1 Tɛs. 2:17 - Tampulma

¹⁷ Mu niinbisa, ya waa wara, ba funɛ waligi yau a li ma ni, ya wa fun koti a na dɔŋa wuzu bilɛ. Amaa ya ha funɛ vɛɛn a lisi ma wɛu. Ma wɛ funɛ nyɛn ya bambe niu ka ya funɛ kpaŋi kinkan di ya wa na ma.

1 Tɛs. 2:17 Referans Kwoze

Kɔl. 2:5

Mu wa ma bol wa dɔŋau, amaa mu baga nyɛn di ma maga se su Kristo kinkan ka maa tiŋ o nyinbaan aa kpak un nɛnɛ. Ma ya chen, mu tuha zi sɔɔniu.

1 Kɔr. 5:3

Mu wa ma bol dɔŋ niu, amaa mu waa piin di baal ti sɛriau ya kunyan Yesu sɔn daha a chi mu nyɛn ma wati.

1 Tɛs. 3:6

Timoti funɛ wa ma watiu a bur wa ya wati. Laaboor naa o fun wa a wa ŋɔ ya chen funɛ ya ya lɛmlɛmu kinkan. O funɛ ŋɔ yau chenani ma se su Yesu ka ma daŋni nara. O funɛ ŋɔ ya di ma ha vɛɛn a lisi ya wɛu nɛnɛ, a la daŋni ma na ya a chi chenani yaa daŋni ya na ma nan.

Room 1:13

Mu niinbisa, mu daŋni ma zimu di mu funɛ daŋniu mu wa ma wati bu damata, amaa mu wa fun koti a wa. Mu daŋni mu lisi narawa ma wati a nyɛ Koosa ni a chi mu funɛ lisi ba a li ba naa vɛ ya Ju tim wati bawu maga ni.

Room 15:23

Amaa tum naa muu tum bar nɔ ni petiu. O nyɛn mu bambi niu di mu wa na ma bun damata.

Luk 22:15

Ba funɛ di chene, Yesu ŋɔ ba, “Mu kpak unu mu bambi ni n wa ma te di val la gali ti diwe na ka ni zi wa namsi.

Tuma 17:10

Dusum funɛ wa biri, Yesu nitiŋɛ ta fun tum Pɔɔl awa Sailas a li tɔhɔn naa ba yir Bɛrɛa. Ba fun la tel doon a la zu Ju tim ta bar lagmi dɛ.

Luk 12:58

Nar kpa ma la sɛria bar diili dɛ, nyɛ ma wa un ya chɛnsa a la nyinbaan ni. Ma vɛ ya chen ka ma la tel, o zi kpa mau a du sɛria nidiile tima digi nin ni. Nidiili ti ka kpa ma a nyɛ lanjima ni o tɔ ma dɛ.