1 Jɔn 3:7 - Tampulma

⁷ Mu bisa, ma ta nyɛ nandigi mur ma. Ba naa maga la tum tum were, ba ya tu chaan timawa a chi Yesu.

1 Jɔn 3:7 Referans Kwoze

1 Jɔn 2:29

Ya zimu di Yesu wɛ maga deŋlu. Chendaha ya zim di ba naa maga tuma deŋlee, ba ya Koosa bisiwa.

Room 2:13

Nara funɛ nu o chiksɛ ta duŋduŋnɛ, ba galimsa ti ha vɛɛn nyɛn o watiu. Amaa ba naa ka tiŋ a nɔ, o wa zi bu na ba galimsa.

1 Jɔn 3:3

Adaha ba naa maga kpak chen bambi bɛgim, ba zi kpak unu ba bambe ni di ba ya tu chaan tima a chi chenani Yesu ya tu chaan tiin chen.

1 Jɔn 2:26

Mu sɔbi tɔn nɔwa a nyɛ ma a ŋɔ ma ba naa la daŋni ba mur ma ma li Yesu wɛ ni.

1 Jɔn 2:1

Mu bisa, mu sɔbi nannɛ a nyɛ ma, chen ni ma zi ɔm ma tum tagnau. Amaa ya nandigi tum tum tagna, ya kpak naa la zi sumi ya kunyana Koosa a nyɛ yau. Waa ya Yesu Kristo naa ya tu chaan tiin ti.

Tuma 10:35

Ba naa maga yaa tum tum were a la nyɛ un jirima a li pulumsi maga ni, o zi la ba duu.

Ɛfɛ. 5:9

Ba naa nyɛn nha ni yaa tum tum werewa a nyɛ Koosa ni saha maga a ya nibin were a la sɛm wuti sɛma.

1 Pita 2:24

Kristo funɛ sou a li o daakakli ti ni, o fun kpa ya tum tagna a du o titi ni, chen ni ya wa zi bu tum tum tagna, amaa ya zi tum tum wereu. O chɔɔra funɛ nyɛ ma na alaafɛu.

1 Kɔr. 6:9

Ma wa zim di nibin tagna wa kizu Koosa koor tii? Ma mur ma titirɛ. Ba naa la tum chɔkumsa tuma a la nyɛ vursa jirima, a la daŋni nihaana yɔri yɔri,

Luk 1:75

O gbanko funɛ vɔu di o zi nyɛ ya o kpoku di yaa tum tum were a ya tu chaan tima o wati a kpa la hali ya wuzuna nyɛni maga.”

Jems 2:19

Ma la nɔɔni di Koosa bɛgim nyɛnɛɛ. Chen deŋlu. Alizin tagna gbanko la nɔɔni di Koosa bɛgim nyɛnɛɛ. Chendaha ba ɔm a la jigiri.

Filip. Tima 1:11

Yesu Kristo zi suŋi mau di ma ya nibin werewa kinkan a chi chen. Nara zi na mau a kidaŋni ba pɛgi Koosa a nyɛ un jirima.

Mat. 5:20

Koosa chiksɛ nibiksɛ ta awa Farisi tim ta yaa ŋɔ nara ni di ba tiŋ Koosa nyinbaan. Ma daŋni ma zu Koosa koor ti, o lawa ma tiŋi iiu a kaali ba kinkan.”

Jems 1:22

Ma nu Koosa sɛma a vɛ tiŋ a, ma ya mur ma titirɛ.

Ju 7:2

Abraham fun purigi o kina maga fi fi a lisi a digi a nyɛ un. Mɛlkizidɛk sɔn, o mun ya, ‘koor naa tum o tuma a deŋli’. O gbanko funɛ ya Selɛm tim koorre. Sɔn ti mun ya, ‘koor naa kpak bara sɔɔna awa nara ni’.

Ju 1:8

Amaa Koosa funɛ ŋɔ o be ti wɛwa, “I waa naa ya Koosa, i koor ti zi nyɛnu hali saha naa vɛ kpak bɔ. I dɔɔli maga deŋlu.

Ɛfɛ. 5:6

Ma ta nu nara womsi sɛma a nyɛ ba mur ma. Ba wara tiŋ Koosa nɔ. Chendaha o na paan a du ba ni a zi wa lɛrgi ba diŋsa.

1 Jɔn 3:18

Mu bisa, ya ta daŋni ya dɔŋtima wa ya sɛma duŋduŋ ni. Ma nyɛ yaa daŋni ba wa wuti ni a tum tum were a nyɛ ba.

1 Jɔn 4:17

Ya wa Yesu Kristo lagmi nyɛn ka o suŋi ya, chen ni ya zi daŋni unu hali o wa peti. O ya chene, chen ni ya wa zi wa kpak hansura a wuzu naa Koosa zi wa di tɛɛnɛ nɔ tim maga sɛria.