1 Jɔn 3:19 - Tampulma

^19-20 Yaa ya chen, ya zimu di yaa tiŋ chenani Koosa daŋni ya tiŋnɛ. Chenani yaa tiŋ un nyɛ ya tusa chɔk, o zi zim ya bambe niu domi o zenu a kaali ya a zim kina maga.

1 Jɔn 3:19 Referans Kwoze

Ju 10:22

Ma nyɛ ya la zu doonani Koosa nyɛn. Ya se su un nɛnɛ ka ya kpak tu bɛgim, o zi la ya duu. O chi o funɛ kpa Kristo chɛllɛ a misi ya di o chaksi ya bambe, chen ni ya wa zi bu kpak galimsa o suwachak ni. O gbanko chi o kpa ni a sɔ ya bara.

1 Jɔn 3:21

Mu bi daŋnɛ, ya zimu di yaa tiŋ chenani o daŋni ya tiŋi, ya zi kpak bambi kpokau o suwachak ni.

Jɔn 18:37

Pailɔt fun ŋɔ un, “Chenani i sɛm nan ya wuti, i sir ya koorree?” Yesu fun ŋɔ, “Chenani i kut ŋɔ chen. Ba funɛ lul minu mu wa tɛɛnɛ nɔ maga di mu waa biksi nara wuti ti wɛ. Ba naa la daŋni ba ya wuti tima nu mu sɛma.”

1 Jɔn 1:8

Ya sɛmɛɛ di ya wara tum tum tagna, yaa mur ya titirɛ. Ya wa kpak wuti.

2 Tim. 1:12

Chendaha ba fun kpak min a la tɔ dɛ ka mu namsi nan. Amaa mu ha vɛɛn kpak bambi kpoku, domi mu zim naa mu si suu. Mu zimu di o zi il o kin nawara o fun kpa a du mu nin ni hali saha naa o wa bur wa.

Room 4:21

O fun kpak bambi kinkan di Koosa zi tum chenani o sɛmu.

Jɔn 13:35

Ma daŋni dɔŋa nan ni, nara maga zi zimu di ma ya mu gantɛl tiŋsiwa.”

1 Jɔn 3:14

Chenani yaa daŋni dɔŋa biksi ya di Koosa funɛ lisi ya a li sintana nin ni a nyɛ ya o mi fali ti. Ba naa maga vɛ daŋni ba dɔŋtima, sintana ha vɛɛn dɔ ba.

Ju 11:13

Nara tima maga funɛ siti, ba se ha funɛ vɛɛn su Koosau. Ba funɛ nyɛn, ba wa fun koti a la kin nawara Koosa fun vɔu di o nyɛ ba chen. O chi ba funɛ na a a li bar boli nee a kpak bambe di ba la a. Ba funɛ nyɛn tɛɛnɛ nɔ maga ni, ba funɛ biksi narau di ba ya hɔɔrawa dooni.

Room 8:38

Mu kpak bambi kinkanu di sou awa miisa wa malaika were wa kitagna kpok wa kin nawara la ya lalaknɔ wa kin nawara la zi wa ya,

1 Jɔn 2:21

Mu sɔbi tɔn nɔwa a nyɛ ma, o wa ya di ma wa zim wuti ti. Ma zim wuti ti nɛnɛ, ma zi zim di nusuna wara li un ni.