1 Pita 1:8 - Tampulma

⁸ Ma ha wa na un, amaa maa daŋni unu ka ma se su un. Chendaha Koosa piin nyɛ ma tu sɔɔna hali a la gali.

1 Pita 1:8 Referans Kwoze

Jɔn 20:29

Yesu fun ŋɔ un, “Tɔmas, i na minu i si su di o ya minnɛ. Ba naa la zi vɛ na min ka ba se su min, Koosa zi sɔɔni ba tusau.”

2 Kɔr. 5:7

Ya wa na ya se ni chenani Koosa zi tum, amaa ya se su di chenani o ŋɔ chen, zi wa ya wutiu.

Room 15:13

Ma se su Koosa naa ya bambi bɛgim tiina. Chendaha o zi nyɛ ma tu sɔɔna awa bara sɔɔna kinkan, chen ni ma bambi bɛgim naa ma kpak un ni zi zenu aa gbaari a li o siim weri ti kpok ni.

Ju 11:1

Ya naa se su Koosa, ya zimu di wuzu digi o zi wa lisiu a li o kina ni a nyɛ ya. Ya kpak bambi bɛgimu kin nama ya ha vɛ naaliu.

Jɔn 16:22

Ma tusa chɔku lalaknɔ. Ma bu wa na min, ma tusa ka zi bu sɔɔniu kinkan. Nandigi wa kilisi ma tu sɔɔn ti a li ma ni.

2 Kɔr. 4:18

Ya baga wa to tɛɛnɛ nɔ maga kin nawara vɛ vusi ni. Ya baga ka nyɛnu a li kin nawara Koosa zi wa kpa nyɛ ya wuzu digi ni. A waa la zi nyɛn hali saha naa vɛ kpak bɔ.

1 Pita 1:6

Ma nyɛ ma tusa sɔɔni kin nama daha. Lalaknɔ sintana la zaamsi ma a li wu kurgɛ ni, chen ni ma tusa zi chɔku wuzu bilɛ.

Ju 11:27

Chenani o si fun su Koosa nyɛ o vɛ ɔm Ijipt tim koora a yisi Ju tim ta a li dooni. O wa fun a bur nyinbaan ti ni. O funɛ chi o na Koosa naa nandigi vɛ koti a naalirɛ.

1 Pita 2:7

Waa ya nizen kinkan a li ba naa se su un ni. Amaa ba funɛ sɔbi ba naa vɛ un chen wɛu a li Koosa sɛm tɔn ti ni a ŋɔ, “Buŋkul naa nisalɛ vɛ a ŋɔ di o ya yɔrirɛ, waa ya buŋkul zen a kaali a maga.

Filip. Tima 4:4

Ma nyɛ ma tusa sɔɔni saha maga ya kunyan ti daha. Mu zi bukoo nɔ mau, ma nyɛ ma tusa sɔɔni.

1 Pita 5:4

Chen ni Kristo naa ya ya nigbaŋi nihɛɛ, wa bur wa, o zi wa bɔ ma chimu ka o zi wa kpa jirima naa vɛ chɔki a nyɛ ma.

Ɛfɛ. 6:24

Koosa suŋi ba naa maga la daŋni ya kunyan Yesu Kristo awa daŋni naa vɛ kpak bɔ ni.

Filip. Tima 1:25

Mu kpak bambi kin nama wɛ ni. Chendaha mu zim di mu zi nyɛn bar nɔu a koti a suŋi ma se su un a gbaari ka ma tusa sɔɔni kinkan.

Room 14:17

Koosa dɔ ma, diwe naa ma di a la nyɔ wa bu ya kibirigi o wati. Chenani o siim weri ti nyɛ ma bara sɔɔna awa tu sɔɔna a la suŋi ma di ma tum tum were a nyɛ Koosa ni, kin nama ka ya kibirigi a li o wati.

Jɔn 14:24

Ba naa vɛ daŋni min wa zi tiŋ mu nɔ sɛma. Chenani mu biksi ma wa li min ni. A maga li mu nyan naa tum min chen watɛɛ.

Jɔn 8:42

Yesu fun ŋɔ ba, “Ma nyan ti sir ya Koosa, ma fu zi daŋni minu domi mu li o watɛɛ. Mu wa wa bar nɔ n titirɛ, amaa waa tum min.

Filip. Tima 3:3

Ba teŋsi ti wa ya wuti. Koosa wara daŋni ya teŋsi ya bara, domi o funɛ kpa o siim weri tirɛ a nyɛ ya, chen ni ya zi kotiu a jɛɛmi un wa wuti ni. Lalaknɔ Yesu Kristo ya ya jirima tiina. Ya wa bu kpak wu digi a li chenani nara tum tuma li ba titi kpok ni.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

2 Kɔr. 12:4

Mu funɛ zu dooni, mu funɛ nu sɛmau a naa mu vɛ koti a sɛm ma.

2 Kɔr. 9:15

Koosa funɛ kpa o beu a nyɛ ya. Wuti waa kaali a maga kinkan. Chendaha ma nyɛ yaa zaami un.

2 Kɔr. 1:22

a zer o dani a du ya ni. O gbanko funɛ kpa o siim weri ti a du ya bambe niu. Waa ya o purigiri bɔɔli kin naa maga o zi kpa a nyɛ ya.

Tuma 16:34

Doone niili ti fun kpa Pɔɔl awa Sailas a kaali o dam ti a la ya diwe ba di. O wa o walɛ ta tusa fun sɔɔni kinkan, domi ba se su Koosa.

Jɔn 14:21

“Ba naa la nu mu sɛma a la tiŋ a, chen biksi di ba daŋni minu. Mu gbanko zi daŋni bau a kpa mu titi a biksi ba. Ba la daŋni min chen daha, mu nyan ti gbanko zi daŋni bau.”

Jɔn 14:15

“Maa daŋni min, ma zi tiŋ chenani mu ŋɔ mau.

Mat. 10:37

“Nar la daŋni o nyana koo o niina a kaali min, o wa deŋli di o tiŋ min. Nar la daŋni o nibabichɛla koo o nihabichɛla a kaali min, o gbanko wa deŋli di o tiŋ min.

1 Kɔr. 16:22

Nibine naa vɛ daŋni ya kunyan ti, Koosa zi ŋɔ nɔu a nyɛ un. Ya kunyana, kuwa.

Ɛfɛ. 3:19

Mu daŋni ma wa zim chenani Yesu Kristo daŋni ya chenu. O daŋni yau hali ya vɛ koti a zim a la peti, amaa mu daŋni o daŋni ti siu ma ni, chen ni ma zi weru o chi Koosa wer chen.