12

Maa tiŋ nan ni, ba naa funɛ vɛ di se wa zi su Yesu chen, ba zi nyɛ ma jirimau. Ma wa zi nyini nandigi se ni di o nyɛ ma kundɔŋ.

2 Kɔr. 6:3

Ya wara daŋni nandigi nyini ya tuma a na ya galimsa. Chendaha ya doso di ya ta wa tum wu digi a tɔ nara nyinbaanasa.

1 Kɔr. 10:32

Ma doso ma ta wa ya wu digi naa la zi chɔk ma dɔŋtim ta lisi aa muksi ba. Ju tim ta akoo ba naa vɛ ya Ju tima koo ba naa ya Yesu nitiŋɛ, ma ta wa ya chen a nyɛ nandigi ni.

Tuma 6:3

Ya dɔŋtima, ma nyɛ ya lisi nara banɔpɛ ba naa nyɛn ya ni a kpak jirima awa nɛha kinkan a nyɛ Koosa siim weri ti te ba suwachak, kinyini malɛ ta.

Tait. 2:8

Kpa wuti sɛma aa biksi ba, chen ni i dɔma wa zi koti a ŋɔ di i tum galimsau. I sɛm chen, hiisa zi kpak bau.

Tait. 2:5

a ya nɛha tima awa tu chaan tima a ya dam nihaan birige a ya jɛrgɛ tima aa tiŋ ba baalasa nɔɔna, chen ni ba naa vɛ tiŋ Kristo wa zi chɔk Koosa laaboor weri ti sɔn.

1 Tɛs. 5:22

Koosa siim weri ti kpok vɛ nyɛn ba sɛm ta ni, ma vɛ a.

1 Tim. 5:14

Mu daŋni luhaan butoosa kiyu baalasau a lul bisa a kinyini ba dama, chen ni ya dɔma wa zi na nyinbaan a chɔk ya sɔn.

1 Kɔr. 5:12

Ba naa vɛ ya Yesu nitiŋɛ ta, mu laata kaa wa di ba sɛria. Koosa kaa wa di ba sɛria,

Tuma 22:12

“Baal digi funɛ nyɛn doon ba yir un Ananias. Waa yaa funɛ jɛɛmi Koosa wa wuti ni aa tiŋ ya chiksɛ ta nɛnɛ. Ju tim ba naa maga nyɛn Damaskus ni, funɛ nyɛ un jirima kinkan.

Tuma 10:22

Ba fun ŋɔ un, “Ya kunyana Kɔnilius naa ya lanjimasa nihɛɛ, tum ya i wati. O ya nibin werire a yaa jɛɛmi Koosa ka Ju tim ta maga nyɛ un jirima kinkan. Koosa malaikasi ta digi funɛ wa ŋɔ un di o yir hin i wa o dama, chen ni o zi nu chenani i daŋni i ŋɔ unu.”

Maak 4:11

O fun ŋɔ ba, “Ma warɛ Koosa nyɛ ma zim o koor ti kina, amaa ba naa vɛ nyɛn Koosa koor ti ni chen, jɛɛgɛwa n yaa jɛɛgi a nyɛ ba chen,

3 Jɔn 1:12

Dimitrius ya nibin werire. Nara maga zimu di oo tiŋ Koosa wuti nyinbaannɛ nɛnɛ. Mu titi ŋɔɛɛ di o ya nibin werire ka i zim di mu sɛm ya wutirɛ.

1 Tim. 3:6

O si su Koosa tama, o wa kiya Yesu nitiŋɛ nyuhu tiina. O ya nyuhu tiina lalaga, o zi zer o titiu ka Koosa zi na o galimsa a chi o funɛ na sintana galimsa chen.