1 Jɔn 1:8 - Tampulma

⁸ Ya sɛmɛɛ di ya wara tum tum tagna, yaa mur ya titirɛ. Ya wa kpak wuti.

1 Jɔn 1:8 Referans Kwoze

Room 3:23

Nara maga yaa tum tum tagnau a pɔɔgi chenani Koosa daŋni ba du.

Jems 3:2

Ya maga yaa butiu kinkan. Nar vɛ buti o sɛm ni, o ya nibin werire kinkan a koti a kpak o titi nɛnɛ.

1 Jɔn 2:4

Nar ŋɔɛɛ di o zim Koosau, amaa o wa tiŋ o nɔ sɛma, o suni wɛwa. O wa kpak wuti.

1 Jɔn 1:10

Ya sɛmɛɛ di ya ha wa tum tum tagna, ya yir Koosa nusun tiinnɛ. Ya wa zim o chiksɛ ta.

Gal. 6:3

Nar lisee di o ya nibin zenne a vɛ yaali, o mur o titirɛ.

Jems 1:26

Nar ŋɔ di oo tiŋ Koosa a vɛ doso wa o sɛm ni, o mur o titirɛ. O Koosa tiŋi ti ya yɔrirɛ.

1 Tim. 6:5

Nibiksɛ nama ya ba naa vɛ zim wuti ti, ka ba lisi lisi tagna saha maga. Ba yaa daŋni bara borare a du dɔŋ ni, a la lisi di ba naa tiŋ ba biksi ti chen zi wa ya malɛ timau.

1 Kɔr. 3:18

Ma ta nyɛ nandigi wa mur o titi. O lisi di o kpak tɛɛnɛ nɔ tim maga zima, o kpa o zima ti a yo ta ka burgi wom, chen ni o zi kpak Koosa zimau.

2 Jɔn 1:2

domi wuti naa nyɛn ya maga bambe ni. Wuti ti zi kut nyɛnu hali a vɛ peti.

1 Jɔn 1:6

Ya ŋɔɛɛ di ya wa un ya nibɛgimnɛ ka ya tum birsa tuma, ya suni wɛwa. Ya wa tiŋ wuti nyinbaan.

Jems 1:22

Ma nu Koosa sɛma a vɛ tiŋ a, ma ya mur ma titirɛ.

2 Tim. 3:13

Amaa nimurɛ ba naa la tum tum tagna zi wa tumu aa gbaari. Ba wa la mur nara awa ba titi.

3 Jɔn 1:3

domi Yesu nitiŋɛ ta bɔnɛ funɛ wa a wa sɛm min di maa tiŋ wuti nyinbaanu awa ma bambi maga ni. Mu funɛ nu chen, mu tuha fun sɔɔni kinkan.

2 Pita 2:13

Ba funɛ nyɛ nidamata namsiu. Chendaha Koosa zi nyɛ ba na namsiu. Ba tusa sɔɔniu baa tum tum tagna a su chenani ba bara daŋni nara maga suwachak ni. Ma wa ba lagmɛɛ a di diwe, ba yaa ya chene a nyɛ hiisa kpak ma.

Jɔn 8:44

Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.

Room 3:10

Ba fun a sɔbi a li Koosa sɛm tɔn ti ni a ŋɔ, “Nandigi wa toli a ya tum were nitumi, hali nibɛgim wa to.

1 Jɔn 4:20

Nandigi ŋɔ di o daŋni Koosau a ha o dɔŋtiina, o ya nusun tiinnɛ. O vɛ koti a daŋni o dɔŋtiina naa oo na, yɛrɛ o kaa ya a daŋni Koosa naa o vɛ naali?