Tito 3:14 - NandevaBiblia

¹⁴ Ñandyryhevare tikuaa jyve haikaviva japo verãre hareka mborypo reta ikotẽvevare hareka kyrãrã hetapo japo reta mbai haikaviva.

Tito 3:14 Referans Kwoze

Colosenses 1:10

Kyrãrã pikopo Ñandeja potava rãĩmi, hareka hai vy'apo penendie shara pijapopo opa mbai haikaviva hareka pikuaa kavivepo pyraha Tũpa.

Tito 3:8

Kova rãnga hai ñee añeteva hareka aipota hykuaĩ rerejykui kova mbaire, õñehã japo verãre Tũpare jyrojavare haikaviva. Kova mbaire haikavi hareka opava pevarã poryha verã.

Filipenses 1:11

Pee rãnga pepo tynyhẽpo pyraha teko jyvache i'akue mbaikavi pijapova Jesucristo rupii, kuaretare pyrahe hareka õmombai vasushu verã Tũpa.

Mateo 7:19

Hãrã opaiteva yvyra ia porãmbava, jasyjaha hareka momboha tatape.

2 Pedro 1:8

Opaite kovare hehetavepyrerã hareka kyrã pikorã, pikoreiveãmapo hareka pikuakavimaposhu Ñandeja Jesucristo.

Filipenses 4:17

Ha'ẽã rãnga aheka'aijyva ynga me'ẽãreiva; koñeĩ aipota me'ẽãjype hekovia pymeẽ she vekuare.

Efesios 4:28

Hoka manarõ'i vekua, ỹnteño tymanarõ hãma tiñiñono tymba'apo, tijapo maĩnunga kavi ipo rupii ĩmere meẽ verã jyve pavete'ia retape.

Juan 15:16

Peeã shypyhỹrõpi, sheii rãnga apyrỹpyhỹrõ. She apyrỹmondo heta mbai pijapo verã hareka opareiimba ryheva. Kyrãrã Sheru meẽpope opa mba'e shyreepe pirureshua.

Juan 15:8

Sheru õñemombaivasu jyve heta mbai pijapova rupii hareka kyrãrã ãñete iko pyndyhevi she amboi'areare.

2 Tesalonicenses 3:8

hareka mbavãã ho'uhareiishi pãhã mbyhepyambape. Kyrãtẽ verã, ara hareka pyharekue mba'apoha putu'uhambape, potãã mbava mbyhepy yryreherã.

Hechos 20:35

Haiñoĩ apyrỹmboihe marãrapo pymba'apo hareka ikotẽvẽva pymbory verã, ñanymanduahe Ñandeja Jesús hei vekuarã: “Me'ẽã ñandevaivi javyave, mbai ñameẽrã”.

Mateo 21:19

Hãrã hesha pente igo jypy pe hỹmbeype'õ, ñymbojaherã mba'ẽã heshapy; koñeĩ hokykuerei. Haipe Jesús heishu igo jypy: Ynteñomapo ndi'iakui! Haipevãĩ igo jypy opa jipi.

Hechos 18:3

hãrã haire japojyre oo mondehaivi japoava, pyta haipe mba'apo hãndi verãre.

1 Tesalonicenses 2:9

Shyryvyre, pymanduapohe marãra pohy mba'apoha hareka opa ỹrỹkangy. Mba'apoha arakuepe hareka pyharekue potãã pyndyreheĩñoĩte õĩhã kyrypoti pymeẽ ore verãrã. Jichepeĩ mbe'uhatẽpe Tũpa Ĩñee Kaviva.

Romano 15:28

Hãrã, opa kavima ajapo kovarã hareka ameẽ kova mbatyavarã, ahapokui España kyty hareka haipi ahasarã ahapo apyryheshakui.

Romano 12:13

Pymeẽveshu pyndyryvyre maĩnunga mba'etyreare. Pymyvãhẽ kavi ou punumbuhupava.

Filipenses 4:16

Shara aĩmeteri'ãĩ Macedoniaperã, pee hetajy pyrahaka she aikotẽverã pevarã.

Tito 2:8

pyrỹmbo'eahea kapyryva rupii, mbavamba porãmba hei verã. Kyrãrãpo, ñymbyvaisho ndyreheva ñymymarãkakui, vãhẽãposhu porãmba hei ñandyrehe verãre.