1 Kɔr. 3:16 - Tampulma

¹⁶ Ma wa zim di ma tusa ya Koosa bar nyɛnirɛɛ? O siim weri ti nyɛn ma niu.

1 Kɔr. 3:16 Referans Kwoze

1 Kɔr. 6:19

Ma wa zim di ma bara ya Koosa siim weri ti bar nyɛnirɛɛ? Koosa funɛ kpa o siim weri ti a nyɛ ma.

2 Kɔr. 6:16

Ya chi Koosa naa nyɛn, damnɛ. Ya chi chen, yɛrɛ ya wa vursa kaa ya nyɛn? Ba funɛ sɔbiu a li Koosa sɛm tɔn ti ni di o ŋɔ, “Mu wa mu nara zi nyɛnu a lagmi aa val. Min la zi ya ba Koosa.”

Room 8:11

Koosa siim weri ti funɛ lɛli Yesu Kristo a li o sou ni chen. O nyɛn ma bambe ni, wuzu digi o gbanko zi wa lɛli ma barau a li ma sou ni.

Jɔn 14:17

O wa zi wa nyɛn tɛɛnɛ nɔ tim maga bambe ni, domi ba wa zim di o nyɛnu. Ma ka zim di o nyɛnu, domi o zi wa nyɛn ma bambe niu.

Room 8:9

Amaa ma ka wa tum tuma a li ma bara kpok ti ni. Maa tum au a li Koosa siim weri ti kpok ni. Waa nyɛn ma ni. Nar vɛ kpak Kristo siim weri ti nyɛn un ni, Kristo dɔ un.

1 Pita 2:5

Ma naa kpak o mi fali ti, chi buŋkula a naa Koosa kpa sa o dam ti, chen ni o zi kotiu a nyɛn dooni. Ma chi ba naa funɛ ya o kɔkɔɔrsa saha digi, a kpa ma titi a nyɛ Koosa ni Yesu Kristo daha.

2 Tim. 1:14

Koosa siim weri naa nyɛn ya ni nan, zi kpa o kpoku a nyɛ hin di i kpak Koosa papaha naa o fun kpa a du i nin ni chen nɛnɛ.

Ju 3:6

Amaa Kristo naa ya Koosa be, waa ya dam ti tiina. Ya kpak un nɛnɛ a nyɛ chenani ya kpak bambi bɛgim un ni ya ya jirima kin, ya ya o dam walɛwa.

1 Jɔn 4:12

Nandigi ha wa zin na Koosa. Amaa yaa daŋni dɔŋa, Koosa nyɛn ya watiu a la suŋi ya, chen ni ya zi daŋni unu aa gbaari.

Room 6:3

Mu daŋni ma zimu di ba funɛ chaksi yau wa ni ni, chen ni ya wa Yesu Kristo ya nibɛgim, o chi ya wa un siwɛɛ.

1 Kɔr. 9:24

Ma zim di nara yaa chɔ chɔchɔha di ba la di chen, nara kinkan yaa chɔ a la, amaa nibɛgim yaa la di. Ma Yesu tiŋi chi chɔchɔharɛ. Maa chɔ nɛnɛ, chen ni ma zi wa diu.

1 Kɔr. 9:13

Ma zimu di ba naa la tum Koosa bar jɛɛmi dam ti ni a li Jɛrusalɛm ni di a li ba tum nɛɛ. Ba naa la kɔɔri kɔɔra, baa di kɔɔri ti bar digirɛ.

1 Kɔr. 6:9

Ma wa zim di nibin tagna wa kizu Koosa koor tii? Ma mur ma titirɛ. Ba naa la tum chɔkumsa tuma a la nyɛ vursa jirima, a la daŋni nihaana yɔri yɔri,

1 Kɔr. 6:16

Ma wa zim di nar wa sakaal chɔ, ba bara ya nibɛgimnɛɛ? Koosa sɛm tɔn ti biksi ya nan wɛ, a ŋɔ, “Nara balɛ lagmi dɔŋ ni a chɔ, a burgi nibɛgim.”

1 Kɔr. 5:6

Ma sɔn daŋni ti wa wer. Ma wa zim di luri tama yaa nyɛn boroboro sau ni, o yaa nyɛ sau ti maga fɔɔsiu chenn?

Jems 4:4

Ma naa vɛ tiŋ wuti ti nan, ma wa zim di ma wa tɛɛnɛ nɔ tim maga ya chɛnsa, ma ya Koosa dɔmwaa? Nara la daŋni ba wa tɛɛnɛ nɔ tim maga ya chɛnsa, ba waa ya Koosa dɔma.

Room 6:16

Ma wa zim di ma kpa ma titi a nyɛ nandigi ni, ma burgi o yosawaa? Ma kpa ma titi a nyɛ tum tagna ni, Koosa zi ta ma yɔriu. Ma ka kpa ma titi a tiŋ o nɔ, o wa zi bu na ma galimsa.

1 Kɔr. 3:9

Chenani Koosa dɔ ya chen, nyɛ ya wa un tum tuma. Waa dɔ ma gbanko. Ma chi o ŋmaharɛ oo kɔɔri, a chi o dɛ oo sa.

1 Kɔr. 3:17

Nibine naa la chɔk Koosa bar nyɛni ti, Koosa zi chɔk o gbankou, domi o bar nyɛni ti ya bar birigirɛ o wati. Ma titi tusa ya Koosa bar nyɛnirɛ.

1 Tim. 3:15

Mu vusɛɛ, tɔn nɔ zi biksi hinu chenani ya zi nyɛn wa dɔŋ niu. Ya naa la tiŋ Koosa naa nyɛnɛɛ, ya waa ya o wuti niilɛ.