1 Pita 3:8 - Tampulma

⁸ Ma nyɛ mu lagmi a nama a ŋɔ ma. Maa kpak nɔ bɛgim wa dɔŋ ni a li kina maga ni. Ma ya niinbisiwa. Chendaha maa daŋni dɔŋa kinkan a ya jɛrgɛ aa kpak dɔŋa wa siki.

1 Pita 3:8 Referans Kwoze

Room 12:10

Ma wa ma dɔŋtima ya nibɛgimnɛ Kristo daha. Chendaha maa daŋni dɔŋa nɛnɛ aa kpak un ma bambe ni di ma nyɛ dɔŋa wa jirima.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.

Ɛfɛ. 4:31

Ma kpa ma paan awa ma tu haasa awa chenani ma tɛsi a la zulimi dɔŋa a la chɔk dɔŋ sɔna a ta.

Jems 3:17

Nibine naa kpak wuti zima naa li Koosa wati, waa kpak tu chaana a kpak bara sɔɔna nara wati a du balimm a ya jɛrgi a kpak ba siki kinkan a tum tum were aa nyɛ ba. O wara daŋni bɔnɛ a gil bɔnɛ, a vɛ ya nimuri tiina.

Ɛfɛ. 4:2

Ma ya jɛrgɛ tima a kpak dɔŋ wa kanyita saha maga. Maa suŋi dɔŋa, chen ni nara zi zimu di maa daŋni dɔŋau.

Kɔl. 3:12

Ma ya Koosa narawa. O fun a lisi ma a nyɛ o titi ni a la daŋni ma kinkan. Ma kpak dɔŋa awa siki a kikɔɔri dɔŋa sɔna a ya jɛrgɛ tima a kpak kanyita a du nara ni,

1 Kɔr. 12:26

Bara luk pɛkha vɛ kpak alaafɛ, o bara maga la wi chen. Nara pɛgi bara luk pɛkha digi, ba pɛgi bara magawa.

Mat. 18:33

Mu funɛ kpak hin sikiu. I gbanko fu zi kpak baal naa pɛŋ i malɛ chen wa sikiu.’

1 Jɔn 3:14

Chenani yaa daŋni dɔŋa biksi ya di Koosa funɛ lisi ya a li sintana nin ni a nyɛ ya o mi fali ti. Ba naa maga vɛ daŋni ba dɔŋtima, sintana ha vɛɛn dɔ ba.

1 Kɔr. 1:10

Mu niinbisa, mu sumi mau ya kunyan Yesu Kristo sɔn daha ma maga kiya nɔ bɛgim. Ma ta waligi ma titi, chen ni ma sɛma awa ma lise ni ma zi kpak nɔ bɛgimu.

Tuma 4:32

Ba naa maga se su Yesu funɛ ya nibɛgimnɛ. Nandigi wa fun ŋɔ di o titi kina ha vɛɛn ya o kinawa. Ba fun kpa a maga a bɔni dɔŋa.

1 Pita 5:5

Nibaala, chen vɛɛna maa tiŋ ma nihɛɛta nɔɔna a ya jɛrgɛ tima. Ba fun a sɔbi a li Koosa sɛm tɔn ti ni, “Koosa vɛ ba naa la zer ba titi, amaa o suŋi ba naa ya jɛrgɛu.”

Ju 13:1

Ma maga ya niinbisawa. Chendaha o lawa maa daŋniu saha maga.

2 Pita 1:7

a ya nibin were ma dɔŋtima wati a kidaŋni ba.

1 Pita 2:17

Maa daŋni ma dɔŋtima ba naa se su Yesu, a kinyɛ Koosa awa koorsi ta nyuhu tiina Siiza awa nara maga jirima.

Jems 5:11

Ba tusa sɔɔnɛu lalaknɔ, domi ba funɛ di ba namsiu. Ma lisi chenani Jop fun di o namsi saha digi. Ma zimu di Koosa funɛ nyɛ o namsi chen, di o ɔm un siki a suŋi un.

Jems 2:13

Saha naa Koosa wa kaa di ya sɛria, nar vɛ ɔm o dɔŋtiin siki, Koosa wa zi wa ɔm un siki. Chenani o kpak ya siki la zi nyɛ o ta na ya galimsa a ta ya yɔri.

Filip. Tima 3:16

Ma nyɛ yaa tiŋ chenani ya piinsa tiŋ hali wa zinan.

Room 15:5

Koosa naa funɛ kpa o kanyita a nyɛ ya a kpami ya, la zi nyɛ ma kpak nɔ bɛgim wa dɔŋ ni a chi chenani Yesu Kristo fun biksi ya chen,

Tuma 28:7

Ya wa pulum ti koor bar nyɛni wa fun bol dɔŋ ni. O sɔn funɛ ya Publius. O fun la ya a du ya nyɛn o wati wuzu butora.

Tuma 27:3

Chɔɔsa funɛ wa pisi, ya fun la tel Saidɔn. Julius funɛ ya nibin werire Pɔɔl wati a nyɛ un nyinbaan di o gil arŋ ti a la zaami o chɛna, chen ni ba zi nyɛ un kin nawara o daŋniu.

Tuma 2:1

Ju tim ta wuzu zen naa ba funɛ yir Pɛntɛkɔst chen wa tel, Yesu gantɛl tiŋsi ta maga fun wa lagmi dɔŋ ni.

Luk 10:33

O wa fun bu vusi ka baal digi val wa. O funɛ ya Samaria tim baallɛ. O funɛ na baal ti, o we fun kpak un siki kinkan.

Ɛfɛ. 4:32

Ma ka ya jɛrgɛ nara a kpak dɔŋa wa siki saha maga. Yesu Kristo siwi daha, Koosa fun gil ma tum tagna a nyɛ ma. Chendaha ma gbanko gil a nyɛ dɔŋ ni.

Filip. Tima 2:3

Ma ta ya se tima a kidaŋni sɔna. Ma ta lisi di ma ya nibin werewa a kaali ma dɔŋtima. Ma ka ya jɛrgɛ tima.