1 Kɔr. 4:17 - Tampulma

¹⁷ Mu zi kpa Timotiu a tum ma wati di o wa biksi ma nyinbaan naa ma zi tiŋ wɛ. Waa ya mu bi daŋni a li Kristo ni a ya wuti tiina. Waa la zi wa lisi ma chenani muu tiŋ aa tum tuma Yesu Kristo wati. Chen nyinbaannɛ mu fun kpa biksi Yesu nitiŋɛ ba naa nyɛn bawu maga ni.

1 Kɔr. 4:17 Referans Kwoze

1 Tim. 1:2

Mu la sɔbi tɔn nɔ a nyɛ Timoti naa si funɛ su Yesu wuti ni a li mu biksi ni. Ya kunyana Koosa awa ya kunyan Yesu Kristo kpak hin siki a kisuŋi hin a nyɛ hin bara sɔɔna.

1 Kɔr. 16:10

Timoti wa wa ma wati, ma la un a du nɛnɛ, chen ni o wa zi ɔm, domi o gbanko tum Koosa tumwa a chi min.

1 Kɔr. 7:17

Adaha nara maga kitum aa di a chi chenani o fun piinsa tum aa di hali Koosa fun yir un. Chene Koosa daŋni nara maga kitum aa di. Mu biksi Koosa nitiŋɛ ta bawu maga ni a chi chen.

2 Tim. 1:2

Mu la sɔbi tɔn nɔ a nyɛ mu be daŋni Timoti naa si funɛ su Yesu a li mu biksi ni. Ya kunyana Koosa awa ya kunyan Yesu Kristo suŋi hin a kpak hin siki aa nyɛ hin bara sɔɔna.

1 Kɔr. 16:1

Ma funɛ sɔbi tɔnnɛ a pɛɛsi min malɛ naa mu daŋni ma la a nyɛ Koosa nara ba naa nyɛn Judia pulum ni chen wɛ. Maa tum chenani mu fun ŋɔ Yesu nitiŋɛ ba naa nyɛn Galesia pulum ni, di baa tum chen.

1 Kɔr. 14:33

Koosa ha wa yir ya di ya ya diŋ vɛ nuusawa, amaa di ya du balimmnɛ.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.

1 Kɔr. 11:2

Mu pɛgi mau domi maa tiŋ biksi naa maga Koosa fun biksi min chen ka mu kpa un a biksi ma.

1 Kɔr. 7:25

Ma funɛ sɔbi tɔnnɛ a pɛɛsi min ba naa vɛ kpak baalasa awa ba naa vɛ kpak haanasa wɛ. Ya kunyan ti wa nyɛ min chen chiksi, amaa mu zi sɛm ma chenani mu yaa funɛ lisiu. Waa funɛ ɔm min siki, chen ni mu ya o wuti tiina.

JɔnN Deesi 2:13

Mu zimu di doonani ma nyɛn nan, sintana dɔ nidamata. Hali o nitiŋɛ funɛ kpu naa ba yir Antipas domi o funɛ biksi nara mu wɛ, ma wa fun bur a li mu tiŋi ni.

2 Tim. 3:10

Amaa i chau chenani muu biksi nara nɛɛ awa chenani mu nyɛni du wa chenani mu kpak un a li mu bambi ni di muu tiŋ Koosa. I gbanko zimu di mu si yaa su Koosau ka mu daŋni mu dɔŋtima awa kanyita ni wa chenani mu di mu namsi.

2 Tim. 2:2

I funɛ nu ka muu biksi nara bu damata. I gbanko tiŋ mu nɔ sɛma aa kibiksi ba naa ya wuti tima ba zi kotiu a la biksi ba dɔŋtima.

Kɔl. 4:9

O wa Onisimus funɛ lagmi a la. Onisimus naa la suŋi ya kinkan, ya ma digirɛ. Yaa daŋni unu kinkan. Nara balɛ na zi ŋɔ mau chen naa maga funɛ ya bar nɔ.

Kɔl. 1:7

Ɛpafras funɛ biksi ma laaboor weri ti. O wa ya waa ya Kristo tumtumsa. Oo tum Kristo tumwa wa wuti ni a nyɛ ya. Yaa daŋni unu kinkan.

