1 Kɔr. 7:31 - Tampulma

³¹ Ma naa kpa ma bambe maga a du tɛɛnɛ nɔ maga kina ni, ma nyɛn a chi ma se wa sɛri a ni, domi o wa zi vusi ka tɛɛnɛ nɔ maga wa chɔk.

1 Kɔr. 7:31 Referans Kwoze

1 Jɔn 2:17

Tɛɛnɛ nɔ maga awa kin nawara nara daŋni, a maga wa zi vusi, amaa naa tiŋ Koosa tutɔ, waa la zi wa na o mi fali naa vɛ kpak bɔ.

1 Pita 4:7

Tɛɛnɛ nɔ maga siili saha duglɛu. O lawa ma ya bambe timau, chen ni ma zi koti a sumi Koosa wa nɛha niu.

Jems 4:14

Ma wa zim chenani ma nyɛni zi du chɛ. Ma chi burrɛ naa ma na nan. Ma bu nyini, ma wa zi bu na un.

Luk 21:34

“A wuzu naa mu kaa wa zi pirigi ma niu. Adaha ma doso ma ta vaan kpa ma bambe a tiŋ lalaknɔ yaali. Ma ta nyɛ ma wa ma dɔŋtima lagmi a diili a kinyɔ sin kpoka.

1 Pita 1:24

Ba fun a sɔbi a li Koosa sɛm tɔn ti ni a ŋɔ, “Nibinsa maga chi kɔsawa a kpak bunɔɔta a chi kɔsa yeligisa. Yeligisa yaa looriu. Kɔsa ka hul.

1 Kɔr. 9:18

Mu tum ta nyɔɔra ya baŋa? Mu nyɔɔra ya mu kpa Koosa laaboor weri ti a nyɛ nara ni a ta la kundɔŋ. Saha maga mu wara tiŋ nyinbaan naa mu kpak, domi mu ya Yesu Kristo nitiŋɛ ta digirɛ.

1 Kɔr. 7:29

Mu niinbisa, wu namsɛ saha duglɛu. Nan daha ma naa kpak haanasa, ma nyɛn a chi ba wa kpak haanasa.

1 Kɔr. 7:30

Ma naa la wi nan, ma nyɛn a chi ma tusa sɔɔnɛu. Ma naa kpak tu sɔɔna, ma nyɛn a chi ma tusa wa sɔɔni. Ma naa la yausi kina gbanko, ma nyɛn a chi kin ta wa ya ma kina.

Ju 12:27

O fun ŋɔ di o zi bu wa nyɛ tɛɛnɛ nɔ maga zigsiu. Chen biksi ya di o zi wa zigsi kin nawara o fun naamiu a ta a yɔri. Kin nawara o zi vɛ wa zigsi, zi nyɛnu.