Tito 2:12 - NandevaBiblia

¹² Ñanymboihe jaheja verã mbai porãmba hareka mbai potakue ko yvy'ĩãrẽ'õ, jaiko arãndupe, heko kavipe hareka tykove mbijicheava Tũpa pevarãpe,

Tito 2:12 Referans Kwoze

Mateo 16:24

Haivi Jesús heishu mboireare: Ĩme'ẽ pota shimi'ĩrũvarã tiñymbysare ijuhuvi, tuhupi jukurusu kupere, hãrã tou shimi'ĩrũ.

Romano 6:19

Aijeta kuaretare ijetava rãĩmi, shara pee kuaretare pevarã javaipe pikuaa verã. Kyrã, aryka'e pymeẽva rãĩmi pyndyrete mbai kya vekuape hareka teko kavimbape pijapo verã porãmbava, ã'ẽ pymeẽ pyndyrete pokueha verã tykove kavivape hareka kyamba.

2 Pedro 2:9

Ñandeja rãnga katu hejareishu ĩñee japoshuare pya hã'ãhã'ẽrã hareka natu heko porãmbare jyvareahe verãre pirĩmbivachehava arape.

1 Juan 2:6

Heiva Tũpareĩ'ẽvã, ikopo jyve Jesucristo iko vekua rãĩmi.

2 Timoteo 3:12

Kyrãpo moñahare jyvekui opaite pota raha ijeheva tykove pyryparekova Cristo Jesús rehe.

Apocalipsis 14:12

Kope ẽẽ Tũpa ryheva hãrõkavivare, Tũpa heiva natu kaviva hareka opa ara jyrojaheva Jesús.

Lucas 1:75

teko kavivape hareka hekope kavi hai pevarãĩ jaiko, jajapo mbaikavi opa ara ñandyrykovepe.

1 Tesalonicenses 4:7

Shara Tũpa ñanyrẽnoã ñandyrykove ñamyngya jai verã, ñandyreko kavi verãĩ rãnga.

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.

1 Tesalonicenses 4:9

Jyhaihu ryheva ambyparããnype kuatia, shara Tũpateiva pynymboihe marãrapo pepenteĩ pijyhaihu.

Efesios 2:2

pee piko vekua porãmbape, kuareta yvy'ĩãrẽ'iare heko porãmba rãĩmi, pijapopi espiritu pyntuva ipope'õre potava, espiritu ã'ẽ mypyrãntareva ñymbaikatukue tyrayre ñee hendumba rupii.

Romano 12:2

Hãrã avypo piko ko yvy'ĩãrẽ'iare ikova rãĩmi, koñeĩ pypya pimbijeta py'aupojy. Hãmerãpo pikuaa Tũpa potava rãĩmi, haikaviva, pya ohoheva hareka hekope kavi'õ.

Romano 6:12

Hãme rãnga ỹteñomapo pyma'ẽĩhe pijapokashu porãmbava tyrete potava.

Mateo 28:20

Hãrã pymboishu opaite tijapo reta she hai pee vekua. Pikuaapo she ãĩmẽpo penendie opa arape ko yvy opapeve. Amén.

1 Juan 2:27

Tẽvã pee me'ẽãpe Espiritu, Jesucristo meẽpeva rupii, hãrã katuã mbava pynymboijy, shara Espiritu hai meẽpeva opa mba'e pynymboihe, hareka hai pyrỹmboiheva hai añeteva ha'ẽã japureiiva. Piñymypente hãndi Cristo, Espiritu pynymboiva rãĩmi.

2 Pedro 3:11

Kyrãpo opa mba'e õñehundirã, marã'ĩrãra pikoãte tykove kyambape hareka Tũpa potava rãĩmi?

Hebreos 8:11

Mba'etymapokui mboiverã hapishape, mbaivamba heishu verã ñymoña hãndiare, kuaa verã Teja; shara opaiteva, ndeivavive hareka kuakuamavare, shykuapokui.

1 Timoteo 6:17

Ikokatuvare ko yvy'ĩãrẽ, ereshu reta avy tiroja'ijehe maĩrã jyrojahe mbai hetareare, shara haire opa verã ryheva. Tirojavehe Tũpa hykovevare, hai heta meẽ ñande maĩnungakuere javya verã.

