1 Tim. 3:3 - Tampulma

³ O wa lawa o nyɔ sin a dɛɛsi a kpak nara wa tuha sa a kidaŋni o ya malɛ tiina. O lawa o ka ya jɛrgiu a kpak bara sɔɔna saha maga,

1 Tim. 3:3 Referans Kwoze

Tait. 1:7

Chenani o ya Yesu nitiŋɛ nyuhu tiina aa tum Koosa tuma nan, o lawa o kpak sɔn weri wa nara niu. O ta ya diŋ vɛ nuuli tiina a ta na paan lalaga a du nara ni, a ta nyɔ sin kinkan a dɛɛsi, a ta kpak nara wa tuha sa, a ta daŋni o ya malɛ tiina.

Tait. 3:2

Kibiksi ba di ba fiɛŋ ba chɔk nibinsa sɔna, amaa o lawa ba ya nibin wereu awa nibin jɛrgɛ a kpak bara sɔɔna nara maga wati.

Ɛfɛ. 5:18

Ma ta nyɛ sin dɔ ma. Ma ka nyɛ Koosa siim weri ti dɔ ma.

1 Tim. 3:8

O lawa Yesu nitiŋɛ nisuŋɛ kpak nara jirimau a tum ba tuma a li ba bambe ni. Ba gbanko ta nyɔ sin a dɛɛsi a kidaŋni ba ya malɛ tima.

Jems 4:1

Yɛrɛ maa yo dɔŋa aa la muksi dɔŋa saha maga? Ma titi daŋni nɛɛ maa yo dɔŋa.

1 Pita 5:2

Ba naa la tiŋ Koosa chi o piisisiwa. Waa nyɛ ma ya ba nigbaŋɛ. Maa nyini ba nɛnɛ. Ma ta nyini ma na nyɔɔra a li ma tum ni, amaa maa kpak un ma bambe ni di ma tum tuma a nyɛ ba kinkan. O wa ya muksirɛ ma tum chen. Ma tutɔrɛ maa tum. Chene Koosa daŋni.

Ju 13:5

Ma ta daŋni ma ya malɛ tima. Ma nyɛ kin naa ma kpak sɔɔni ma tusa. Ba fun a sɔbi a li Koosa sɛm tɔn ti ni di o ŋɔ, “Mu wa zi kut gil ma a ta.”

Tait. 2:3

Kibiksi nihahɛɛta gbanko di baa tum tum were, chen ni ba dɔŋtima zi nyɛ ba jirimau. Biksi ba ba ta chɔk ba dɔŋtim sɔna a ta nyɔ sin aa dɛɛsi. O lawa nihahɛɛti ta biksi nihaana baa tum tum wereu,

JɔnN Deesi 1:9

Mu waa, Jɔn, ya ma niinbe. Mu wa ma la namsi Yesu daha, amaa o suŋi yau ya di un, chen ni ya zi la zu o koor tiu wuzu digi. Ba fun kpa min a la nyɛ mu nyɛn pulum we naa ba yir Patmɔs ka ni go un. Ba funɛ ya chene, domi mu funɛ mɔɔli Koosa laaboor weri ti a ŋɔ nara wuti naa Yesu fun biksi ya a li gbampulim ni chen wɛ.

Juud 1:11

Yɛrɛ o kaa wa du ba ni? Ba tiŋ chenani Keen fun tiŋ saha digirɛ. Ba waa la tum tum tagna di ba na nyɔɔra a chi Beelim funɛ tum saha digi chen. Ba zi sowu a chi chenani Kɔɔra fun sou chen, domi o funɛ burgi o gantɛlu a chak Mosis saha digi.

2 Pita 2:3

Nibiksɛ ba naa ya se tima, zi biksi ba titi murau a nyɛ ma, a na nyɔɔra a li ma ni. Amaa Koosa wa zi vusi a wa di ba sɛria a na ba galimsa a ta ba yɔri.

Tait. 1:11

Ba biksi tagna a naa lawa ba ta biksi, waligi narawa awa ba walɛ a ta a li Koosa nyinbaan wuti ti ni. Chendaha i ŋɔ ba di ba gil ba muri. Ba gbanko biksi chene di ba na malɛ.

1 Tɛs. 5:14

Mu niinbisa, ya ŋɔ mau wuti ni, ma ŋɔ nibin yarɛ ni a kikpami ba, a kisuŋi ba naa la ɔm wa ba kpak bambi, a kisuŋi ba naa se suuli gbarɛgɛɛ, aa kpak nara maga wa kanyita.

Room 16:18

Nara nama ba naa la tum nan, ba wara tum a nyɛ ya kunyana Kristo nɛɛ. Ba titi daŋnɛ tum tagniwa baa tum, a ŋɔ sɛm were a pɛgi nara wa ba nyina ni aa mur ba naa vɛ ili.

Tuma 20:33

Mu wa ma funɛ nyɛn, mu wa funɛ daŋni nandigi salma koo aniita koo gar.

Mat. 21:13

a ŋɔ ba, “Ma wa zim chenani ba fun sɔbi a du Koosa sɛm tɔn ti ni chenn? Ba funɛ sɔbiu di, ‘N dam nɔ ya nara maga Koosa bar jɛɛmi damnɛ.’ Ba funɛ sɔbi nannɛ, amaa ma wa kpa a burgi ŋmɛɛrsa bar kani.”

2 Tim. 3:2

Nara zi wa nyɛn dooniu a kpak si a kidaŋni malɛ a zer ba titi aa ya diŋ vɛ nuulisi tima. Ba zi wa pini nara zomau a kivɛ ba nyama awa ba numa nɔɔna a ta zaami nara aa vɛ tiŋ Koosa.