1 Tɛs. 2:15 - Tampulma

¹⁵ Ju tim ta funɛ kpu ya kunyan Yesu, ka ba bɔnɛ fun kpu Koosa witinsi ta. Ba bɔnɛ fun bukoo a namsi ya kinkan a duŋni ya a ta. Nara nama wa fun sɔɔni Koosa tuha. Ba ya nara maga dɔmwa.

1 Tɛs. 2:15 Referans Kwoze

Mat. 5:12

Chene nibinsa funɛ muksi Koosa witinsa ba naa funɛ nyɛn saha digi chen kinkan. Koosa funɛ kpa o papaha zenu a chiŋsi o tɔha ni di o nyɛ ma. Chendaha ma nyɛ ma tusa sɔɔni kinkan.”

Tuma 7:52

Hali Koosa witinsi ta digi wa fun ka ma nawaalsi ta vɛ namsi un. Koosa funɛ tum ba di ba wa ŋɔ ma nawaalsi ta ni di o zi wa tum o tumtumna naa tiŋ o tutɔu wuzu digi. Ma nawaalsi ta funɛ kpu ba chen a chi chenani ma vɛ a kpu o tumtum ti chen.

Tuma 2:23

Waa funɛ ya naa ma kpak a du tum tagna nitumɛ nisi ni chen di ba la kpaasi un a mari daakakli ti ni o sou chen. Koosa funɛ te zimu di ma zi ya chenu. O funɛ ya o tutɔrɛ di o sou chen ni.

Tuma 3:15

Ma waa funɛ kpu naa kpa Koosa mi fali a nyɛ nara ni, amaa ya funɛ nau wa ya se ni ka Koosa lɛli un a li o sou ni.

Luk 24:20

Ya Koosa dam kɔkɔɔrsi ta awa ya nihɛɛti ta fun kpa un a la du Pailɔt nin ni di o di o sou sɛria a kpaasi un a mari daakakli ti ni o sou.

Mat. 27:25

Zɛmɛ ta maga fun ŋɔ un, “Koosa la zi na ya wa ya nilulɛ galimsa a lɛrgi ya diŋsa o sou daha.”

Mat. 23:37

Doone Yesu fun ŋɔ, “Ma Jɛrusalɛm tima. Ma yaa kpu witinsa ba naa Koosa tum ma wati. Mu yaa daŋniu n kok ma maga bu damata a chi zimi kok o bisa awa o chɛnɛ ni chen. Amaa ma wara daŋni n kok ma.

1 Kɔr. 10:5

amaa Koosa tuha wa fun sɔɔni a li ba nidamata ni, ka o fun chɔk ba nyabaan ni di ba siti.

Tuma 12:3

Hɛrɔd funɛ na di chenani o fun ya Jems chen funɛ sɔɔni Ju tim ta tusau. Nan daha o fun la kpak Pita gbanko. Saha tirɛ Ju tim ta fun nyɛn ba wuzu zene a naa ba yir val la gali ti bambaan ni a se boroboro naa ba yaa vɛ du luri chen.

Tuma 5:30

Ma waa funɛ kpaasi Yesu a mari daakakli ti ni o sou. Koosa, naa ya nawaalsi ta funɛ jɛɛmi, lɛli un a li o sou ni,

Tuma 4:10

Ya daŋni ma awa Ju tim ta maga zim chenani mu kaa ŋɔ mau nɛnɛ. Yesu Kristo Nazarɛt nar kpokre ya kpa a tiibi un. Ma fun kpaasi Yesu a mari daakakli ti ni o sou, amaa Koosa fun lɛlɛ unu a li o sou ni. Yesu daharɛ baal nɔ na alaafɛ a wa chiŋi bar nɔ zinan nan.

2 Kɔr. 11:26

Mu yaa si bar digi niu a gba hali a la li bar tagna ni kinkan. Mu funɛ ji mɔɔga jibaŋ naa ni fun su a pisi chen. Nara funɛ muksi min kinkan a daŋni ba fuksi mu kina. Ju tim ta awa ba naa vɛ ya Ju tima fun nyɛ min na namsi kinkan. Hali ba naa mu fun lisi di ba ya mu chɛnsiwa, ba fun bur a ka min. Mu funɛ gbau a la li tɔsa awa nyabaan wa teku, a maga funɛ ya bar tagniwa.