1 Jɔn 2:24 - Tampulma

²⁴ Ma ta suglɛ biksi naa ma fun te nu chen. Ma nyɛ chen nyɛn ma bambe ni, ma wa ya kunyana Koosa awa o be Yesu zi ya nibɛgimu.

1 Jɔn 2:24 Referans Kwoze

Jɔn 14:23

Yesu fun ŋɔ un, “Ba naa la daŋni min zi tiŋ mu nɔ sɛmau. Mu nyan ti gbanko zi daŋni bau, ka mu wa un wa nyɛn ba bambe ni.

1 Jɔn 4:13

Ya zimu di o nyɛn ya watiu ka ya gbanko nyɛn un ni, domi o siim weri naa o fun kpa a nyɛ ya, waa kut nyɛn ya wati.

1 Jɔn 4:16

Ya zimu nɛnɛ di oo daŋni yau ka ya se su di waa ya daŋni tiina. Naa la daŋni o dɔŋtiina nyɛn Koosa wati ka Koosa nyɛn un ni.

JɔnN Deesi 3:3

Ma lisi chenani ma fun te nu Koosa laaboor weri ti a nyɛ ma se su un. Ma kpak un nɛnɛ a gil chenani ma vɛ tiŋ min nɛnɛ. Ma vɛ si chiŋi a kpak si sɛm a tiŋ min nɛnɛ, mu zi wa wa ma watiu ka ma vɛ zim mu wɛ. Mu waali ti zi chi chenani ŋmɛɛr ya wa ŋmɛ kina chen.

1 Jɔn 2:7

Mu bi daŋnɛ, o wa ya chiksi falirɛ mu sɔbi a nyɛ ma nan. O ha vɛɛn ya kibuni naa ma fun nu a li o piili ti ni chene.

1 Jɔn 1:3

Ya daŋni ya biksi ma kin naa maga o yarɛ ya fun na a nu, chen ni ya wa ma zi lagmiu a li sɛm nan ni. Ya wa Koosa awa o be Yesu Kristo ya maga kpak nɔ bɛgimnɛ.

Jɔn 15:7

Ma wa min ya nibɛgim a nyɛn ka mu sɛm naa mu biksi ma nyɛn ma ni, ma zi kotiu a sumi Koosa kin naa ma daŋni o nyɛ ma.

JɔnN Deesi 3:11

Mu zi bur wau lalaga. Ma kpak chenani ma tiŋ min nɛnɛ, chen ni nandigi wa zi lisi Koosa mi fali naa mu zi kpa a nyɛ ma, a li ma ni.

Kɔl. 3:16

Ma nyɛ Kristo sɛma nyɛn ma bambe ni nɛnɛ a kpa o zima a biksi dɔŋa a kikpami dɔŋa a lɔ boola naa Koosa siim weri ti nyɛ ma, a kipɛgi Koosa aa kizaami un kinkan.

1 Jɔn 1:7

Amaa ya nyɛ ya tusa chaani a chi chenani Koosa tuha chaani chen, ya wa ya dɔŋtima zi kpak nɔ bɛgimu ka Koosa be Yesu chɛl zi yisi ya doŋ magau a li ya ni.

Ju 3:14

Ma lisi chenani ma se fun te su Kristo, ka ma fun wa zim un. Ma kpak un chen nɛnɛ hali ma nyɛni maga wa peti, ma zi wa bɔni o kinau wuzu digi.

Filip. Tima 4:15

Ma Filipai nara, ma zimu nɛnɛ di mu funɛ te a biksi Masɛdonia nara Koosa laaboor weri ti wɛ a la saksi di mu kaali, ma duŋduŋ funɛ suŋi min nyinbaan ni.

3 Jɔn 1:3

domi Yesu nitiŋɛ ta bɔnɛ funɛ wa a wa sɛm min di maa tiŋ wuti nyinbaanu awa ma bambi maga ni. Mu funɛ nu chen, mu tuha fun sɔɔni kinkan.

2 Jɔn 1:2

domi wuti naa nyɛn ya maga bambe ni. Wuti ti zi kut nyɛnu hali a vɛ peti.

Ju 2:1

Chendaha o lawa ya kpaku nɛnɛ a li wuti biksi naa ya fun a nu a gbaari ni. Ya ya chen, ya wa zi a bur Koosa wuti nyinbaan ti ni.

Jɔn 8:25

Ba fun ŋɔ un, “Anti ya hin i sɛm nan sɛma a du ya ni?” Yesu fun ŋɔ ba, “Mu piin ŋɔ ma nibine naa ya minu.

Luk 1:2

Ba waa funɛ sɔbi chenani ba nu a li sɛhɛra tima ba naa funɛ piin na a o piili ti ni a fun la biksi nara a wɛ.

Luk 9:44

“Ma ta suglɛ chenani mu ŋɔ ma. Ba zi wa kpa n waa nibine beu a du nara nisa ni.”

Jɔn 6:56

Ba naa maga di mu bara aa la nyɔ mu chɛl ti nyɛn min ni ka mu gbanko nyɛn ba ni.

1 Jɔn 3:24

Ba naa maga tiŋ Koosa nɔ sɛma, nyɛn un ni ka o ka nyɛn ba ni. Ya zimu di nan ya wutirɛ, domi waa funɛ kpa o siim weri ti a du ya ni.

1 Jɔn 4:15

Naa la nɔɔni di Yesu ya Koosa bere, Koosa nyɛn tiin watiu ka o gbanko nyɛn Koosa ni.

2 Jɔn 1:9

Nandigi kpa wu digi a gbaari chenani ya fun biksi ma Kristo wɛ chen, Koosa wa to chen tiin ni. Ma kpak chenani ya funɛ biksi ma Kristo wɛ chen, Koosa awa o be Yesu zi nyɛn ma niu.