1 Kɔr. 3:10 - Tampulma

¹⁰ Koosa nyɛ min o kpok ti mu ya tɛsal weri a baŋ o dɛ ti sɛchik a nyɛ un. Nandigi wa wa sa zɔŋ o daha. Ba naa maga sa Koosa dɛɛna, ba doso a ya tɛsal were.

1 Kɔr. 3:10 Referans Kwoze

1 Kɔr. 3:11

Koosa piin nyɛ Yesu Kristo ya o dɛ ti sɛchik. Nandigi wa to a zi koti a ya dɛ ti sɛchik ti see Yesu duŋduŋ.

Ɛfɛ. 2:20

Koosa nara chi dɛrɛ o sa. O witinsa ba naa funɛ nyɛn saha digi, awa o nitumɛ ba naa funɛ te biksi ba, ba chi dɛ ti zɛchik piilire. Yesu Kristo titi ya dɛ barmɔgli buŋkul. Lalaknɔ ma gbanko ya dɛ ti bar digirɛ.

Room 15:20

Mu funɛ kpaŋi mu titiu di mu ŋɔ nara ni Koosa laaboor weri ti wɛ doonani ba ha fun vɛɛn nu Kristo wɛ, chen ni mu fu wa zi tum doonani nandigi piin a piili.

Mat. 24:45

“Ma anti la zi ya wuti tiina awa ninɛɛgɛ a li kin nama maga ni? O chi dam tiina naa lisɛ o tumtumsa nidigi di o nyini o dam nara a kinyɛ ba diwe ba diwe diili saha.

JɔnN Deesi 21:19

Ba funɛ kpa buŋkul were a naa kurgɛ a sa zɛchik ti a saksi dɔŋ ni. Ba funɛ te kpa ‘jasipa’ a sa a zi kpa buŋkul were naa ba yir ‘safa’ a sak un ni. Ba fun bu kpa atora tiin naa ba yir ‘aget’ a sak a bu kpa anaasi tiin naa ba yir ‘ɛmɛral’ a sak.

1 Kɔr. 9:2

Bɔnɛ wara la nɔɔni di mu ya Kristo nitumirɛ. Yɛrɛ ma lisi? Chenani maa tiŋ ya kunyan ti biksi nara di mu ya o nitumirɛ.

Mat. 7:24

“Nara maga nu mu sɛm na aa tiŋ a, ba waa chi nibin nɛɛgi naa funɛ sa o dama a zɔŋ gbɛntɛl nyuhu ni chen.

1 Pita 4:11

Naa kpak Koosa papaha ti a kaa ŋɔ nara ni o wɛ, ma nyɛ o sɛm sɛm ta wa si sɛm ni. Naa kpak Koosa papaha ti a kaa tum a nyɛ o dɔŋtima ni, ma nyɛ o kpa Koosa kpok ti a tum nɛnɛ a nyɛ ba. Ya ya chen, Koosa zi na pɛgiu a li ya tum maga ni Yesu Kristo sɔn daha. Koosa zi kpak kpoku awa jirima kinkan hali saha naa vɛ kpak bɔu. Ami.

2 Tim. 2:15

Kpak un i bambi ni aa kitum Koosa tuma nɛnɛ, chen ni o wa zaamsi hin a peti, o zi ŋɔ di i kpaŋi i titiu. I biksi Koosa laaboor weri ti a nyɛ nara ni wa wuti ni, i wa zi wa na hiisa.

Kɔl. 4:17

Mu daŋni ma ŋɔ Arkipus ni di o lawa o tum tum naa Koosa fun kpa nyɛ un chenu a peti.

Room 12:3

Koosa la suŋi min di mu biksi ma nan. Ma ta daŋni sɔna a kaali chenani ma fu zi du. Koosa nyɛ ma se su un. Ma kpa ma se suuli ti a kidi ma titi sɛria wa nɛha ni.

Room 1:5

Yesu Kristo fun a suŋi min di mu ya o nitumi aa la sɛm tɛɛnɛ nɔ tim maga ni a nyɛ un, chen ni ba se zi su unu ka baa tiŋ o nɔ.

Tuma 18:27

O fun wa ya wuzu bilɛ Apɔlɔs fun lisi di o zi la Girik tim pulumu. Yesu nitiŋɛ ba naa funɛ nyɛn Ɛfɛsus ni, daŋni ba suŋi un a sɔbi tɔn a nyɛ ba niinbisa ba naa nyɛn dooni. Ba fun sɔbi a ŋɔ di o wa tel ba la un nɛnɛ a du. O fun la tel doon a suŋi ba naa Koosa fun suŋi a nyɛ ba, se su un chen kinkan.

Luk 11:35

Ma doso, ma ta chi nyuluma.

Jems 3:1

Mu niinbisa, ma zim di Koosa zi wa di ya naa ya nibiksɛ sɛria a kaali ya dɔŋtima. Chendaha o wa lawa ma i a ya nibiksɛ.

1 Tim. 4:16

Kidoso i nyɛni ni awa chenani i biksi nara. I kpak kin nama nɛnɛ, wuzu digi Koosa zi wa yisi i wa ba naa la nu i nɔu a li ma tum tagna ni hali a wa peti.

Kɔl. 1:29

Chendaha mu si sɛri mu tum ni ka mu kpaŋi kinkan. Kristo la nyɛ min o kpok ti kinkan, chen ni mu zi kotiu a tum chen.

Room 15:15

Amaa Koosa funɛ suŋi minu di mu kpak bambi kpok a lisi ma kin bɔnɛ a li tɔn nɔ mu sɔbi nan a nyɛ ma.

Luk 21:8

Yesu fun ŋɔ ba, “Ma doso ma ta wa nyɛ nandigi wa mur ma. Nidamata zi wa wau a kpa mu sɔn a yir ba titi a ŋɔ di ba ya minnɛ. Ba gbanko zi wa ŋɔ mau di saha ti telu. Ma fiɛŋ ma wa tiŋ ba.

JɔnN Deesi 21:14

Ba fun kpa buŋkul fidalɛ a sɔbi piisi be ti nitumɛ nara fidalɛ sɔna a sak a ni a kpa a du chechepure ti zɛchik ni.

2 Kɔr. 10:15

Ya wara daŋni nyɔɔra a li chenani nara biksi ma a li Koosa laaboor weri ti ni. Ya kpak bambi bɛgimu di ma se zi su unu ka ya wa ma tuma pisi a gbaari.

1 Tɛs. 3:2

a fun a tum mu niinbe Timoti ma wati. Mu wa un lagmi aa tum Koosa tuma a la ŋɔ nara ni Koosa laaboor weri ti Kristo wɛ. Mu funɛ tum Timoti di o wa kpami ma a suŋi ma di ma se su Yesu nɛmɛ.

2 Pita 3:15

Ma lisi chenani ya kunyan ti nyɛ narawa nyinbaan lalaknɔ di ba gil ba tum tagna aa tiŋ un. Koosa funɛ kpa o zimarɛ a nyɛ ya niinbe daŋni Pɔɔl ni o fun sɔbi chen wɛ a nyɛ ma.