1 Jɔn 4:7 - Tampulma

⁷ Mu chɛn daŋnɛ, ma nyɛ yaa daŋni dɔŋa. Daŋni li Koosa watɛɛ. Naa la daŋni o dɔŋtiina, waa ya Koosa be aa zim un.

1 Jɔn 4:7 Referans Kwoze

1 Jɔn 4:20

Nandigi ŋɔ di o daŋni Koosau a ha o dɔŋtiina, o ya nusun tiinnɛ. O vɛ koti a daŋni o dɔŋtiina naa oo na, yɛrɛ o kaa ya a daŋni Koosa naa o vɛ naali?

1 Jɔn 4:8

Koosa ya daŋni tiina. Chendaha naa vɛ daŋni o dɔŋtiina, o wa zim un.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.

1 Jɔn 2:10

Amaa naa la daŋni o dɔŋtima, o waa nyɛn bar chaani ti nɛɛ. Kundɔŋ wa to dooni a la zi nyɛ o chel.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

2 Tim. 1:7

Siim weri naa Koosa fun kpa nyɛ ya chen, o wa nyɛ ya ɔm wa bambi kpaki ni, amaa o nyɛ ya o kpok ti, chen ni ya zi kotiu a daŋni nara a ya bambi tima.

1 Jɔn 4:12

Nandigi ha wa zin na Koosa. Amaa yaa daŋni dɔŋa, Koosa nyɛn ya watiu a la suŋi ya, chen ni ya zi daŋni unu aa gbaari.

1 Jɔn 2:29

Ya zimu di Yesu wɛ maga deŋlu. Chendaha ya zim di ba naa maga tuma deŋlee, ba ya Koosa bisiwa.

Jɔn 17:3

Hin ya nibɛgim a ya wuti tiina. Nar zim hin awa mu waa naa i fun tum chen, o kpak i mi fali naa vɛ kpak bɔu.

2 Kɔr. 4:6

Koosa funɛ naami tɛɛnɛ nɔ maga saha digi, o fun ŋɔ, “Ma nyɛ birsa burgi nha.” O be Yesu Kristo funɛ kpa Koosa jirima awa o chaani ti kinkan a biksi ya. Nan chi fitina a chaani ya bambe ni.

Gal. 4:9

Lalaknɔ ma zim Koosa a ya o bisa ka o zim ma, yɛrɛ maa daŋni ma bur aa tiŋ chiina awa chiksɛ? Ma bur a daŋni ma ya a yosiwaa?

Jɔn 13:34

Chiksi fali nyɛnɛɛ mu daŋni ma tiŋ. Ma zimu di mu daŋni mau kinkan. O lawa ma gbanko kidaŋni dɔŋau a chi chen.

1 Kɔr. 8:3

amaa nar la daŋni Koosa, warɛ Koosa zim.

1 Jɔn 2:3

Yaa tiŋ Koosa nɔ sɛma maga, ya sir zim di ya zim unu.

1 Jɔn 2:4

Nar ŋɔɛɛ di o zim Koosau, amaa o wa tiŋ o nɔ sɛma, o suni wɛwa. O wa kpak wuti.

1 Jɔn 2:7

Mu bi daŋnɛ, o wa ya chiksi falirɛ mu sɔbi a nyɛ ma nan. O ha vɛɛn ya kibuni naa ma fun nu a li o piili ti ni chene.

1 Jɔn 3:9

Ba naa maga ya Koosa bisa, ba tum tum tagin, ba tusa wa yaa sɔɔni tum tagin ti daha. Koosa fun kpa o mi fali ti a du ba ni di ba ya o bisa. Chendaha ba tusa wara sɔɔni.

1 Jɔn 4:11

Mu chɛn daŋnɛ, Koosa daŋni ya nan, o weru di ya gbanko kidaŋni dɔŋa.

1 Jɔn 4:16

Ya zimu nɛnɛ di oo daŋni yau ka ya se su di waa ya daŋni tiina. Naa la daŋni o dɔŋtiina nyɛn Koosa wati ka Koosa nyɛn un ni.

1 Jɔn 5:1

Naa si su di Yesu ya Kristo naa Koosa fun tum chen, chen tiina ya Koosa bisi ta digirɛ. Ma daŋni nibine, ma zi daŋni o be ti gbankou.

2 Jɔn 1:5

Adaha mu sumi hinu ii tiŋ Koosa chiksɛ naa ya fun nu a li o piili ti ni chen. O wa ya chiksi falirɛ. O ŋɔ di o weru wa yaa daŋni dɔŋau,