1 Tɛs. 1:10 - Tampulma

¹⁰ Lalaknɔ maa tum o tumwa a la pɔ o be Yesu naa kaa wa li Koosa tɔhɔn ti ni a bur wa. Koosa funɛ lɛli unu a li o sou ni. Waa ya naa la zi yisi ya a li chenani Koosa zi na paan a du ya a lɛrgi ya diŋsa ni.

1 Tɛs. 1:10 Referans Kwoze

1 Tɛs. 5:9

Koosa wa fun lisi ya di o na paan a du ya ni a ta ya yɔri, amaa o funɛ lisi yau di o yisi ya a li ya tum tagna ni hali a wa peti ya kunyan Yesu Kristo daha.

Mat. 3:7

Jɔn funɛ na Ju tima ba naa funɛ yir ba titi Farisi tima awa ba naa funɛ yir ba titi Sajusi tim nidamata la wa o wati di o chaksi ba, o fun ŋɔ ba, “Ma naa chi duma. Anti ŋɔ ma di Koosa zi na paanu a du ma ni a lɛrgi ma diŋsa ka ma chɔ?

Tuma 2:24

O fun lɛli Yesu a li o sou ni a nyɛ o namsi ti peti. O wa fun deŋli di o kpalimi o sou ni.

1 Pita 3:18

Kristo titi funɛ sou bu bɛgimnɛ ma tum tagna daha, chen ni o zi kpa mau a la Koosa wati. Naa funɛ ya tum were nitumi, waa funɛ chiŋi ya naa ya tum tagna nitumɛ bar chiŋi ni. Ba funɛ kpu o barawa, amaa Koosa siim weri ti funɛ lɛli unu a li o sou ni,

1 Pita 1:3

Koosa naa ya ya kunyan Yesu Kristo nyana, funɛ ɔm ya siki kinkan. Chendaha ma nyɛ ya pɛgi un saha maga. O funɛ lɛli Yesu Kristo a li o sou ni, a kpa o mi fali ti a nyɛ ya. Chendaha ya kpak bambi bɛgim,

Ju 9:28

Chen vɛɛna, Kristo funɛ sou bu bɛgimnɛ a kpa o titi a nyɛ Koosa ni, chen ni o zi kotiu a yisi nidamata a li ba tum tagna ni baa tiŋ un. Kristo wa bur wa, o wa bu sou a chiŋi ya tum tagna bar chiŋi ni. O zi yisi ba naa la pɔ unu, a li ba tum tagna ni hali a wa peti.

Room 4:25

Koosa funɛ nyɛ Yesu sou ya tum tagna daha a bu lɛli un a li o sou ni, chen ni o wa zi bu koti a na ya galimsa.

Luk 3:7

Zɛmɛ kinkan fun wa Jɔn wati di o chaksi ba wa ni ni. O fun ŋɔ ba, “Ma naa chi duma. Anti ŋɔ ma di Koosa na paan a du ma naa yaa tum tum tagna ni a la zi wa lɛrgi ma diŋsa ka ma chɔ?

1 Pita 1:21

Kristo funɛ sou a li o daakakli ti ni, Koosa fun lɛli un a li o sou ni a kpa o jirima awa o chaani kinkan a du un ni. O daha ma se su Koosau ka ma kpak bambi bɛgim un ni.

Room 8:34

Anti la zi koti a ŋɔ di ba chelu? Yesu Kristo funɛ ya naa siwɛɛ ka Koosa lɛli un a li o sou ni. Lalaknɔ o kanɛ Koosa nihɛɛta bar kani nɛɛ a la sumi un saha maga a nyɛ ya.

JɔnN Deesi 1:18

Mu ya naa nyɛnɛɛ. Mu funɛ sou, amaa lalaknɔ mu zi nyɛnu hali saha naa vɛ kpak bɔ. Min dɔ sou awa ba naa sitɛɛ bar nyɛni.

Tuma 1:11

Nara balɛ ta digi fun ŋɔ ba, “Ma Galili tima, baŋnɛ ma chiŋi bar nɔ a nyini buudaha ni di ma ya? Chenani ma na ka Koosa zer o waa Yesu a zini o tɔhɔn ti, chene o vɛɛn kaa wa bur wa wuzu digi.”

2 Pita 3:14

Mu bi daŋnɛ, chenani ma ya chen, o lawa ma kpak se sɛmu awa tu chaan tima a kpak sɔn weri Koosa suwachak ni ka ma wa un kpak nɔ bɛgim.

1 Tɛs. 2:16

Ba funɛ daŋni ya gil Koosa laaboor weri ti a ta sɛm kinyɛ ba naa vɛ ya Ju tim ni, domi ba nuɛɛ, Koosa fu zi koti a yisi bau a li ba tum tagna ni. Chen funɛ ya ba tum tagin a kaali ba tum tagna maga. Lalaknɔ Koosa na paanu kinkan a du ba ni a zi wa ta ba yɔri.

1 Kɔr. 1:7

domi Koosa funɛ kpa o siim weri ti papaha maga a nyɛ ma, a biksi di ma funɛ la unu. Maa pɔ ya kunyan Yesu Kristo bur waali.

2 Pita 3:12

a pɔ di ma na Koosa waali tɛɛnɛ nɔ maga sɛria diili a kpak un ma bambe ni di o wa lalaga. Chen wuzu ti din zi wa chɔk buudahau.

