1 Kɔr. 7:34 - Tampulma

³⁴ Nihaan naa vɛ yu baal, o si yaa sɛri a li ya kunyan ti tum ni, chen ni o zi dɔ o bara awa o siimau. Nihaan naa yu baal, o si yaa sɛri a li tɛɛnɛ nɔ maga kina ni, chen ni o zi sɔɔni o baal ti tuhau.

1 Kɔr. 7:34 Referans Kwoze

1 Kɔr. 6:20

Ma wa dɔ ma titi, domi Koosa yau ma o titi. Ma yawi funɛ iiu kinkan. Adaha ma doso a kpa ma bara ta aa nyɛ un jirima.

Filip. Tima 1:20

Mu kpak miisa koo mu siwɛɛ, mu se sɛrɛu lalaknɔ ka mu kpak bambi bɛgim Kristo ni, chen ni mu wa zi na hiisa a kpak bambi kpok kinkan. Mu ya chen, mu zi kpa mu barau a nyɛ un jirima kinkan a chi chenani mu ya nyɛ un jirima chen.

2 Kɔr. 11:28

Kin nawara nyɛnɛɛ mu ha vɛ sɛm ma a wɛ. Mu baga nyɛnu kinkan saha maga di Yesu nitiŋɛ ta maga zi tiŋ unu nɛnɛ.

Room 6:13

Ma ta kpa ma titi a nyɛ tum tagna ni. Ma ka kpa ma titi a nyɛ Koosa ni. O chi ma funɛ sitiu. O fun wa lɛli ma a li ma sou ni a nyɛ ma o mi fali ti. Chendaha ma kpa ma titi a tum tum were aa nyɛ un.

Tait. 3:8

Chenani mu ŋɔ hin, nan ya wutirɛ. Mu daŋni i yaa kibiksi narawa kin nama wɛ kinkan, chen ni ba naa se su Koosa se zi sɛri tum were tumi niu. Ba tum chen, ba zi wa na nyɔɔrau.

1 Tɛs. 5:23

Koosa naa la nyɛ ma bara sɔɔna, zi nyɛ maa tum tum wereu a gbaari. O zi kok ma awa ma lisi wa ma siimau a li wu tagna ni, chen ni a zi weru hali saha naa ya kunyan Yesu Kristo wa bur wa.

2 Kɔr. 8:16

Ya pɛgi Koosau di Taitus fun kpak un o bambi ni a suŋi ma a chi chenani ya kpak un a li ya bambe ni nan.

1 Tim. 3:5

Nar vɛ koti a nyini o walɛ nɛnɛ, yɛrɛ o kaa ya a koti a nyini ba naa tiŋ Koosa?

Jɔn 10:13

Ba funɛ bɔ un o nyini ti daha. Chendaha o vɛ chiŋi a kok a.

1 Kɔr. 7:33

Amaa nibaal naa kpak haan, o si yaa sɛri a du tɛɛnɛ nɔ maga kina ni, chen ni o zi sɔɔni o haan ti tuhau. O yaa vɛɛn a daŋni di o si sɛri a du ya kunyan ti tum ni, chen ni o tuha zi sɔɔniu.

1 Kɔr. 7:35

Mu la sɛm ma nan, mu daŋni mu suŋi mau. Mu wara daŋni mu tɔ ma nyinbaan. Mu daŋni ma ya wi naa deŋlee ka nyɛ ma si sɛri aa kitum ya kunyan ti tuma duŋduŋ.

1 Tim. 5:5

Luhaan vɛ kpak nandigi o nyini un ka o kpak bambi bɛgim Koosa ni a la sumi un di o suŋi un nha awa dusum, o ya luhaan wutirɛ.