1 Pita 2:1 - Tampulma

¹ Kin nama daha, ma kpa ma tum tagna maga a ta. Ma ta suni wɛ a nyɛ dɔŋ ni a ta kpak handɔta a du dɔŋ ni a ta pini dɔŋ zoma.

1 Pita 2:1 Referans Kwoze

Ɛfɛ. 4:31

Ma kpa ma paan awa ma tu haasa awa chenani ma tɛsi a la zulimi dɔŋa a la chɔk dɔŋ sɔna a ta.

Jems 1:21

Chendaha o lawa ma kpa ma tum tagna magau a yo ta. Ma kpa ma bambe a nyɛ Koosa ni aa la o laaboor weri naa koti a yisi ma a li ma tum tagna ni hali a wa peti. O piin kpa unu a du ma bambi ni.

Jems 4:11

Mu niinbisa, ma ta sɛm wu tagna a nyɛ dɔŋ ni. Ba naa la sɛm sɛm tagna a nyɛ ba niinbisa ni a la di ba sɛria, chen tima sɛm sɛm tagna a nyɛ Koosa chiksɛ ta ni a la di o sɛria. Maa di Koosa chiksɛ ta sɛria ti, ma wara tiŋ a.

1 Pita 3:10

Ba fun a sɔbi a li Koosa sɛm tɔn ti ni a ŋɔ, “Naa maga la daŋni o nyɛn wa tu sɔɔna, o ta sɛm sɛm tagna a ta suni wɛ a nyɛ nara ni,

1 Pita 4:4

O jɛri ba naa vɛ zim Koosau lalaknɔ di ma wa ba wa lagmi a tum ba tum tagna kinkan. Chendaha baa pini ma zoma.

1 Pita 4:2

a kitiŋ Koosa tutɔ wuzuna naa kaɛɛ ni.

Jems 5:9

Mu niinbisa, ma ta zulimi dɔŋa, chen ni Koosa wa zi wa di ma sɛria. O zi wa di ma sɛriau lalaga.

Ju 12:1

Ba naa maga se funɛ su Koosa ka ba vɛ bur gantɛl, iiu kinkan. O chiu di ba baga nyɛn ya ni ka ba go ya. Chendaha o lawa ya kpa tum tagna a naa bɔm wa ya gil a ta. Ya nyɛni chi chɔchɔharɛ. Ma nyɛ ya chɔ a tiŋ nyinbaan naa Koosa fun kpa nyɛ ya wa kanyita ni.

1 Tim. 3:11

Nisuŋi naa ya nihaan, o lawa o kpak nara jirimau a kpak o titi nɛnɛ a ya wuti tiina a li kina maga ni. O ta lɔ nara gantɛl.

1 Pita 2:22

O wa fun kut a tum tum tagin. O wa fun suni wɛ a nyɛ nara ni.

Tait. 2:3

Kibiksi nihahɛɛta gbanko di baa tum tum were, chen ni ba dɔŋtima zi nyɛ ba jirimau. Biksi ba ba ta chɔk ba dɔŋtim sɔna a ta nyɔ sin aa dɛɛsi. O lawa nihahɛɛti ta biksi nihaana baa tum tum wereu,

1 Kɔr. 14:20

Mu niinbisa, ma wa lagmi dɔŋ ni, ma ta chi bichɛsa ba naa vɛ kpak nɛsa. Ma ka lisi nihɛɛta lise. Amaa maa daŋni a chi bichɛsa, ba naa vɛ koti a tum tum tagna kinkan.

Room 1:29

a la tum tum tagna damata a ya se tima, a kpak handɔta wa dɔŋa a la kpu nara a la yo dɔŋa la mur ba dɔŋtima a ha dɔŋa kinkan, a la lɔ nara gantɛl,

Luk 6:42

Yɛrɛ ma ya a ŋɔ ma dɔŋtiin ni, ‘Nyɛ ya lisi danugil ti a ta i si ni ka ma kpak dagume a li ma se ni?’ Ma mur ma titirɛ. Ma te a lisi dagume ti a ta ma se ni, a zi koti a na a lisi danugil ti a ta ma dɔŋtiin si ni.”

