Tito 3:8 - NandevaBiblia

⁸ Kova rãnga hai ñee añeteva hareka aipota hykuaĩ rerejykui kova mbaire, õñehã japo verãre Tũpare jyrojavare haikaviva. Kova mbaire haikavi hareka opava pevarã poryha verã.

Tito 3:8 Referans Kwoze

Tito 3:14

Ñandyryhevare tikuaa jyve haikaviva japo verãre hareka mborypo reta ikotẽvevare hareka kyrãrã hetapo japo reta mbai haikaviva.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Tito 1:9

Tantapo'ẽhe ñee añeteva, mbarakua verã jyve yngava arakua kavivapy hareka roja verã yngare ñee ñymbyvaisho'iheare.

Tito 3:1

Opaiteva mymandu'akahe tiñiñono jyve huvisharã'õre ipope, ñee tyhendu hareka õĩñoĩpo japo verã haikaviva.

1 Pedro 1:21

Cristo rupii pyroja jyve Tũpa, mynguerajy vekua manovare mbyteivi hareka õmombaishu, jyrojakue hareka ñyhãrõ kuaa tõĩ Tũpa rehe.

1 Timoteo 1:15

Kova ñee rãnga hai añeteva, hãrã opaiteva kuaretare katu roja: Jesucristo oumba aryka'e yvy'ĩãrẽ kuareta mbai porãmba japo'iare mondojepe verã, haire mbytepe she hai heko porãmba'eiteveva.

Romano 4:5

Tẽvã mba'apombava, Tũpa jyrojaherã mbyhekokaviva mbai porãmbaveĩ japo'ia, ajemaĩ mbai porãmba japo'ia mbaimbatẽã kyrã japoa verã, shara jyrojarã Tũpa mbyhekokavishu.

Juan 12:44

Jesús hỹnatu ijetarã hei: Shyrehe jyrojava ha'ẽã shyrehẽĩ jyrojava, jyrojajyvehe Sheru shymbou vekua.

Juan 5:24

Ãñeteĩte hai pee, she haiva henduva hareka jyrojahea shymbou vekua, ĩmemare tykove opambava. Jahehããpohe shara hasama ñymanoivi tykove opamba kyty.

Filemon 1:11

Ĩrũ arapeara nde pevarã Onésimo hai jokueharea mbaimba katu japova, tẽvã ã'ẽ haikavima jajokue nde pevarã hareka she pevarã.

2 Corintios 4:13

Ore rekohava jyrojakue, hai Mbyparahava heiva rãĩmi: “Aroja, hãme aijeta”, ore rojahaĩ jyve hãme ijetaha,

Hechos 12:15

Hãrã opaite oo ipe ẽvãre heishu: Rikuakuãrari! Tẽvã hai heijyvyĩ haiñoĩva. Haireta katy heijyvyĩ reta: Ha'ẽã rãnga ãmo; Tũpa jokueva rãnga.

Efesios 4:28

Hoka manarõ'i vekua, ỹnteño tymanarõ hãma tiñiñono tymba'apo, tijapo maĩnunga kavi ipo rupii ĩmere meẽ verã jyve pavete'ia retape.

1 Timoteo 2:8

Hãme rãnga aipota kuimbaire oparupi timbo'e tuhupi ipo kyambava, poshymbape maĩrã yngavare ijakamba hãndiape.

1 Timoteo 5:10

Tijykuaashi mbaikavi japova; jaishu mbykuakua kavi membyre, myvãhẽ kavi hentape mbuhupa, maĩkavirahe Jesús ryhevare mbai mba'etyreare, hareka mboryra iko'asyvare. Kyrã opaite mbaikavi japo vekuare.

2 Timoteo 1:12

Hokava rehe rãnga ahasa'asy'ãĩ, tẽvã anotiã shara aikuaa kavi mbavarera airoja hareka aikuaa kavi hai ñymbaikaturã natu verã opaite shepope ñonova hokava ara pevarã.

Tito 2:7

ndeteivapo ryheshaka marãra japoha mbai haikaviva, pyrỹmbo'eahea haikaviva rupii, pya kavipe,

Hebreos 10:24

Hãrã ñañehããpo opaiteva jajepy'apy ijehe, hareka jaijyhaihu, hareka mbai haikavivaĩ jajapo.

Mateo 20:4

Hãrã heishu reta: “Pekuã pymba'apo jyveshu uva rẽndape, hekope kavipo ãmbyhepypekui”. Hãrã haire opa jyraha.