1 Pita 4:19 - Tampulma

¹⁹ Chendaha ba naa tiŋ Koosa tutɔ a la na namsi lalaknɔ, o lawa baa tum tum were a kpa ba titi a du Koosa naa funɛ naami kina maga, nin niu. Waa ya wuti tiina.

1 Pita 4:19 Referans Kwoze

2 Tim. 1:12

Chendaha ba fun kpak min a la tɔ dɛ ka mu namsi nan. Amaa mu ha vɛɛn kpak bambi kpoku, domi mu zim naa mu si suu. Mu zimu di o zi il o kin nawara o fun kpa a du mu nin ni hali saha naa o wa bur wa.

1 Pita 3:17

O ya Koosa tutɔrɛ ma namsi ma tum were daha, waa bɔɛɛ wa ma namsi ma tum tagna daha.

1 Pita 2:15

O ya Koosa tutɔrɛ ma kpa ma tum were aa tɔ womna ba naa vɛ zim chenani ma tiŋi nɔ sɛma.

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

Tuma 7:59

Ba funɛ yaksi un chene, Stivin fun sumi ya kunyan ti a ŋɔ, “Mu kunyana Yesu, la mu siima.”

Luk 23:46

Doone Yesu fun tɛsi kinkan a ŋɔ, “Mu kunyana, n kpa mu siima a du i nin niu.” O fun sɛm sɛm ta peti a sou.

1 Pita 3:20

Siimsi nama wa fun tiŋ Koosa nɔ. Ba funɛ nyɛnu saha naa Nowa fun kɔɔri o arŋa saha digi chen. Chen saha ti Koosa kpak ba kanyita, amaa ni funɛ wa su, o fun a yisi nara mɛnasa duŋduŋ ni ti ni.