Romano 9:22 - NandevaBiblia

²² Tũpa, pota heshaka marãra hai purũnupa, hareka heshaka verã pyrãtãkue, heta hãrõkuaatẽ timbipory tujuivi japoava, haiva kuaretare mbyposhykarevare, ẽẽshua jaheahe verãre hareka jyvarehahe verã.

Romano 9:22 Referans Kwoze

Judas 1:4

shara ñymbytavy rupiima ã'ãmo kuareta iche pynypaũpe porãmbava. Haire yngai mbeujy Tũpa pyakavikue heijyre Jesucristo haimba Ñandeja koñyjareva hareka ña'ãpova, hãrã japoi jajaposhu verã heiva. Pya mbijeta reta, Tũpa ñandyraihuiterã, jahembaa ñandyrehe verã mbai porãmba jajaporã. Ajenynga, heta arama he'ihahe kuatia Tũpa ĩñeepe jaheañoĩhe verã hokava kuaretare.

1 Pedro 2:8

Harekajy: Pente ita mãrẽyva, haire vapihe verã. Hai reta rãnga vapi ñee henduãrã; ñonoha verãre pevarã.

Romano 9:21

Tujure mba'apo'ia rãnga ẽẽshu tujuivi pota japova, japo verã, hareka hokava tujuivi katu japo timbipory pentevapẽĩ poryha verã, hareka yngavape katu japoshi opavape poryha verã.

2 Timoteo 2:20

Pente oo tivisha'õ ipe, ha'eã ẽẽva maĩnunga ita verava ijuva hareka ita verava tĩĩva, ĩme'ẽ jyve maĩnunga yvyraivi hareka tujuivi japohava, pentevare hai mbai haikavivapẽĩ poryhava, hareka ĩrũre hai ĩmerãẽva'õpeĩ poryhava.

1 Tesalonicenses 2:16

hareka yryrejãã mbe'uhashu verã Ñee kaviva haimba Judiovare ohojepe verã reta jyve. Kyrã mbyhetave reta mbai porãmba japo vekuare. Tẽvã Tũpa jahemahe retarã javaitepokui.

Romano 9:17

Shara kuatia Mbyparahavape heishu Faraón: “She ãriñono Egipto juhuvisha vasurã, nde rupii ãmbishaka verã pyrãtãkue ĩme'areva, hareka shyree opa kuaaha verã ko yvy'ĩãrẽ”.

2 Pedro 2:3

Kyrypoti potakueivipo, haire pynymbytavy pyta verãre opaite pyndykyrypoti ryheve. Arykaivãimba ñonoha haire jahehahe verãre, hãrã hokavaivi ohojepeãposhi reta.

1 Tesalonicenses 5:9

Shara Tũpa ñanyrẽnoã ity ñaneãrẽ verã ñunũpa vasu, koñeĩ jahajepe verãĩ Teja Jesucristo rupii.

2 Pedro 3:15

Pynymanduahe, ñyhãrõkuaa Ñandeja ryheva ñandyraha ñymondojepeva kyty, jahaihuva ñandyryvy Pablo mbypara vekua rãĩmi, ãrãndu Tũpa meẽshuva rupii.

2 Pedro 2:9

Ñandeja rãnga katu hejareishu ĩñee japoshuare pya hã'ãhã'ẽrã hareka natu heko porãmbare jyvareahe verãre pirĩmbivachehava arape.

1 Pedro 3:20

Haire ñee henduã reta aryka'e, Noé ikoteri'irã, Tũpa ñyhãrõkuaa ryhevepe hãrõtẽva, japohateri'ẽ varko vasurã. Koñeĩ 8 kuareta ohojepe yy rupii.

Romano 1:18

Hãme vate araivi Tũpa heshakashu poshykue kuareta pyryparekombare hareka heko jyvachembare, hareka ñañarõvare añeteva jocharea.

Romano 9:20

Hãma nde kuimbai maĩrã taupe. Mbavara nde rỹmbyhovai verã Tũpa? Timbipory yvyivi japohavara heiposhu japo vekua: “Marã'ĩrãra kyrã shapo?”