1 Tim. 3:2 - Tampulma

² O lawa o kpak sɔn weriu nara wati a kpak nihaan bɛgim duŋduŋ a kpak o titi nɛnɛ a ya bambi tiina a tiŋ nɛnɛ a la hɔɔra a du o dam ni a koti aa biksi nara.

1 Tim. 3:2 Referans Kwoze

2 Tim. 2:24

Ya kunyan ti tumtumna fiɛŋ o daŋni yo. O lawa o ya jɛrgiu a koti a biksi nara nɛnɛ awa kanyita ni.

Room 12:13

Maa suŋi Koosa nara ba naa vɛ kpak kina, a la hɔɔra a du ma damsi ni.

1 Tim. 5:9

Luhaan bunsa kaali bun fumnɔra, ka o fun kpak baal bɛgim duŋduŋ a dɛɛsi o bisa nɛnɛ a la Koosa nara awa hɔɔra a du o dam ni a la suŋi ba naa nyɛn muksi ni a kpak un o bambi ni di o tum tum werewa, Yesu nitiŋɛ ta zi nyini unu.

1 Pita 4:9

Ma la dɔŋa aa du dɔŋ damsi ni a ta zulimi.

1 Pita 5:8

Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.

Ju 13:2

Ma ta suglɛ di ma la hɔɔra aa du ma damsi ni. Bɔnɛ funɛ ya chene saha digi, ba wa fun zim di ba la Koosa malaikasiwa a du.

Tait. 2:2

Kibiksi nibaal hɛɛta di ba ta nyɔ sin aa dɛɛsi. O lawa ba ya nɛha timau awa bambe tima, chen ni nara zi nyɛ ba jirimau. Kibiksi ba di ba se su Yesu kinkan a kidaŋni nara maga a kidi ba namsi.

Filip. Tima 2:15

Ma waa ya o bisa a kpak tu chaana a vɛ kpak galimsa. Ba naa ya nusun tima a la tum tum tagna kinkan, nyɛnu a go ma. Ma chaani ba bambaan ni a chi wula chaani buudaha ni,

1 Pita 4:7

Tɛɛnɛ nɔ maga siili saha duglɛu. O lawa ma ya bambe timau, chen ni ma zi koti a sumi Koosa wa nɛha niu.

Ju 3:14

Ma lisi chenani ma se fun te su Kristo, ka ma fun wa zim un. Ma kpak un chen nɛnɛ hali ma nyɛni maga wa peti, ma zi wa bɔni o kinau wuzu digi.

1 Tim. 4:3

Nara nama la biksi di nara kichi diwe bɔnɛ ka nibaala ta kpa haanasa. Amaa Koosa daŋni ba naa se su un a zim wuti ti di ba kpa diwe naa maga o fun naami chen a sumi un aa di.

Luk 1:6

O wa o haan ti funɛ ya nibin werewa aa tiŋ Koosa chiksɛ nɛnɛ.

Luk 2:36

Koosa witinsi ta digi funɛ nyɛn doon a ya nihaan hɛɛ. Ba funɛ yir un Ana. O nyɛn baal dama ni bun fu nɔpɛwa ka o baal sou. O nyan sɔn funɛ ya Fanuɛl a li Asa lul ni.

1 Tim. 3:8

O lawa Yesu nitiŋɛ nisuŋɛ kpak nara jirimau a tum ba tuma a li ba bambe ni. Ba gbanko ta nyɔ sin a dɛɛsi a kidaŋni ba ya malɛ tima.

1 Tim. 3:12

Nisuŋi lawa o kpak nihaan bɛgim duŋduŋnɛ a kinyini o bisa awa o walɛ nɛnɛ.

1 Tim. 5:22

Ta kpa i nisa a saksi nara ni lalaga di ba ya ya kunyan ti tumtumsa. Ta lagmi ba naa la tum tum tagna wati, amaa i kpak i titi wa tu chaan ni saha maga.