1 Tɛs. 2:9 - Tampulma

⁹ Mu niinbisa, ma lisi chenani ya funɛ tum saha maga hali a wa ku, chen ni ya zi kotiu a biksi ma Koosa laaboor weri ti a ta bu muksi ma diwe daha.

1 Tɛs. 2:9 Referans Kwoze

2 Kɔr. 11:9

Wuzu digi mu malɛ fun wa peti, amaa mu wa fun wa pɛɛsi ma di ma suŋi min. Mu niinbisa ba naa nyɛn Masɛdonia pulum ni, funɛ zer kin naa maga mu daŋniu a wa nyɛ min. Mu yaa fun dosou di mu wa zi nyini ma se ni a li kundɔŋ ni. Chene o kaa nyɛn kpa la saha wa wa.

Tuma 18:3

Pɔɔl fun la nyɛn ba dam ni, domi o wa Akwila funɛ ya sela tɔna nikɔɔrɛwa.

2 Tim. 1:3

Min la tum Koosa tuma awa tuha bɛgim ni a chi chenani mu nawaalsa fun tum chen. Mu yaa sumi Koosa a la zaami un i daha nha awa dusum.

1 Tim. 5:5

Luhaan vɛ kpak nandigi o nyini un ka o kpak bambi bɛgim Koosa ni a la sumi un di o suŋi un nha awa dusum, o ya luhaan wutirɛ.

1 Tim. 4:10

Chendaha yaa tum ya tuma kinkan a nyɛ Koosa ni, domi ya kpak bambi bɛgimu un ni. O nyɛnu a daŋni o yisi nara maga a li ba tum tagna ni baa tiŋ un. O piin ya chenu a nyɛ ya naa se su un ni.

1 Tɛs. 2:6

Ya wa funɛ daŋni sɔniwa ma wati koo nandigi wati.

1 Kɔr. 9:18

Mu tum ta nyɔɔra ya baŋa? Mu nyɔɔra ya mu kpa Koosa laaboor weri ti a nyɛ nara ni a ta la kundɔŋ. Saha maga mu wara tiŋ nyinbaan naa mu kpak, domi mu ya Yesu Kristo nitiŋɛ ta digirɛ.

1 Kɔr. 9:15

Mu kpak nyinbaan naa mu zi tum a nama magau, amaa mu wa tiŋ chen. Mu wa sɔbi tɔn nɔ a nyɛ ma di ma ya chen a nyɛ min. Mu daŋni mu te biksi ma Koosa laaboor weri tiu a sou wa lɔsa a zi ŋɔ ma ma nyɛ min diwe.

Tuma 20:31

Ma doso a kilisi chenani mu fun kpak un mu bambi ni di mu biksi ma bunsa tora a ta hiisi tama.

1 Tim. 1:11

Koosa naa zen kinkan a wer hali o wa peti, funɛ kpa o wuti biksi nɔ a du mu nin nee di mu kpa nyɛ nara ni. Waa ya o laaboor weri ti.

1 Tɛs. 3:10

Yaa sumi Koosau saha maga awa ba bambe ni di o nyɛ ya wa na ma bura, chen ni ya zi bukoo gbaari chenani ya fun piin biksi ma chenu a li Yesu nyinbaan tiŋi ti wɛ ni.

1 Tɛs. 2:2

Ma zim chenani Filipai tima fun te tum tum tagna a du ya ni a la pini ya kinkan ka ya zi wa pu ma Tɛsalɔnika ni. Ya funɛ nyɛn ma wati, ba naa funɛ nyɛn dooni ha vɛɛna muksi yau kinkan, amaa Koosa funɛ nyɛ ya o kpoku ya kpak bambi a ŋɔ ma o laaboor weri ti wɛ.

1 Tɛs. 1:3

Yaa ŋɔ ya kunyan Koosau chenani maa tum o tuma domi ma se su un. Maa tumu hali a wa ku, domi maa daŋni unu kinkan aa tiŋ un wa kanyita ni.

Filip. Tima 4:16

Mu funɛ nyɛn Tɛsalɔnika ni a daŋni kina, wuzu bilɛ bambaan ni ma fun kpa papaha a wa nyɛ min.

2 Kɔr. 6:5

Ba yaa fun tuksi yau a tɔ ya dɛ. Tɔhɔn dami yaa funɛ li ya nɛɛ. Ya yaa funɛ tumu hali a wa gbarigi a gil ya diwe awa ya do.

1 Kɔr. 4:12

Ya bara wilim nɛɛ ya funɛ di. Nara yaa pini yau, amaa ya yaa sumi Koosau di o suŋi ba. Ba yaa muksi yau kinkan, amaa ya yaa kpak kanyitau ba wati.

Room 15:19

wa o tum kpok wa o siim weri ti kpok nee, Kristo fun ya chen a nyɛ ba. Mu funɛ gbau a li Jɛrusalɛm ni o wa tel bar boli naa ba yir Ilrikum pulum. Mu fun a biksi nara Koosa laaboor weri ti Kristo wɛ bawu maga ni.

Room 15:16

Waa funɛ nyɛ mu ya Yesu Kristo tumtumna ba naa vɛ ya Ju tim daha. Chendaha mu sɔbi a nyɛ ma chen. Mu chi Koosa dam kɔkɔɔrsa ba naa yaa kpa kina a nyɛ Koosa ni digirɛ. Mu biksi ba naa vɛ ya Ju tima o laaboor weri ti wɛ, chen ni mu zi kpa ba naa o siim weri ti fun lisi chen a nyɛ unu.

Room 1:1

Mu waa, Pɔɔl, naa ya Yesu Kristo tumtumna, min la sɔbi tɔn nɔ. Koosa fun a yir min a lisi min di mu ya o nitumi a la ŋɔ nara ni o laaboor weri ti wɛ.

Luk 18:7

Koosa wa chi un. Ba naa o fun lisi a nyɛ o titi ni yaa sumi unu di o suŋi ba, o wa zi vusi a ya chen.

Luk 2:37

O funɛ ya luhaannɛ bun fummɛnasa danaasiwa. O funɛ nyɛn Koosa bar jɛɛmi dam ti nɛɛ a vɛ la bar digi. Nha wa dusum maga, o yaa funɛ jɛɛmi Koosarɛ a la sumi un a la vɔu nɔ.

Tuma 20:24

Mu baga wa to kin naa ya min ni. Ya kunyana Yesu fun lisi min di mu biksi nara Koosa laaboor weri ti wɛ awa chenani Koosa daŋni o suŋi ba. Mu bambi maga nyɛn tum nɔ o kpa nyɛ min di mu tum a peti nannɛ.

1 Kɔr. 9:4

Kristo nitumɛ ta kpak nyinbaan di nara nyɛ ba diwe awa kinyɔɔli ba tum daha. Mu wa kpak chen nyinbaan?

2 Kɔr. 11:27

Mu funɛ tumu a la gali a gil mu do bu damata. Nyɔksa awa lɔsa fun a kpak min. Mu kilaarɛ wa fun mak min ka mu vɛ kpak bar chɔɔli wuzu kama.