Ju 10:27

Ya tiŋ chen nyinbaan, ya zi ɔmu kinkan chenani Koosa zi kpa ya a gbaari ba naa maga vɛ un ni a na ya galimsa a ta ya yɔri. Chenani o zi na paan a du ya ni zi chi chenani din yaa di kina chene.

Tait. 2:13

O lawa ya ya chenu a kpak bambi bɛgim aa pɔ a wuzu naa Yesu Kristo naa ya Koosa zen awa naa funɛ yisi ya a li ya tum tagna ni yaa tiŋ un, zi wa bur wa tɛɛnɛ nɔ maga awa o jirima awa o chaani kinkan ni. O wa bur wa, ya tusa zi sɔɔniu kinkan.

Filip. Tima 3:20

Ya waa ka ya Koosa tɔhɔn ti nara. O nyɛn ya bambe niu di ya pɔ ya kunyan Yesu Kristo naa funɛ yisi ya a li ya tum tagna ni ya tiŋ un, o wa bur a li dooni a wa.

Gal. 3:13

Kristo funɛ sou, waa funɛ chiŋi doonani Koosa kaa ŋɔ nɔ a nyɛ ya bar chiŋi ni a la ya nyuuna a nyɛ ya. Ba fun bukoo sɔbi a li o sɛm tɔn ti ni a ŋɔ, “Koosa zi ŋɔ nɔu a nyɛ naa ba yisi a tɛ daakakli ti ni.”

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

Tuma 17:31

O fun lisi a wuzu naa o nyɛ naa o fun lisi chen wa di tɛɛnɛ nɔ tim maga sɛria. Koosa fun lɛli Yesu a li o sou ni di o biksi ya di waa ya naa la zi tum chen.”

Tuma 4:10

Ya daŋni ma awa Ju tim ta maga zim chenani mu kaa ŋɔ mau nɛnɛ. Yesu Kristo Nazarɛt nar kpokre ya kpa a tiibi un. Ma fun kpaasi Yesu a mari daakakli ti ni o sou, amaa Koosa fun lɛlɛ unu a li o sou ni. Yesu daharɛ baal nɔ na alaafɛ a wa chiŋi bar nɔ zinan nan.

Tuma 3:21

Koosa funɛ nyɛ o witinsa ba naa o fun lisi a nyɛ o titi ni, mɔɔliu saha digi di wuzu digi o zi wa nyɛ kina maga burgi kifalɛu. O lawa Yesu kpalimi Koosa tɔhɔn ti niu hali saha ti wa tel.

Tuma 3:15

Ma waa funɛ kpu naa kpa Koosa mi fali a nyɛ nara ni, amaa ya funɛ nau wa ya se ni ka Koosa lɛli un a li o sou ni.

Mat. 1:21

O zi lul nibabichɛlau. O wa bi, o zi wa yisi ba naa Koosa fun lisi nyɛ o titi niu a li ba tum tagna ni. Chendaha o lawa i du o sɔnu Yesu.” Malaika ti fun kaali.

JɔnN Deesi 1:7

Maa il. O zi wa li dobaala tuhu niu di ba naa nyɛ ba kpa tim a tau o lɔgum hɛna a li o daakakli ti ni chen awa nara maga zi na unu. O wa bur wa, nibin kurgɛ maga zi wiu kinkan. O wa zi vusi. Ami.

1 Pita 2:21

Koosa funɛ yir mau di ma ya chen. Kristo titi funɛ namsiu ma daha a biksi ma chenani ma zi tum a chi o funɛ tum chen.

2 Tim. 4:1

Mu chiŋe Koosa awa Yesu Kristo naa la zi wa di miisa tima awa nisitɛ sɛria a di o koor ti suwachak ni,

1 Tɛs. 2:7

Ya fu daŋni ya kpak kpok ma wati, ya fu zi koti a kpak unu domi ya ya Kristo nitumɛ tawa. Ya funɛ nyɛn ma wati, ya funɛ kpak kanyitau dɛɛsi ma a chi nihaan yaa dɛɛsi o be chen.

1 Tɛs. 1:7

Chendaha ba naa maga se su Yesu a nyɛn Masɛdonia pulum awa Girik tim pulum ni, funɛ tiŋu a chi chenani maa tiŋ chen.

Kɔl. 1:18

Waa ya ba naa tiŋ un chen, nyuhu tiina. Ba naa tiŋ un chen chi o barawa. Waa nyɛ ba o mi fali ti. Koosa funɛ te lɛli un a li o sou ni, chen ni o duŋduŋ la zi te kina maga suwachak.

Room 1:4

amaa Koosa funɛ kpa o kpok zen ti a lɛli un a li o sou ni di o biksi ya di o gbanko ya o bere.

Luk 2:25

Baal digi funɛ nyɛn Jɛrusalɛm ni. Ba yir un Simiɔn. O funɛ ya narrɛ a la tiŋ Koosa nɛnɛ. O funɛ pɔ di Koosa tum naa kaa wa yisi Ju tim tum tagna. Koosa siim weri ti nyɛn un ni.

Mat. 16:27

N waa nibine be zi wa bur wau awa Koosa kpok ni awa o malaikasa awa o jirima ni. N wa bur wa, n zi pa nara magau a li ba tum ni.

Mat. 16:28

Ma nyɛ mu ŋɔ ma nan. Nara nyɛn bar nɔ a la zi vɛ siti hali ba wa na mu waa nibine be ka mu wa a chi koora.”

Tuma 2:32

Naa wɛ Devid fun sɔbi chen awa Yesu ya nibɛgimnɛ. Ya funɛ nau awa ya se ni ka Koosa lɛli un a li o sou ni,