1 Tɛs. 4:16 - Tampulma

¹⁶ Wuzu digi nara zi wa nu ya kunyan ti tau awa Koosa malaikasa nyuhu tiin ta wa o kaabul kuuli. Ba zi na ya kunyan ti titi ka o li Koosa tɔhɔn ti a tu wa tɛɛnɛ. O zi te a lɛli ba naa maga se funɛ su unu a li ba sou ni.

1 Tɛs. 4:16 Referans Kwoze

JɔnN Deesi 1:7

Maa il. O zi wa li dobaala tuhu niu di ba naa nyɛ ba kpa tim a tau o lɔgum hɛna a li o daakakli ti ni chen awa nara maga zi na unu. O wa bur wa, nibin kurgɛ maga zi wiu kinkan. O wa zi vusi. Ami.

1 Kɔr. 15:23

Amaa ya kaa wa si ya sou ni nibɛgim bɛgimwa. Yesu funɛ ya naa funɛ te si. O wa bur wa, ba naa o dɔ chen gbanko zi wa siu.

Mat. 16:27

N waa nibine be zi wa bur wau awa Koosa kpok ni awa o malaikasa awa o jirima ni. N wa bur wa, n zi pa nara magau a li ba tum ni.

Mat. 25:31

“N waa nibine be wa Koosa malaikasi ta zi wa wau, mu zi wa kani mu kor niu a dɔ tɛɛnɛ nɔ maga,

2 Tɛs. 2:1

Mu daŋni mu bu ŋɔ mau lalaknɔ saha naa ya kunyan Yesu wa bur wa ka ya wa un wa lagmi wɛ. Mu niinbisa, mu sumi mau di,

Tuma 1:11

Nara balɛ ta digi fun ŋɔ ba, “Ma Galili tima, baŋnɛ ma chiŋi bar nɔ a nyini buudaha ni di ma ya? Chenani ma na ka Koosa zer o waa Yesu a zini o tɔhɔn ti, chene o vɛɛn kaa wa bur wa wuzu digi.”

2 Pita 3:10

Ya kunyan ti wa wa, o kaa wa chi chenani ŋmɛɛr ya wa chene. Chen wuzu ti wa tel, o zi jimu a chi dinful. Buudaha zi wa nyigmiu ka din wa di tɛɛnɛ maga.

JɔnN Deesi 8:13

Mu fun nyini a na ka tiisi nyɛn dooni a za buudaha bar boli ni. O fun ŋɔ wa ta zaŋ ni, “Malaikasa tora a naa kaɛɛ nan wa hu a kaabulsa, yɛrɛ o kaa wa du ba naa nyɛn tɛɛnɛ nɔ maga ni?”

Mat. 26:64

Yesu fun ŋɔ, “Min ya un. Nyɛ mu ŋɔ hin di wuzu digi i zi wa na mu waa nibine beu ka mu kani Koosa nihɛɛ bar kani ni, a bukoo na min n wa bur wa dobaala tuhu ni.”

JɔnN Deesi 14:13

Doone mu fun nu ta a li Koosa tɔhɔn ti ni ka o ŋɔ, “Sɔbi chenani mu kaa sɛm nan a dau. Ba naa tum tuma aa nyɛ ya kunyan ni a wa siti, ba tusa zi sɔɔniu.” Koosa siim weri ti fun ŋɔ a gbaari, “I sɛma ya wutirɛ.” Koosa zi bɔ ba ba chimu a nyɛ ba hiisi a li ba tum kpok kinkan ni ka ba tusa sɔɔni.

Juud 1:9

Hali Koosa malaikasa nyuhu tiina naa ba yir Maikil, wa tun nan. O wa sintana funɛ di amɔrɛ di anti maa wa dɔ Mosis bara, o titi wa fun pini sintana zoma a di un sɛria, amaa o funɛ ŋɔ di Koosa la zi zulimi un.

JɔnN Deesi 1:10

Aleedi wuzu digi Koosa siim weri ti fun wa si min ni a nyɛ mu na kin bɔnɛ a chi mu deesi. Mu fun nu ta zaŋa a chi kaabul,

Mat. 16:28

Ma nyɛ mu ŋɔ ma nan. Nara nyɛn bar nɔ a la zi vɛ siti hali ba wa na mu waa nibine be ka mu wa a chi koora.”

1 Kɔr. 15:18

Ba naa se funɛ su Kristo gbanko ka ba siti chen, ta yɔriu.

1 Kɔr. 15:20

Amaa wuti Koosa funɛ te lɛli Kristo a li o sou ni. Chendaha Koosa zi wa lɛli ba naa funɛ siti chen gbankou a li ba sou ni.

1 Tɛs. 1:10

Lalaknɔ maa tum o tumwa a la pɔ o be Yesu naa kaa wa li Koosa tɔhɔn ti ni a bur wa. Koosa funɛ lɛli unu a li o sou ni. Waa ya naa la zi yisi ya a li chenani Koosa zi na paan a du ya a lɛrgi ya diŋsa ni.

1 Tɛs. 3:11

Ya kunyan Koosa awa ya kunyan Yesu wa nyɛ ya nyinbaan, ya zi wa ma watiu.

JɔnN Deesi 8:2

Chen saha ti funɛ wa kaali, ba fun kpa kaabulsa nɔpɛ a nyɛ malaikasa nɔpɛ ta ni. A waa yaa chiŋi Koosa suwachak ni.