Romano 8:24 - NandevaBiblia

²⁴ Kova ñyharõva rupii ñanymondoajepe. Tẽvã ñahãrõñaĩva heshahava, ha'ẽã hai ñyhãrõva; shara mbavara hãrõ'ẽ ĩmemareva?

Romano 8:24 Referans Kwoze

Hebreos 11:1

Jairojahe Tũpa hai ẽẽma heky verã hãrõ'õva. Hai heshahava jyrojakue rupii mbai katumba teri heshahava.

2 Corintios 5:7

Shara jyrojakuepeĩ ikoha, ha'ẽã heshahava rupii.

2 Corintios 4:18

Ore ma'ẽhãhe ijyheshavare, koñeĩ ma'ẽhã heshahambavare. Shara mbai ijyheshava opareii, tẽvã heshahambare hai ikova opa ara.

1 Pedro 1:21

Cristo rupii pyroja jyve Tũpa, mynguerajy vekua manovare mbyteivi hareka õmombaishu, jyrojakue hareka ñyhãrõ kuaa tõĩ Tũpa rehe.

1 Tesalonicenses 5:8

Tẽvã ñande ara kõĩvape jaiva, opa arapo haikavi jaiko. Jaijochapopy jyroja hareka jyhaihukuepy, syndaro ijochapya rãĩmi pitiaipi, ñymyhẽva'õ ñyrãrõ verã, syndaro ñãka jochapya rãĩmi ñañõno ñandijehe ñyhãrõ hareka ohojepea ryheva.

1 Pedro 1:3

Japyraheshu Tũpa Ñandeja Jesucristo Tuu, ñyhãrõ mishĩmbava rupii ñanymby'oa py'ahujy pente ñyhãro opamba verãpe Jesucristo kuerajyva rupii.

Romano 12:12

Vy'ape pyhãrõ pẽĩ, pyhasa kuaapo jyhasa'asy, avy pynykangy pimbo'e.

Romano 5:2

Hai jairojaherã, ã'ẽ katuma jaiko Tũpa jyhaihupy, tanta ñaĩhe hareka vy'ape ñahãrõkuaa ñaĩmeñaĩ verã jyve Tũpa hĩmbipekuepy.

Romano 15:13

Tũpa hai, meẽva jyroja, vy'akue pynytynyhẽpo hareka pya vapype pirojahe verã, Espiritu Santo ñymbai katukue rupii pynytynyhẽ ryheve pynypyrãta verã.

Colosenses 1:27

Tũpa potai kuaakashu haimba Judiovare mbai ojaimbava hĩmbipeva tentare pevarã, hokava hai: Cristo ẽvã pynymbytepe, hãrã haiteiva pyharõpẽĩ pyreko verã tykove hĩmbipeva.

Romano 15:4

Shara opaite Mbyparahava hai ñanymboi kavi verã, ñyhãrõkuaa rupii hareka pya kavi meẽ ñandeva Mbyparahava, ĩmejare verã ñahãrõñaĩva.

Galatas 5:5

Tẽvã ñande, Espiritu rupii, ñahãrõ jyvyĩ he'ia ñandyrehe verã kyambaa Tũpa hỹnonde jairojakue rupii.

1 Juan 3:3

Opaite Hai hãrõ'õ reta, ñymbyheko ky'ãpo, hai heko kyamba rãĩmi.

2 Tesalonicenses 2:16

Hãrã Ñandeja Jesucristo hareka Tũpa pya kavi rupii hai ñandyraihu hareka meẽ ñande pyavapy japymbaa hareka ñyhãrõkavi,

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

Colosenses 1:5

hoka pyhãrõpẽĩva rupii natũhamape pa'ãpõrã vate arapy. Pee rãnga pikuaama pyhãrõpẽĩva, ñee añeteva rupii, hokava hai Ñee Kaviva.

1 Corintios 13:13

Mbahapy'ẽ opamba ryheva; jyrojakue, ñahãrõva hareka jyhaihukue, tẽvã kova mbahapy'ẽvã retaivi haikaviveva hai jyhaihukue.

Romano 4:18

Ñyhãrõkuaa mba'etymava, Abraham roja hareka hãrõkuaajy, kyrã ikoshi tenta vasure hetava tuu, Tũpa heishua rãĩmi: “Kyrãpo hetakui ñymoña ndyhevivare”.

Romano 8:20

Opaite japoha vekua ãñete opareii, ha'ẽã hai kyrã potarã, Tũpa kyrã potarãmeĩ rãnga; tẽvã japoha vekuare ĩmeteri'ẽshu ñyhãrõkua,

Tito 3:7

Hai, ñanymbyheko kavi verã jyhaihukue tivishava rupii, japity verã tykove opambava ñahãrõva.