1 Kɔr. 14:3 - Tampulma

³ Amaa naa la sɛm a nyɛ nara ni a li Koosa kpok ti ni, waa la suŋi ba di ba zim Koosa wɛ a la kpami ba a la belimi ba.

1 Kɔr. 14:3 Referans Kwoze

1 Kɔr. 14:12

Chenani ma se sɛri wa ma kpak papaha a naa Koosa siim weri ti nyɛ ma, o lawa ma daŋni a naa la zi suŋi Yesu nitiŋɛ ta ba tum tum were a gbaari.

1 Tim. 4:13

Hali mu wa wa i wati, kpak si sɛm a karimi Koosa sɛm tɔn ti nara suwachak ni a kibiksi ba Koosa wɛ.

Juud 1:20

Amaa, mu bi daŋnɛ, maa tiŋ Koosa nɛnɛ a gbaari, domi ma se su un. Ma nyɛ o siim weri ti suŋi ma maa sumi Koosa.

Tait. 1:9

O lawa o kpak Koosa laaboor weri naa ba fun te biksi unu nɛnɛ. Waa ya wuti tiina. O kpak chen nɛnɛ, o zi kotiu a kpa un a biksi nara a kpami ba, aa koti a burgi ba naa vɛ un nyuunau.

Ɛfɛ. 6:22

O zi ŋɔ mau chenani ya naa maga nyɛn bar nɔ duu. O sɛma zi kpami ma bambeu.

2 Tim. 4:2

Mu ŋɔ hinu di o lawa i biksi Koosa laaboor weri ti wɛ aa nyɛ nara ba naa la nu awa ba naa vɛ nuuli ni. I yaa la burgi ba naa la tum tum tagna nyuuna, aa kikpami ba a bur tiŋ Koosa nyinbaan. Saha maga ii biksi ba wa kanyita kinkan ni.

Tait. 2:6

O lawa i gbanko biksi bunɔɔnau ba ya nɛha tima.

1 Kɔr. 14:31

Ma maga kisɛm a li Koosa kpok ti ni bu bɛgim bɛgima, chen ni ma maga zi buksi dɔŋ watiu a na kpami.

1 Kɔr. 14:26

Mu niinbisa, yɛrɛ mu zi bu a chiksi ma maa zim? Ma wa lagmi dɔŋ ni, ma nibɛgim yaa lisi Koosa pɛgi boola maa lɔ, digi biksi ma, digi ka biksi sɛm sogle naa Koosa biksi un, muna, digi ka sɛm sɛm kurgɛ, ka digi ka biksi a muna. Ma nyɛ a nama maga maa ya chen kisuŋi dɔŋa.

Room 14:19

Ma nyɛ ya yaa nyini kin nawara nyɛ ya kpak bara sɔɔna awa kin nawara la zi nyɛ ya suŋi dɔŋa a kpak nɛne.

Tuma 13:15

Nandigi funɛ karimi a li chiksɛ naa Koosa fun kpa nyɛ Mosis ni awa tɔni naa Koosa witinsi ta fun sɔbi ni. Doone bar lagmi dɛ ti nihɛɛta fun tum nandigi di o la ŋɔ ba, “Ya niinbisa, ma zim chenani ma zi sɛm a kpami nara tima, ya nyɛ ma nyinbaanu di ma ya chen.”

Tait. 2:9

O lawa yosa tiŋ ba kunyama nɔɔnau saha maga aa nyɛ ba tusa kisɔɔni kina maga ni. Yosa ta lɛusi ba kunyama,

1 Tɛs. 2:3

Laaboor weri naa ya funɛ sɛm ma a la sumi ma di ma nu, o maga funɛ ya wutirɛ. Ya wara daŋni ya suni wɛ di ya mur ma a kidaŋni nyɔɔra ma daha.

1 Kɔr. 10:23

Ma bɔnɛ yaa ŋɔ dɔŋ ni, “Ya kpak nyinbaanu wa yaa ya kina maga ya daŋniu.” Amaa kina maga laata la suŋi ya di ya tiŋ Koosa aa gbaari.

1 Pita 5:12

Silvenus naa ya mu dɔŋtiin wuti tiina, waa suŋi min mu sɔbi tɔn we nɔ a nyɛ ma. Mu tɔn nɔ ni, mu daŋni mu biksi mau a kpami ma di chenani Koosa suŋi ma, o ya wutirɛ. Ma kpak chenani o suŋi ma chen nɛnɛ.

Ju 13:22

Mu niinbisa, mu tɔn naa sɔbi a nyɛ ma nan, o wa ziŋ. Mu sumi mau di ma nu mu sɛma a naa la zi kpami ma, wa kanyita ni.

Ju 10:25

Ya bɔnɛ wara lagmi dɔŋ ni a chi chenani ya fu zi du. Ma ta nyɛ ya tiŋ chenani ba tiŋi. Ya kunyan ti zi bur wa lalaga. Chendaha o lawa yaa kpami dɔŋau kinkan a gbaari.

Tait. 2:15

Kibiksi kin nama a nyɛ nara ni. Kpa Koosa kpok naa o nyɛ hin chen a kpami ba naa la nu i biksi ti. Ba vɛ nu i nɔ, i kpaŋi i titi a ŋɔ ba di ba burgi ba nyuuna. Kpa Koosa kpok ti, chen ni nandigi wa zi koti a nyini hin di i ya bichɛllɛ.

