Tito 2:5 - NandevaBiblia

⁵ ñakavapy verã, heko kyamba verã, tingarekokavi hentape, pyakavipo reta hareka ĩmere ĩñeereĩpo iko reta, mbavamba ijeta porãmbahe verã Tũpa ĩñee.

Tito 2:5 Referans Kwoze

Colosenses 3:18

Tyrekore piko pemere ĩñeere, hokava rãnga hai hãrõã pyheviva pee pirojahea Cristo.

1 Timoteo 5:10

Tijykuaashi mbaikavi japova; jaishu mbykuakua kavi membyre, myvãhẽ kavi hentape mbuhupa, maĩkavirahe Jesús ryhevare mbai mba'etyreare, hareka mboryra iko'asyvare. Kyrã opaite mbaikavi japo vekuare.

Efesios 5:33

Tẽvã pee jyve, hykuaĩ haijype pepenteĩ haihu verã hyreko hai ijyhaihuva rãĩmi.

Hechos 9:36

Hãrã ĩmemba'ẽ Jopepe pente mbo'eharea Tabita he'iashua, he'iseva griego ĩñeepe Dorcas. Kova taupe hykovepe heta mbai haikaviva japo hareka mbaimba ĩmereva mboryva.

1 Timoteo 6:1

Opaite jokuehareare tymbyveteshu jokue'õre, mahẽ porãã ijetahahekui Tũpa hee hareka ñapyrỹmboiheva.

1 Corintios 14:34

Taupere tijasaka hai tũpao retaipi; shara ẽẽãshu hai ijeta verã, Moisés mbypara vekua heiva rãĩmi haire ĩmeretarepo'ẽ.

1 Corintios 11:3

Tẽvã aipota pikuaa Cristo hai opaite kuimbaire ñaka, hareka kuimbai hai taupere ñakarã'õ hareka Tũpa hai Cristo ñakarã'õva.

Romano 2:24

Añetei rãnga Mbyparahava heiva rãĩmi: “Kuareta haimba Judiovare ijeta porããhe Tũpa, pyndyrehe rupii”.

Hechos 9:39

Hãma Pedro pũãrã, oho hãndi reta. Haipe vãhẽmarã, raha reta Tabita hetekue ẽvãpe hareka opaite ĩme manoshiare haipe ẽẽjyve, jaheo ñynoĩ hareka mbyheshaka mondeava hareka jaso'iavare Dorcas imeteri'irã japo vekua.

Romano 14:16

Avy pyheja ijetaha porããhe mbai kavi ĩmepyrea.

Tito 2:4

Tymboihe kuñataĩre haihu verã ĩmere hareka membyre,