Biblia Todo Logo
Bib sou entènèt

- Piblisite -




Romano 8:23 - NandevaBiblia

23 Ha'ẽã hairetaĩ, ñande ñandijehetei jahasa'asy jyve, ajemaĩ ĩmematẽjare Espiritu tynonde me'ẽã ñandeva japity verãvaivi. Ñahãrõteñaĩ Tũpa ta'yrã ñandapo verãpe, hareka ñandyrete nohẽshi verã porãmba vekua.

Gade chapit la Kopi




Romano 8:23
26 Referans Kwoze  

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.


Espiritu Santo rãnga hai me'ẽã ñandeva Tũpa ña'apova meẽ verã, opama ñambapy kavi mbyhepya ñandyreheva ñanynohẽajy verã, omomba'ea vasushu verã.


Avy pymbyvy'ãpi Tũpa Espiritu Santo, shara Espiritu hãĩ jyve ñanymyhã'ãngapya heshakava ñande hai Tũpa ryhevarã, opava retape me'ẽha jahajepe verã.


ñahãrõteri ñaĩvape hĩmbipekue ryheve ou verã ñanu Tũpa ojaimbava hareka Ñanymondojepeva Jesucristo.


Tẽvã ñande, Espiritu rupii, ñahãrõ jyvyĩ he'ia ñandyrehe verã kyambaa Tũpa hỹnonde jairojakue rupii.


Shymbypavete'i! Mbarapo hekyshyhevi kova ñymanokue ẽvã shyretepe?


Shara opaiteva Tũpa japo vekuare hãrõñynoĩvape ikoraiñynoĩ, heshahaka verã ãñete ñande haiva Tũpa tayre.


shara hykove japyvẽãmapo, Tũpa jokuevare rãĩmimapo hareka Tũpa tay hareka tajy rãĩmimapo, shara Tũpa opa mynguerajyshu reta.


Ahaihuvare, Tũpa tayretama rãnga ñande, ajemaĩ ijeshakããteri marãvãrapo ñandekui, jaikuaa Jesucristo ijeshakamarã Hai rãĩmindapo ñande, shara haiteivapo jaheshakui marãvara Hai.


Hãma kova mbai õñepyrõma ikorã, pimykyrẽỹ hareka pãka pumũpũ'ã, shara kõõima ou mbyhepya pyndyrehe pynynohẽajy verã.


Pirojakue rãnga ita vera ijuva rãĩmi, tatapy mbytykuihava. Jyrojakuepe hasakaviva pyarãã haikaviteveshi hai ita vera ijuva, kỹããpo iko. Kova jyhasa'asy rupii tymbyhaikaviha, tymbyveteha hareka tomomba'eha Jesucristo ijeshaka verã jy'arape.


Ã'ẽ shy'ãrõma'ẽ korona ñee ahenduiterã meẽshe verã hokava arape Ñandeja, Huvisha heko kaviva. Hareka ha'eã sheĩĩ meẽshe verã, opaite jyhaihu ryheve oujy verãpe hãrõ'õ reta jyve.


Hareka hokava ñyhãrõkuaa ñanymbytavyãpo, shara Tũpa jyhaihukue mynyhẽ ñandypya Espiritu Santo rupii me'ẽha ñandeva.


Hoka sapevaivi rãnga õhẽ mbai haikaviva, heko kaviva hareka añeteva.


Jypy vãhẽhã ouha Macedoniaperãvãĩ putu'uhãã, oparupi hasaha jyhasa'asy, yryreshatambare oñehã'ãha hãndi, hareka kyjekue hyvaishope.


Ha'ẽã kovaĩ, javya jyve jyhasa'asype, shara jaikua kova verupo ñande ñyhãrokuaa,


Hãrã Tũpa ñanymbyvy'ama jyve, katy ã'ẽ me'ẽã ñande ñaĩkavijy hãndiva Ñandeja Jesucristo rupii.


Hãme rãnga, pyhãrõteripẽĩ Ñandeja Jesucristo oujy verãrã, mba'etyãpope mbai kavikue Tũpa meẽpeva.


Hai ñande sella, kuaaha verã hai ña'ãpova ñanderã; Espiritu Santo rupii.


Swiv nou:

Piblisite


Piblisite