Tito 1:1 - NandevaBiblia

¹ She Pablo, Tũpa jokueva hareka Jesucristo jy Apostol, shyrẽno Tũpa pyhỹrõvare jyrojahe verã hareka kuaa verãre Tũpa ĩñee añeteva, heshahakava tykove mbijicheava Tũpa pevarã rupii.

Tito 1:1 Referans Kwoze

Romano 1:1

She Pablo, Cristo Jesús jokueva hẽnohava apostol, pyhỹrõhava mbeu verã Ñee Kaviva Tũpa ryheva,

1 Timoteo 6:3

Ĩme'ẽ yngai'ova pyrỹmboi'ihea, ohombahea Ñandeja Jesucristo pyrỹmboihe vekuarã, hareka tykove mbijicheava Tũpa pevarã jahahea ñanymboihea rãĩmi,

2 Timoteo 2:25

kyrã, pya kavi ryhevepo rỹmbarakuaa añeteva ñymbyvaisho'iheare, hãrõ oujy verãre Tũpa kyty hareka kuaa verã añeteva,

2 Timoteo 2:23

Avy jasakahe ñe'ẽkuereire hareka mbaimba vekua, nde rikuama hokava veru ñyrãrõ.

2 Pedro 1:3

Tũpa ñymbaikatu rupii meẽ ñande opava maĩnunga mba'etyjareva ĩmejare verã tykove hareka jaiko hai potava rãĩmi. Hai ñanymbykuaaka Cristo, ñanyrẽno hai ojaimba rupii hareka mbai haikaviva japovare rupii.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

2 Pedro 3:11

Kyrãpo opa mba'e õñehundirã, marã'ĩrãra pikoãte tykove kyambape hareka Tũpa potava rãĩmi?

1 Timoteo 2:4

shara hai pota opaite kuaretare ohojepe, hareka kuaa kavive añeteva ryheva.

Colosenses 2:2

Hãrã aipota haire pyape ñymykyrẽy, penteapeĩ tõĩ reta jyhaihupe, heta hipity verã opaite mbai kavivare ouva mbaikuaakue rupii, kuaa verãre Tũpa ñemĩãpereva haire kuaambava, haiva Cristoteiva;

Filipenses 1:1

Pablo hareka Timoteo Jesucristo jokuevare, opaiteva Cristo Jesús ryhevare kyambava Filipope'õre, Tũpa hoope miñaka'õre hareka tũpaope mba'apova.

2 Corintios 1:1

She, Pablo Jesucristo jy apostol, Tũpa kyrã potarã, hareka ñandyryvy Timoteo hãndi marãnduha, tũpao ẽvã tenta Corintope hareka opaite jyrojavare ẽvã Acayape.

Hechos 13:48

Judiombare kova hẽndumãrã, vy'a jyre hareka hei reta Ñandeja ĩñee haikaviva; haivi opaite hipity verãre tykove opambava, roja reta.

Efesios 2:8

Pee rãnga pehojepe Tũpa jyhaihu rupii, shara pirojaherã. Kova mbai ha'eã peii pijapo vekua rupii, Tũpa me'ẽĩpeva rãnga.

1 Juan 2:23

Opaite ñomireva Tyray mba'etyre Teru; hãrã ĩme'ẽ myvãhẽva Tyrayrã, myvãhẽ jyve Teru.

Lucas 18:7

Hãmera Tũpa hepyãpojyve jyrojahea, jurureñoĩ'ishuare ara hareka pyharekue? Kỹỹrapo hãrõshu mbory verã?

2 Timoteo 2:10

Hãrã Tũpa pyhỹrõvare reheĩ opa mbai ahasa'aĩ, haire hipity verã jyve ñymondojepe hareka hĩmbipeva ĩmejareva opa ara Jesucristo rehe.

Santiago 1:1

She Santiago Tũpa hareka Ñandeja Jesucristo jokuereva, amarãndu 12 Israel ñymoñashiare opa mamaipi ohova yvy jerekue.

Apocalipsis 1:1

Kova hai Tũpa heshaka vekua Jesucristo rupii, mbykuaaka verã opaite jokueva retape; kova mbai areã iko verã. Jesucristo Tũpa jokuevape mboushu mbyheshaka verã jokueava Juan,