1 Pita 5:8 - Tampulma

⁸ Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.

1 Pita 5:8 Referans Kwoze

Ɛfɛ. 6:11

Ma nyini o kpok naa Koosa fun kpa nyɛ ma se ni, sintana wa zi koti a wa mur ma.

Jems 4:7

Adaha ma kpa ma bambe a du Koosa ni. Maa vɛ sintana, ka o zi chɔ a li ma ni.

Ɛfɛ. 4:27

Ma ta nyɛ sintana wa nyinbaan o nyɛ maa tum tum tagna.

1 Pita 1:13

Adaha ma saksi chenani ma lisi a ya bambe tima a kpak bambi bɛgim a li chenani Koosa zi wa suŋi ma. O be Yesu Kristo wa bur wa nara suwachak ni, Koosa zi ya chenu.

1 Pita 4:7

Tɛɛnɛ nɔ maga siili saha duglɛu. O lawa ma ya bambe timau, chen ni ma zi koti a sumi Koosa wa nɛha niu.

Luk 21:36

Ma doso a kiil saha maga. Maa sumi Koosa di o nyɛ ma o kpok ma di namsi naa kaa wa chen a wa chiŋi n waa nibine be suwachak ni.”

Luk 22:31

Saha tirɛ Yesu fun ŋɔ Pita ni, “Simɔn, kinu mu wati. Koosa funɛ nyɛ sintana nyinbaanu di o zaamsi ma maga a chi nihaan chɛɛrɛ munzɔta a li mɛ ni.

Tait. 2:12

Nan biksi ya di ya ta tum tum tagna a kidaŋni ya titi daŋnɛ a chi ba naa vɛ zim un. Lalaknɔ o daŋni ya ya bambi timwa awa wuti tima aa kitum tuma a naa la zi sɔɔni Koosa tuha.

JɔnN Deesi 12:12

Ma nyɛ ya naa maga nyɛn Koosa tɔhɔn ti ni tusa sɔɔni, amaa yɛrɛ o kaa wa du ba naa maga nyɛn tɛɛnɛ nɔ maga ni domi sintana wa ma nyɛnɛɛ. O na paanu kinkan, domi o zimu di o nyɛni saha wa zi vusi.”

Jɔn 8:44

Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.

Mat. 13:39

Sintana, naa ya ya dɔm, waa funɛ du kɔsi ta mu ŋmaha ti ni. Kumi saha wa ya tɛɛnɛ nɔ maga siili. Nikumɛ ka wa ya Koosa malaikasa.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

Mat. 24:42

Ma wa zim a wuzu naa ma kunyana zi wa bur wa. Adaha maa il nɛnɛ.

JɔnN Deesi 20:10

Doone ba zi zer sintana naa gbaɛɛ a mur nara a yo du a gbaari sel zen ti awa witiina naa vɛ zim Koosa a li bɛɛŋ naa din di saha maga ni. Doonee ba wa un zi namsi kinkan hali saha naa vɛ kpak bɔ.

Luk 21:34

“A wuzu naa mu kaa wa zi pirigi ma niu. Adaha ma doso ma ta vaan kpa ma bambe a tiŋ lalaknɔ yaali. Ma ta nyɛ ma wa ma dɔŋtima lagmi a diili a kinyɔ sin kpoka.

Tait. 1:8

O lawa o la nara a du o dam niu aa kidaŋni o tum tum were saha maga. O lawa o ya nɛha tiinau a ya nibin weri naa tiŋ Koosa nɛnɛ a ya bambi tiina.

2 Tim. 4:17

Amaa ya kunyan ti funɛ nyɛn mu watiu a kpa o kpok ti a nyɛ min, a fun nyɛ mu koti a sɛm Koosa laaboor weri ti wɛ a nyɛ ba naa vɛ ya Ju tim ni a lisi min a li bar tagin kinkan ni.

Tait. 2:6

O lawa i gbanko biksi bunɔɔnau ba ya nɛha tima.

Tait. 2:2

Kibiksi nibaal hɛɛta di ba ta nyɔ sin aa dɛɛsi. O lawa ba ya nɛha timau awa bambe tima, chen ni nara zi nyɛ ba jirimau. Kibiksi ba di ba se su Yesu kinkan a kidaŋni nara maga a kidi ba namsi.

1 Tim. 2:15

Amaa nihaana ba naa la dɛɛsi bisa, ba kpak nɛnɛ a nyɛ ba se su Koosa kinkan a daŋni dɔŋa aa ya bambi tima, wuzu digi Koosa zi yisi bau a li ba tum tagna ni hali o wa peti.

JɔnN Deesi 20:2

O fun kpak sel zen sɛm naa funɛ te duŋni nihaan ti a vɔu un wa zɔgli ti ni hali bun tusuga. Waa ya sintana naa ba yir dum ti a nyɛn a vusi a ya alizin tagna koora.

Tait. 2:4

chen ni ba se zi sɛriu ka baa daŋni ba baalasa awa ba bisa,

1 Tim. 3:11

Nisuŋi naa ya nihaan, o lawa o kpak nara jirimau a kpak o titi nɛnɛ a ya wuti tiina a li kina maga ni. O ta lɔ nara gantɛl.

1 Tim. 2:9

Mu gbanko daŋni nihaana ba ta niŋi gata a chi sakaalsa a kiniŋi wa nɛha ni. Ba ta kpa malɛ damata a vɔti ba nyuksa a ta laari salma kina awa buŋkul were awa gar were.

Mat. 4:1

Wuzu digi Koosa siim weri ti fun te Yesu suwachak a kaali kɔha. Sintana funɛ daŋni o la pu Yesu dooni a zaamsi un.

1 Tim. 3:2

O lawa o kpak sɔn weriu nara wati a kpak nihaan bɛgim duŋduŋ a kpak o titi nɛnɛ a ya bambi tiina a tiŋ nɛnɛ a la hɔɔra a du o dam ni a koti aa biksi nara.

Mat. 25:41

“Doone mu zi burgi a ŋɔ tum tagna nitumɛ, ba naa nyɛn mu ningal niu, ‘Ma naa Koosa fun ŋɔ nɔ a nyɛ chen, ma la mu wati. Ma la din dama naa Koosa fun kɔɔri a chiŋsi sintana awa o malaikasa.

Mat. 4:11

Sintan ti funɛ nu o sɛm ta, o fun kaali a ka un. Doone Koosa malaikasa fun wa suŋi Yesu.

Maak 4:15

Kiduhu naa funɛ chesi nyinbaan ni chen chi ba naa nu, amaa sintana funɛ siu lalaga a wa yisi laaboor ti a li ba bambe ni.

2 Kɔr. 2:11

Ya zim chenani sintana tumu saha maga. Chendaha ma zer chen nyinbaan o wa kikoti a nyaŋi ma.

JɔnN Deesi 12:10

Doone mu fun nu ta kpok a li Koosa tɔhɔn ti ni ka o ŋɔ, “Ya funɛ nyaŋi naa yaa funɛ fiksi ya niinbisa Koosa suwachak niu saha maga a duŋni un a ta. Koosa naa ya ya koor wuti, funɛ kpa Kristo kpok a gbaari o kpok ni a lisi naa la muksi ya chen a li ba bambaan ni.