Romano 8:27 - NandevaBiblia

²⁷ Hãma Tũpa opa maĩ kavihea ñandypyape'õ, kuaa mbaivara Espiritu pota hei, shara Tũpa potava rãĩmi jurure'ĩãrẽ opaite jyrojava kyambare.

Romano 8:27 Referans Kwoze

Efesios 2:18

Hãrã Cristo rupii opavare ã'ẽ Judio hareka haimbavare, katuma ñavãhẽ Tuu ẽvãpe pente Espiritu rupii.

Romano 8:34

Mbarapo katu jahehe reta? Cristo rãnga hai mano vekua, ĩãrẽve hai kuerajy manovare mbyteivi, hai ĩme'ẽ Tũpa jakata kyty, hareka hai jurure'ẽ ñandyrehe.

Hechos 1:24

Haipe jurure retarã hei: “Sheja nde opa rikuaa typyare. Heshaka ore mbavara ko mokue'õre rypyhyrõva,

Hechos 15:8

Tũpa rãnga opa kuaa ñandypyape ẽvãre, hai haihu jyveshu haimba Judiore, meẽ jyveshu haire pevarã Espiritu Santo meẽ ñandea rãĩmi.

1 Tesalonicenses 2:4

Kyrãtẽverã, ijetaha kuimbai Tũpa mbyhaikaviva rãĩmi hãrã ĩrĩñono mbe'uha verã Ñee kaviva, hãma hokava hai japohava. Ha'ẽã kuaretare pota pya oho yryreherã, koñeĩpo Tũpa, opa kuaava ñandypyape'õ.

Mateo 6:8

Avypo haire rãĩmipi, shara Peru ndei pirurerãvãĩ opa kuaa mbaivara mba'etype.

Apocalipsis 2:23

Hãrã membyre opapo ajukashi. Hãrãpo opaite tũpaore shykuamakui opaĩ aikuava tankapy'õre hareka typyare, hareka amyngoviaposhu reta pepenteĩ japo vekua rehe.

Juan 14:13

Hãrã opaite maĩnunga shyreepe pirureva ameẽpope; Teru mbyvetehashu verã Tyray rupii.

Lucas 16:15

Hãrã Jesús heishu reta: Pee rãnga pere pindijehe heko kaviva kuaretare hỹnonde, tẽvã Tũpa kuaa'ẽ pyndypya; hareka kuimbaire mbytepe mbai vasuva rãĩmi rekohava, hokava hai mbai porãmba'eiteve vekua Tũpa hỹnonde.

Santiago 5:16

Hãme pymbeupo ijupe mbai porãmbare pijapova hareka pirure ijehe pykuera verã. Heko kaviva japova ñymboi heta ĩmere mbaikatu hareka pyrãtakue.

Hebreos 4:13

Hãrã mba'ety Tũpa japo vekua kañyshi verã; shara Tũpa opa kavipo hesha hareka mbava hỹnonderãpo opa ñambeukui jajapo vekuare.

Romano 8:6

Shara ñandypya ñambijetahe ñandyrete potavairã raha ñymano kyty, tẽvã Espiritu ryheva jaikoherã, ĩmepojare tykove hareka pyavapy.

Juan 21:17

Haipe mbahapyhea Jesús pyrãndujyshu: Simón, Jonas tay, ndera shyraihu? Pedro mbyvy'ã, mbahapyitema pyrãndushurã. Hãrã hei: Sheja nde rãnga opa mba'e rikuaa. Rikuaa kavi she aryraihuva. Haivi Jesús heishu: Ñyngarekohekui shy'avishare.