1 Kɔr. 1:8 - Tampulma

⁸ Waa la zi kpa o kpok a nyɛ ma maa tiŋ un nɛnɛ, chen ni o wa bur wa, o wa zi bu na ma galimsa.

1 Kɔr. 1:8 Referans Kwoze

1 Tɛs. 3:13

Maa daŋni dɔŋa chen ni, Koosa zi nyɛ ma bambe kpoku, chen ni ya kunyan Yesu awa o walɛ maga a wa, ma zi wa kotiu a chiŋi ya kunyan Koosa suwachak ni awa tu chaana ka galimsa ta nyɛn ma ni.

Kɔl. 1:22

Amaa lalaknɔ Koosa be ti sou daha, Koosa wa ma fun ya nɔ bɛgim, chen ni wuzu digi Kristo zi wa kpa mau a du Koosa suwachak ni, ma wa zi wa kpak galimsa o wati a ya tu chaan tima.

Filip. Tima 1:6

Mu kpak bambi di Yesu Kristo wa bur wa, Koosa zi wa peti tum naa o fun piin a tum ma niu.

2 Tɛs. 3:3

Amaa ya kunyan ti ya wuti tiina. O zi kpa o kpoku a nyɛ ma a yisi ma a li tum tagna naa sintana tum a du ma ni.

Ɛfɛ. 5:27

Yesu Kristo funɛ ya chene, di wuzu digi o zi kpa ba naa kpak o jirimau a ya bambi chaan tima a ya niwere a wa Koosa suwachak. O wa zi bu na ba galimsa.

Room 16:25

Tɔ. Koosa koti a nyɛ ma kpak nɛnɛ a tiŋ laaboor weri naa mu fun a biksi nara Yesu Kristo wɛ. Ma nyɛ ya pɛgi un chen daha. Koosa funɛ te kpa o laaboor weri nɔ a sogli saha digi,

1 Pita 5:10

Ma namsi tama wa peti, Koosa naa la suŋi ma kina maga ni, zi kɔɔri ma kpoku kinkan. O funɛ yir mau di ma wa un bɔni o jirima naa vɛ kpak bɔ kinkan, domi ma wa Kristo ya nibɛgimnɛ.

Filip. Tima 1:10

chen ni saha maga ma zi kotiu a zim a lisi nyinbaan weri. Ma ya chen, Kristo wa bur wa, ma zi kotiu a chem un wa tu chaani a ta kpak galimsa.

2 Pita 3:14

Mu bi daŋnɛ, chenani ma ya chen, o lawa ma kpak se sɛmu awa tu chaan tima a kpak sɔn weri Koosa suwachak ni ka ma wa un kpak nɔ bɛgim.

Room 14:4

Anti ya ma ma koti a ŋɔ di nandigi tumtumna tum galimsau? O titi kunyana la zi zim di o chelu koo o wa chel. Ya kunyan ti zi chiŋi o tumtumsa gantɛl niu, chen ni ba wa zi chel.

2 Pita 3:10

Ya kunyan ti wa wa, o kaa wa chi chenani ŋmɛɛr ya wa chene. Chen wuzu ti wa tel, o zi jimu a chi dinful. Buudaha zi wa nyigmiu ka din wa di tɛɛnɛ maga.

2 Kɔr. 1:21

Waa nyɛ ya wa ma kpak nɛnɛ di Kristo nyɛn ya nɛɛ. O titi funɛ lisi ya,

2 Kɔr. 1:14

Ma ha wa zim min nɛnɛ, amaa mu daŋni ma zim min nɛnɛ, chen ni mu zi ya ma jirima naru. Ya kunyan Yesu wa bur wa, ma zi kut ya mu jirima narau.

1 Kɔr. 5:5

Ma kpa un a du sintana nin ni o muksi un a chɔk o bara, chen ni a wuzu naa ya kunyan ti wa bur wa, Koosa zi wa yisi o miisau.

Luk 17:24

Mu waa nibine be wa kaa bur wa, n zi wa chi nasɛha din ya nyiksi a su buudaha maga chenu.

Luk 17:30

N waa nibine be waali zi wa chi chen saharɛ.

Room 8:19

Kin naa maga Koosa fun naami chen, pɔ a la saha naa Koosa zi wa kpa o jirima awa o chaani kinkan a nyɛ o bisi ni a li gbampulim ni.

1 Kɔr. 3:13

Saha naa Kristo wa bur wa, o zi wa kpa dinu a zaamsi chenani nara maga tuma duu. Chen la zi wa biksi a kiwere koo a wa wer.

2 Kɔr. 1:13

Chenani mu sɔbi a nyɛ ma, o wa bɔm wa ma zim.

Kɔl. 2:7

Ma nyɛ ma bambe kpak Yesu nɛnɛ a nyɛ ma se su un a gbaari, a chi chenani Ɛpafras fun te biksi ma chen. Maa zaami Koosa kinkan saha maga.

1 Tɛs. 5:2

Ma titi yaa zim di a wuzu naa ya kunyan ti kaa wa bur wa, o waa chi chenani ŋmɛɛr yaa wa dusum chene.

2 Tɛs. 2:2

nara ŋɔ ma di ya kunyan ti piin bur wau, ma ta nyɛ o jɛri ma a li ma lise ni a ta nyɛ ba sɛma kimuksi ma. Nara nama ŋɔ ma di ba ya Koosa witinsiwa akoo ba karimɛ tɔnnɛ a ŋɔ di min sɔbɛɛ, ma ta nu ba sɛm ta.

2 Tim. 1:12

Chendaha ba fun kpak min a la tɔ dɛ ka mu namsi nan. Amaa mu ha vɛɛn kpak bambi kpoku, domi mu zim naa mu si suu. Mu zimu di o zi il o kin nawara o fun kpa a du mu nin ni hali saha naa o wa bur wa.

2 Tim. 1:18

I gbanko zimu nɛnɛ a li chenani o fun suŋi min kinkan a li Ɛfɛsus ni. Ya kunyan ti wa bur wa, o zi kpak un sikiu kinkan.