1 Kɔr. 5:5 - Tampulma

⁵ Ma kpa un a du sintana nin ni o muksi un a chɔk o bara, chen ni a wuzu naa ya kunyan ti wa bur wa, Koosa zi wa yisi o miisau.

1 Kɔr. 5:5 Referans Kwoze

1 Tim. 1:20

Nara balɛ naa ba yir Haiminius awa Alɛzanda, nyɛn ba ni. Mu fun lisi ba a du sintana nin ni, chen ni ba zi buksiu a ta chɔk Koosa sɔn.

2 Kɔr. 13:10

Mu sɔbi tɔn nɔwa a te nyɛ ma di ma kɔɔri kin nama, chen ni ka mu wa wa ma wati, mu wa zi bu kpa kpok naa ya kunyan ti fun kpa nyɛ min chen a lɛrgi ma diŋsa. O funɛ kpa unu a nyɛ min di mu suŋi ma ma zim un a gbaari.

2 Kɔr. 10:6

Ya se su di ya wa wa ma wati, ma maga zi tiŋ Yesu Kristou nɛnɛ. Ya ka wa na ka ma bɔnɛ vɛ tiŋ un nɛnɛ, ya zi lɛrgi ba diŋsau.

1 Kɔr. 11:32

Wuzu digi ya kunyan ti zi wa bur wau a na tɛɛnɛ nɔ tim maga galimsa a ta ba yɔri. Chendaha o di ya sɛria a lɛrgi ya diŋsa lalaknɔ, chen ni ya wa zi gbaari ba ni.

1 Kɔr. 5:13

amaa ba naa ya Yesu nitiŋɛ, ma waa dɔ ba di ma wa di ba sɛria. “Adaha ma yisi chen nibin tagin tiina a li ma ni.”

1 Kɔr. 1:8

Waa la zi kpa o kpok a nyɛ ma maa tiŋ un nɛnɛ, chen ni o wa bur wa, o wa zi bu na ma galimsa.

Tuma 26:18

O chi ba naa vɛ ya Ju tima, ya nyulumwa a nyɛn birsi ni domi sintana dɔ ba. Mu zi nyɛ i la lisi ba a li birsi ti niu a lɛli ba se, chen ni Koosa zi wa dɔ bau. Waa la zi gil ba tum tagna a nyɛ ba a gbaari ba naa o fun lisi a nyɛ o titi ni chen, domi ba se su min.’ Mu kunyan ti fun sɛm chen peti a kaali.”

1 Jɔn 5:16

Ma na ma dɔŋtima ka ba tum tum tagna naa Koosa zi vɛ lɛrgi ba diŋsau ba siti, ma sumi un ba gil ba tum tagna ka o kpa o mi fali ti a nyɛ ba. Ba duŋduŋnɛ mu ŋɔ ma, di ma sumi Koosa a nyɛ ba chen. Nara tum tum tagna naa Koosa zi wa lɛrgi ba diŋsau ba siti, ma ta sumi Koosa a nyɛ ba.

2 Pita 3:12

a pɔ di ma na Koosa waali tɛɛnɛ nɔ maga sɛria diili a kpak un ma bambe ni di o wa lalaga. Chen wuzu ti din zi wa chɔk buudahau.

2 Tim. 1:18

I gbanko zimu nɛnɛ a li chenani o fun suŋi min kinkan a li Ɛfɛsus ni. Ya kunyan ti wa bur wa, o zi kpak un sikiu kinkan.

Filip. Tima 1:6

Mu kpak bambi di Yesu Kristo wa bur wa, Koosa zi wa peti tum naa o fun piin a tum ma niu.

Mat. 4:10

Yesu fun ŋɔ un, “Sintana, kila a ka min. Ba funɛ sɔbiu a li Koosa sɛm tɔn ti a ŋɔ, ‘Kijɛɛmi i kunyan Koosa a tum aa nyɛ o duŋduŋ ni.’ ”

Luk 22:31

Saha tirɛ Yesu fun ŋɔ Pita ni, “Simɔn, kinu mu wati. Koosa funɛ nyɛ sintana nyinbaanu di o zaamsi ma maga a chi nihaan chɛɛrɛ munzɔta a li mɛ ni.

2 Kɔr. 12:7

Koosa wa funɛ daŋni mu zer mu titi, domi o funɛ nyɛ mu nu alaazibu sɛmau. Chendaha o fun kpa wichɔɔrta a nyɛ min o wi mu bara ni saha maga. O chi Koosa nyɛ sintana tuksi minu saha maga.