Biblia Todo Logo
Bib sou entènèt

- Piblisite -




1 Kɔr. 12:9 - Tampulma

9 Waa nyɛ bɔnɛ se suuli a nyɛ bɔnɛ kpak kpok a koti a tiibi nara,

Gade chapit la Kopi




1 Kɔr. 12:9
21 Referans Kwoze  

Ba funɛ sɔbiu a li Koosa sɛm tɔn ti ni a ŋɔ, “Min funɛ ŋɔ Koosa ni domi mu si su un.” O siim weri ti funɛ nyɛ ya se su un, chen ni ya zi biksi narau o wɛ.


Koosa funɛ suŋi ma ma se su un, chen ni o zi yisi mau a li ma tum tagna ni. Ma wa kikoti a ya chen a nyɛ ma titi ni. Chenani o tum a nyɛ ma ya o papaha ti.


Mu koti a biksi nara Koosa wɛ nɛnɛ o kpok ti ni, a nɛɛgi kinkan a zim Koosa kisogle a kpak kpok a zi koti a ŋɔ bi ni di o si o bar chiŋi ti ni aa la bar digi. Mu koti aa tum nan maga a vɛ daŋni nara, o ya yɔrirɛ.


Ba fun la chem laal a nyaŋi koor zene. Ba yaa funɛ tum tum werewa a la kin nawara Koosa fun vɔu di o nyɛ ba. Nara fun kpa ba a du doonani gbogumtisa nyɛn,


Ma maga wara tiibi nara akoo a sɛm sɛm kurgɛ, koo a biksi sɛm kurgɛ ta muna,


Koosa nyɛ ma nibɛgim bɛgim tum naa ma zi tum. Koosa nitumɛ ta ya ba naa funɛ te ma suwachak. O witinsa ba naa la mɔɔli o laaboor weri ti, tiŋ o nitumɛ tawa. Koosa nibiksɛ ta gbanko tiŋ ba warɛ. Ba naa la tum alaazibu tuma gbanko tiŋ Koosa nibiksɛ tawa. Ba naa la tiibi nara awa ba naa la suŋi nara, ba gbanko tiŋ ba warɛ. Ba naa ya ba nihɛɛta aa kpami nara ka ba naa la sɛm sɛm kurgɛ gbanko tiŋ ba warɛ.


a kikpaksi duma a kinyɔ sambosa ka o ta ya ba kundɔŋ, aa koti a kpa ba nisa a saksi wichɔɔrsi ni ba na alaafɛ.”


Domi tum zene naa nitumɛ ta funɛ tum daha, nara tima fun kpa ba wichɔɔrsa a wa dau kichɔɔlɛ daha a li nyinbaanisi ni, chen ni Pita barsɔn zi val ba dahau ba na alaafɛ.


Ma tiibi ba wichɔɔrsa aa ŋɔ ba naa nyɛn dooni chen, ‘Saha ti telu di Koosa dɔ nara’.


O funɛ daŋni o tum bau ba la biksi nara di Koosa daŋni o dɔ bau.


Ba fun vɛɛn a duŋni alizin tagna a li nara kinkan ni, a zer nu tama a tiksi a du wichɔɔrsi ta ni a tiibi ba.


Yesu fun ŋɔ ba, “Ma nyɛ mu ŋɔ ma, ma se su min ka ma vɛ beeli, ma zi wa koti a tum a chi chenani mu ya bugil ti. Hali ma zi wa kotiu a ŋɔ kuŋkule ŋɔ ni di o si a la chiŋi mɔɔga ni. O si a la chiŋi dooni.


Ma tiibi wichɔɔrsa awa zaguma a kilɛligi siwe a li ba sou ni aa duŋni alizin tagna a li nara ni. Mu wa ŋɔ di ma bɔ kpok naa mu kpa nyɛ ma chen. Chendaha ma ta nyɛ ba naa ma tiibi chen, bɔ ma.


Yesu Nazarɛt narrɛ, Koosa fun lisi un a kpa o siim weri ti a du un ni. Koosa gbanko fun kpa o kpok ti a nyɛ Yesu ni di o tum tum were a yisi ba naa maga sintana fun dɔ a li o nin ni. Koosa funɛ nyɛn o wati. Chendaha o fun koti a ya chen.


Swiv nou:

Piblisite


Piblisite