1 Timoteo 4:12

Avy mbava ndyreshatãti nukunumiteterirã, tiko ndyhevi heshaha verã Jesús ryhevare mbai haikaviva japoa verã, rijeta hareka rikova rãĩmi, jyhaihukue, jyrojakue hareka ndyreko kyambavape.

Colosenses 1:22

Cristo mano rupii kuareta rãĩmi. Hokava japo, pyndyverujy verã hỹnonde heko kyambape, mbai porãmba pijapombape hareka mbaimba mbojaha pyndyrevape.

Galatas 5:24

Tẽvã Cristo ryhevare, rahama reta kurusure heko porãmba vekua pyape'õ, hoo potava hareka mbai potakue ryheve.

Galatas 1:4

Jesucristo rãnga meẽ hykove mbai porãmba jajapo vekua rehe, ñanynohẽ verã ko yvy'ĩãrẽ'õre heko porãmba vekuaivi, Tũpa potava rãĩmi.

2 Corintios 7:1

Hãme, shyryvyre ahaihuva, kova ĩmejareva hai ñee me'ẽãva. Hãme avypo ñaimyngyapy opaite katu ñanymyngyavare, katupo ñandyretepe maĩrã espiritupe, kyrãpo ñandyky'ãã shara Tũpaivi jakyje.

2 Corintios 1:12

Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

Romano 8:13

Shara piko pijapo pyndyrete potavarã, pymanopokui; tẽvã Espiritu rupii pijuka pyndyrete potavarã, pipitypo tykove.

Hechos 24:25

Tẽvã Pablo ijeta'ẽhẽ hekope kavi jaikova ryhevarã, jajijokoshi mbai porãmbava hareka iko ñandyrehe verãrã, Felix myngyje hãrã heishu: Ekuajyvy, ha'ereipo aryrẽnokajykui.

Hechos 24:16

Hãme rãnga ãñehãñoĩ añymbyheko kavi verã Tũpa hỹnonde hareka kuaretare.

1 Juan 5:19

Jaikuaa ñande hai Tũpa ña'ãpova hareka opaite ko yvy'ĩãrẽ'õ Ãña ipope'ẽ.

Efesios 1:4

Tũpa rãnga ñanypyhỹrõ Cristo rupii ko yvy jerekue ndei japoharã, heko kyambape jaiko verã hareka mbai porãmba jajapombape Hai hỹnonde. Jyhaihukuepe,

Juan 14:30

Hetaveamapo aijetape, shara vãhẽma ou Ãña ko yvy'ĩãrẽ huvisha'õ. Hai mbaivapẽã jepy shyrehe,

Juan 6:25

Vãhẽma jyraha yyvasu hyvaishoperã hesha reta Jesús, hãrã pyrãndushu reta: Pyrỹmboi'ia, mbaipera rỹvãhẽrei kope?

Lucas 1:6

Mokue ryheve heko kaviva Tũpa hỹnonde, hareka japo hekope kaviva ñeẽ japoa verã.

Judas 1:18

Hai reta rãnga heipe: “Ara japyape vãhẽserimarã, ĩmepo'ẽ kuaretare ñymbyhoryva mbai haikavivare hareka porãmbavaĩpo pota japo”.

2 Timoteo 4:10

shara Demas shyrejama, haihuite opa mbai ko yvy'ĩãrẽ'õ rehe hareka oho Tesalonicape. Cresente oho hai Galaciape hareka Tito oho Dalmaciape.

Mateo 12:32

Tũpa hejareiiposhu kuareta Tay ijeta porãmbahea, tẽvã Espiritu Santo ijeta porãmbahea, ko yvy'ĩãrẽ hejareiiãposhu hareka ara ou'ẽ verãpe.

1 Timoteo 6:9

Tẽvã pota ikokatuvare oa pyahã'ãvãpe mbai mbo'ahava rãĩmi, hãrã oa mbai potaraiviape hareka pyrỹmbaivape, kova mbai porãmba vekua, opa raha kuaretare ñymbai verã kyty hareka õñehundi verãpe.

Santiago 1:27

Opakavi jajapova Tũpa ĩñee ryheva hai kova: Ñambory reta tuu hareka ishyveamavare hareka ĩme manoshiare opava maĩnunga mba'etyshuape, hareka ñaĩngareko ñandijehe potamba ñaĩmyngyapya mbai porãmba ko yvy'ĩãrẽ'õ.