1 Tim. 6:2

Ba kunyam ta ya Yesu nitiŋɛ, ba ta vɛ ba jirima nyɛɛli, domi ba ya ba dɔŋtima daha. Ba tum tuma kinkan a gbaari, domi ba dɔŋtim ta ba daŋni chen la zi na nyɔɔra a li ba tum ta ni. Kibiksi kin nama a nyɛ i nara ni.

1 Tim. 1:4

Ŋɔ ba di ba kpa ba mura awa ba nawaalsa sɔn biksi a ta, domi a wa nyɛ nara di dɔŋa amɔrɛ saha maga. Chenani baa tum wa nyɛ nara se su Koosa awa o wuti biksi ti.

2 Tɛs. 3:12

Ya ŋɔ bau ya kunyana Yesu Kristo sɔn daha ba nyɛ ba se sɛrɛ ka ba di ba titi bara wilim aa kitum ba tuma balimm.

1 Tɛs. 4:18

Ma ŋɔ laaboor weri nɔ a nyɛ dɔŋ ni aa kibelimi dɔŋa.

1 Tɛs. 4:1

Mu niinbisa, ya funɛ biksi mau chenani ma zi tiŋ Koosa di o tu kisɔɔniu. Chene maa tiŋ chen. Amaa ya sumi mau Yesu sɔn daha di ma bukoo tiŋ chen a gbaari.

1 Tɛs. 3:2

a fun a tum mu niinbe Timoti ma wati. Mu wa un lagmi aa tum Koosa tuma a la ŋɔ nara ni Koosa laaboor weri ti Kristo wɛ. Mu funɛ tum Timoti di o wa kpami ma a suŋi ma di ma se su Yesu nɛmɛ.

1 Tɛs. 2:11

Ya funɛ dɛɛsi ma a chi chenani nyama dɛɛsi ba bisa chen.

Kɔl. 4:8

Chendaha mu fun a tum un ma wati di o ŋɔ ma ya wɛ a kpami ma.

Ɛfɛ. 4:29

Ma ta sɛm nɔ tagna a nyɛ dɔŋ ni, amaa ma nyɛ ma sɛm maga suŋi a kpami ba naa maga la nu a.

2 Kɔr. 2:7

Ma gil a nyɛ un a la kpami un, chen ni o tu chɔk ti wa zi nyɛ un gbaŋchɛlyɛla.

2 Kɔr. 1:4

O yaa belimi yau a li ya namsi maga ni. Domi o yaa suŋi ya chene, ya koti a chiŋi ya dɔŋtima gantɛl ni a li ba namsi ni.

1 Kɔr. 14:17

Ma zaami nɛnɛ, amaa ba bambe wa to ma wati.

1 Kɔr. 8:1

Ma funɛ sɔbi tɔnnɛ a pɛɛsi min sela a naa ba yaa kɔrigi a nyɛ vursi ni chen wɛ. Mu zim di ya maga kpak Koosa zima ti a chi chenani ma sɛm, amaa zima nyɛ nara zer ba titi. Amaa yaa daŋni dɔŋa, chen la zi suŋi ya.

Room 15:2

amaa ma nyɛ ya gbanko kilisi ya dɔŋtima kina wɛ, chen ni ba gbanko zi kpoku a chi ya.

Room 12:8

O nyɛ ya kpami nara ba tiŋi ni, ma nyɛ ya kpami ba chen ni. O nyɛ nibine kpa o kina a bɔni nara, o lawa o ya chenu a li o bambi ni. O nyɛ nibine ya nyuhu tiina, o lawa o kpak si sɛmu a tum nɛnɛ. O nyɛ nibine kpak nara siki, o lawa o kpak tu sɔɔnau.

Tuma 15:32

Judas awa Sailas funɛ ya Koosa witinsi ta nara balɛwa. Ba gbanko fun kpami Yesu nitiŋɛ ba naa funɛ nyɛn dooni, di ba kpak Yesu nɛnɛ a vusi.

Tuma 14:22

Ba funɛ nyɛn nyinbaan ni a la chene, ba fun nyɛ Yesu nitiŋɛ ta se suuli gbaari a kpami ba di ba kpak Yesu nɛnɛ. Ba fun ŋɔ ba, “O deŋlu wa ya te namsiu kinkan ka Koosa zi wa dɔ ya a peti.”

Tuma 9:31

Saha ti kpa la, Yesu nitiŋɛ ba naa funɛ nyɛn Judia pulum, Galili pulum awa Samaria pulum ni, wa fun bu namsi. Koosa siim weri ti fun nyɛ ba se su a gbaari a la nyɛ ya kunyan ti wa jirima saha maga. Nidamata fun nyɛ ba se su un a gbaari ba ni.

Luk 3:18

Jɔn funɛ kpa nyinbaan damatarɛ a biksi Koosa laaboor weri ti a nyɛ nara ni.

Ju 3:13

Chendaha maa kpami dɔŋa wuzu kama, chen ni ma nidigi wa zi nyɛ sintana nyɛ ma se kpok a kimur ma maa tum tum tagna. Koosa koti a suŋi ya lalaknɔ, amaa wuzu digi o wuzu suŋi ti wa peti.

Tuma 4:36

Ba nidigi sɔn funɛ ya Josɛf. Nitumɛ ta gbanko funɛ yir un Barnabas. Barnabas ti mun ya, ‘naa la kpami nara’. O funɛ li lul naa ba yir Livai nɛɛ a li pulum ni gore. Ba yir dooni Saiprus.