1 Kɔr. 4:8 - Tampulma

⁸ Ma lisi di ma piin kpak kin naa maga ma daŋniu a ya kin tima a burgi a chi koorsa. Chenani maa lisi, chen wa ya wuti. Ya fu daŋni ya wa ma burgi a chi koorsiwa.

1 Kɔr. 4:8 Referans Kwoze

JɔnN Deesi 5:10

I funɛ vɔti ba koorsa a lisi ba di ba ya Koosa dam kɔkɔɔrsa a tum tuma a nyɛ ya Koosa ni. Ba zi dɔ tɛɛnɛ nɔ tim magau.”

Gal. 6:3

Nar lisee di o ya nibin zenne a vɛ yaali, o mur o titirɛ.

2 Kɔr. 13:9

Ya vɛ kpak kpok ka ma wa kpak kpok, ya tusa zi sɔɔniu. Chendaha ya yaa sumi Koosau di kin naa nyɛn ma wati maga kɔɔri.

1 Kɔr. 5:6

Ma sɔn daŋni ti wa wer. Ma wa zim di luri tama yaa nyɛn boroboro sau ni, o yaa nyɛ sau ti maga fɔɔsiu chenn?

1 Kɔr. 1:5

Ma wa un ya nibɛgimnɛ. Chendaha Koosa fun kpa o siim weri papaha a nyɛ ma, chen ni ma koti a sɛm nɛnɛ aa zim nɛnɛ.

Room 12:3

Koosa la suŋi min di mu biksi ma nan. Ma ta daŋni sɔna a kaali chenani ma fu zi du. Koosa nyɛ ma se su un. Ma kpa ma se suuli ti a kidi ma titi sɛria wa nɛha ni.

Luk 6:25

Yɛrɛ o kaa wa du ma naa tiŋ ma tutɔ daŋnɛ lalaknɔ. Ma nisa kin naa ma kpa ma bambe a tiŋ, a zi wa petiu wuzu digi. Yesu o kaa wa du ma naa tusa sɔɔnɛ ni lalaknɔ. Ma tusa zi wa chɔku ka ma wi.

JɔnN Deesi 3:17

Ma ŋɔ ma titi ni, ‘Ya ya kin timawa kinkan a vɛ daŋni kundɔŋ.’ Mu zi ŋɔ ma chenani ma duu wuti. Ma ya fara timwa kinkan a chi nyuluma ba naa laari kizɛrgɛ. Ba naa maga na ma, ma wɛ zi ya ba sikiu.

Filip. Tima 2:12

Mu bi daŋnɛ, mu funɛ nyɛn ma wati, ma funɛ tiŋ mu nɔu. Lalaknɔwa mu vɛ nyɛn ma wati, waa ya kibirigi wa ma ha vɛɛn tiŋ mu sɛm ta nɛnɛ. Saha maga maa nyɛ Koosa wa jirima kinkan aa kitum chenani deŋlee a chi ba naa Koosa yisi a li ba tum tagna ni.

Filip. Tima 1:27

Ma zim chenani o deŋliu wa maa tiŋ un. Maa tiŋ chen, chen ni mu wa wa ma wati lalaga koo mu vusu a nu ma wɛ, mu zi zimu di ma kpak nɔ bɛgimu wa dɔŋ ni a kpak nɛnɛ, a kpak un ma bambe ni kinkan di ma biksi nara Koosa laaboor weri naa nyɛ ba se su un wɛ.

2 Kɔr. 11:1

Lalaknɔ mu daŋni mu sɔbi mu wɛwa a li tɔn nɔ ni. Ma bɔnɛ zi lisiu di mu sɛma wa kpak nyuha. Ma ya min kanyita tama.

1 Kɔr. 4:18

Ma bɔnɛ zer ma titi kinkan, domi ma lisi di mu wa zi bur wa ma wati,

Tuma 26:29

Pɔɔl fun ŋɔ, “Mu na nyinbaan a sɛm sɛm tama koo sɛm damata, mu zi sumi Koosau di i wa ba naa maga nyɛn bar nɔ nan zi burgi Yesu nitiŋɛu a chi chenani mu ya Yesu nitiŋi, amaa mu wa zi sumi un di ba tɔ ma dɛ a chi chenani ba fun tɔ min dɛ chen.”

Mat. 5:1

Wuzu digi Yesu fun na zɛmɛ ta a fun zini a kani kuŋkule nyuhu ni. O gantɛl tiŋsi ta fun lagmi a go un.