1 Tim. 1:19 - Tampulma

¹⁹ a kpak nɛnɛ aa tiŋ un wa tuha bɛgim ni. Bɔnɛ ka wa fun tiŋ wa tuha bɛgim a bur a chɔk ba se suuli kinkan.

1 Tim. 1:19 Referans Kwoze

1 Tim. 3:9

Amaa o lawa ba kpak wuti naa funɛ sogli ka Koosa kpa un li gbampulim chenu a kpak tu bɛgim wa Koosa ni.

JɔnN Deesi 3:10

Saha naa ba naa maga nyɛn tɛɛnɛ nɔ maga ni zi wa namsi kinkan, ka mu zi zaamsi ba, duglɛu. Ma funɛ tum ma tumau wa kanyita ni a chi chenani mu fun biksi ma. Chendaha mu zi wa lisi mau a li namsi ti saha ni.

1 Tim. 6:9

Amaa ba naa la daŋni ba ya malɛ tima, sintana zi wa zaamsi bau a mo ba lo a li ba womsa awa ba tum tagna daŋni ni, chen ni ba zi wa chɔku kinkan.

Tait. 1:9

O lawa o kpak Koosa laaboor weri naa ba fun te biksi unu nɛnɛ. Waa ya wuti tiina. O kpak chen nɛnɛ, o zi kotiu a kpa un a biksi nara a kpami ba, aa koti a burgi ba naa vɛ un nyuunau.

JɔnN Deesi 3:8

Mu zim chenani maa tumu awa chenani ma vɛ kpak kpoku, amaa ma tiŋ mu biksi ti a vɛ li mu gantɛl nara bambaan ni. Chendaha mu fun puk mu koor ti bulzɔɔnɔ di ma zu. Nandigi wa to a la zi tɔ un.

Ju 3:14

Ma lisi chenani ma se fun te su Kristo, ka ma fun wa zim un. Ma kpak un chen nɛnɛ hali ma nyɛni maga wa peti, ma zi wa bɔni o kinau wuzu digi.

2 Tim. 4:4

Ba zi wa buru a li Koosa wuti biksi ti ni, a kidaŋni baa nu mura.

1 Jɔn 2:19

Ba bɔnɛ funɛ nyɛn ya wati, amaa ba wa fun ya ya walɛ. Ba fu funɛ ya ya walɛ, ba fu zi nyɛn ya watiu. Amaa chenani ba chɔ a li ya wati chen, biksi di ba wa ya ya walɛ.

1 Tim. 6:21

Bɔnɛ funɛ tiŋ ba a bur a tiŋ Koosa wuti nyinbaan. O suŋi ma maga.

1 Tim. 1:5

Mu ŋɔ hin nannɛ, chen ni ya tusa zi chaaniu ka ya kpak tuha bɛgim wa Koosa ni ka ya se su un wuti ya daŋni nara maga.

Gal. 5:4

Ma naa la kpaŋi ma titi di maa tiŋ Koosa chiksɛ ta, chen ni o wa zi bu na ma galimsa, ma waa la vɛ Kristo. Chendaha Koosa vɛ koti a suŋi ma hali tama.

1 Kɔr. 11:19

O wa kpak beeli waligi nyɛn ma ni, chen ni ma zi kotiu a na ba naa la tiŋ wuti ti.

JɔnN Deesi 3:3

Ma lisi chenani ma fun te nu Koosa laaboor weri ti a nyɛ ma se su un. Ma kpak un nɛnɛ a gil chenani ma vɛ tiŋ min nɛnɛ. Ma vɛ si chiŋi a kpak si sɛm a tiŋ min nɛnɛ, mu zi wa wa ma watiu ka ma vɛ zim mu wɛ. Mu waali ti zi chi chenani ŋmɛɛr ya wa ŋmɛ kina chen.

Mat. 6:27

Ma anti la zi gbaari o bunsa a li muksi daha?

1 Tim. 6:12

I funɛ gil i tum tagna a chiŋi Koosa sɛhɛra tima nidamata suwachak ni, o fun kpa o mi fali naa vɛ kpak bɔ a nyɛ hin. Kpak un nɛnɛ. Nyɛ i si su un kinkan saha maga, chen ni i zi tiŋ unu nɛnɛ.

2 Tim. 2:18

Nara balɛ na funɛ gil Koosa wuti nyinbaanu a nyɛ ba naa se su Kristo bɔnɛ bur o tiŋi ni, domi ba biksiu di ya piin siu a li ya sou ni.