Mat. 23:28

Chene ma vɛɛn a mur nara di ma tum tum werewa, amaa ma tusa su wa tum tagna awa nusunsiwa.”

Mat. 7:5

Ma mur ma titirɛ. Ma te a yisi dagume ti a ta ma se ni, a zi koti a na a yisi danugil ti a ta ma dɔŋtim se ni.

2 Kɔr. 12:20

O muksi minu mu wa wa ma wati, ma bɔnɛ wa zi tiŋ chenani mu daŋni maa tiŋ. Ma zi wa di dɔŋa wa amɔrɛu a kpak dɔŋa handɔta a na paan a du dɔŋ ni a ya se tima a kichɔk dɔŋ sɔna a kilɔ dɔŋ gantɛla a zer ma titi a vɛ tiŋ ma nihɛɛta nɔɔna. O du chen, ma wa zi daŋni chenani mu wa ma zi nyɛn.

JɔnN Deesi 14:5

O waa funɛ lisi ba a li ba tum tagna hali a wa peti. Nandigi wa kibu koti a fiksi ba.

1 Pita 2:16

Ma ya nibin hiisewa, amaa ma gbanko ya Koosa yosiwa. Ma ta tum tum tagna aa sogli domi ma ya nihiise daha.

Jems 4:5

Ma ta lisi di sɛmsɛm naa ba fun a sɔbi a du Koosa sɛm tɔn ti ni, ya yɔrirɛ. Ba funɛ sɔbiu a ŋɔ, “Siim naa Koosa fun kpa a du ya ni chen, o yaa kpak handɔtirɛ a li o titi daŋni ni.”

Jems 3:14

Amaa ma kpak handɔta awa tuha sa a ya se tima, ma ta daŋni sɔn a kisuni di ma kpak wuti zimau.

1 Tɛs. 2:3

Laaboor weri naa ya funɛ sɛm ma a la sumi ma di ma nu, o maga funɛ ya wutirɛ. Ya wara daŋni ya suni wɛ di ya mur ma a kidaŋni nyɔɔra ma daha.

1 Kɔr. 5:8

Yaa tiŋ Yesu, o wa werwa ya bur a tum ya titi tum bunɛ a lisi lise tagna a kitum tum tagna. Ma nyɛ ya kpa a nama maga a ta. A waa chi luri ti. Ma nyɛ ya sɛm wuti duŋduŋ a nyɛ ya tusa chaani nɛnɛ. A waa chi boroboro naa vɛ kpak luri ti.

Jɔn 1:47

Ba funɛ wa dugli Yesu, o fun ŋɔ ba naa nyɛn o wati, “Maa na Ju tim baal nɔ la wa di o wa na min. O ya wuti tiinnɛ kinkan.”

Luk 11:44

Yɛrɛ o kaa wa du ma ni? Ma chi hugilsa naa ba vɛ danirɛ. Chendaha nara val a daha ni aa vɛ zimi.”

Luk 12:1

Nara tusugsa funɛ lagmi dɔŋ ni aa zaksi dɔŋa, Yesu fun ŋɔ o gantɛl tiŋsi ta ni, “Farisi tim ta ya nusun timwa. Chendaha ma doso ba biksi ni.

Maak 12:15

Yesu fun zim di ba daŋni ba mo o lore. O fun pɛɛsi ba, “Yɛrɛ murirɛ ma mur min nan? Ma kpa malɛ ta a wa n na.”

Mat. 24:51

O kunyan ti zi wa na paanu kinkan. O zi kpa unu a gbaari ba naa ya nusun tim ni a ta un yɔri. Dooni o zi wa wiu kinkan a se o nyina.”

Mat. 15:7

Ma ya nusun timwa. O funɛ ya wutirɛ chenani Koosa witiina Azaaya fun sɔbi ma wɛ saha digi a du Koosa sɛm tɔn ti ni chen.