Filip. Tima 2:19

Ya kunyana Yesu Kristo nyɛ min bambi bɛgim mu tum Timoti ma wati lalaga, chen ni o wa bur wa, o zi kpami minu wa ma laaboora ni.

Ɛfɛ. 6:21

Mu zim di ma daŋni ma nu chenani mu duu. Chendaha mu tum Tikikus ma wati. O ya ya niinbe daŋnirɛ a la tum ya kunyan ti tuma wa wuti ni.

1 Kɔr. 11:16

Amaa nandigi daŋni o di amɔrɛ, chene ya wa Yesu nitiŋɛ ba naa nyɛn bawu maga ni, yaa tiŋ.

1 Kɔr. 4:15

Ma kpak nibinsa ba naa la zi biksi ma Kristo wɛ, nidamatau, amaa nibin bɛgim duŋduŋ ya ma nyana. Mu funɛ te biksi ma Koosa laaboor weri ti wɛu ma nu un a nyɛ ma se su Yesu Kristo. Chendaha mu ya ma nyana.

Mat. 25:23

O kunyan ti fun ŋɔ un, ‘I kpaŋi i titiu. I gbanko ya nibin werire a la tum tum were. Mu funɛ kpa malɛ tamnɛ a du i nin ni. I wa min zi kpak tu sɔɔnau.’

Mat. 25:21

O kunyan ti fun ŋɔ un, ‘I kpaŋi i titiu. I ya nibin werire a la tum tum were. Mu funɛ kpa malɛ tamnɛ a du i nin ni ka i ya wuti tiina. Lalaknɔ mu zi kpa malɛ damatau a du i nin ni. I wa min zi kpak tu sɔɔnau.’

Mat. 24:45

“Ma anti la zi ya wuti tiina awa ninɛɛgɛ a li kin nama maga ni? O chi dam tiina naa lisɛ o tumtumsa nidigi di o nyini o dam nara a kinyɛ ba diwe ba diwe diili saha.

1 Kɔr. 4:2

Tumtum naa la tum nɛnɛ a nyɛ o kunyan ni, chen weru. O kunyan ti zi wa ŋɔ di o ya wuti tiinnɛ.

Tuma 16:1

Pɔɔl awa Sailas fun bur kaali Dɛɛbɛ awa Listira. Yesu nitiŋɛ ta digi funɛ nyɛn doon ba yir un Timoti. O niina gbanko funɛ ya Yesu nitiŋirɛ. O niin ti funɛ ya Ju timwa ka o nyana ka ya Girik tima.

1 Kɔr. 4:14

Mu wa sɔbi nannɛ a nyɛ ma di mu nyɛ hiisa kpak ma, amaa mu daŋni mu dɛɛsi mau a chi mu titi bisa.

1 Kɔr. 11:34

Lɔsa kpak ma nidigi, o yaa di o dam ni a zi wa. Ma ta di diwe naa vɛ kpak nyinbaan wa ma diili, chen ni Koosa wa zi na paan a du ma ni. Mu wa bur wa ma wati, mu zi biksi ma wɛ naa kaɛɛ.

2 Kɔr. 8:18

Ya funɛ tum ya niinbe digirɛ awa un di ba wa ma wati. Yesu nitiŋɛ ta maga nyɛ un jirima kinkan, domi o funɛ biksi nidamatiwa Koosa laaboor weri ti wɛ.

Filip. Tima 2:22

Ma zim chenani Timoti bambi du awa chenani mu wa un fun tum a chi nyana awa o be a biksi nara Koosa laaboor weri ti wɛ.

1 Tim. 1:18

Mu be, Timoti, mu kpa sɛm nama a du i nin nee. Saha digi nara bɔnɛ funɛ sɛm i wɛ a li Koosa kpok ni. Nyɛ ba sɛm ta kpami hin i tum i tuma nɛnɛ a nyɛ Koosa ni,

Tait. 1:5

Mu funɛ gil hin Krit ni, i kpalimi dooni a kɔɔri Yesu nitiŋɛ kina a lisi nihɛɛta a li doonani maga baa lagmi. Lisi chenani mu fun ŋɔ hin.