Romano 7:4 - NandevaBiblia

⁴ Kyrãĩ jyvepe shyryvyre, Cristo ñymano rupii pẽĩveamahe Moisés mbypara vekua, ã'ẽ pẽĩma Cristo hãndi, hokava hai Tũpa mupuãjy vekua manovare mbyteivi. Kyrãpo heta mbaikavi jajapo Tũpa pevarã.

Romano 7:4 Referans Kwoze

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

Romano 8:2

Shara ñee mbyparahava Espiritu ryheva japokava meẽ tykove Cristo rupii, shyrekyshi ñee mbyparahava mbai porãmba ryheva hareka ñymano.

Efesios 2:15

Heteteiva rupii Cristo mby'opa Moisés mbypara vekua rekova japoava hareka ñeẽ japoa verã, hãrã japoshi mokueivi pente tenta py'ahuva ñymypente hãndia rupii. Kyrã ñono pyakavi Judiore hareka haimba Judiovare pãũpe.

Romano 7:6

Tẽvã ã'ẽ manoma mbyparava japoa verã ñymbai katukue'ipe ñandyreva, mbaiveama ñandocha jaijokueka verã Tũpape, tykove py'ahuvape Espiritu Santo ñymbaikatupy, haiveama arykaiva Moisés mbypara vekua tuja vekuapy.

Galatas 5:18

Hãrã ko Espiritu Santo potava rãĩmi pikorã, pẽĩveama'ipe Moisés mbypara vekua heiva rãĩmi.

Colosenses 1:22

Cristo mano rupii kuareta rãĩmi. Hokava japo, pyndyverujy verã hỹnonde heko kyambape, mbai porãmba pijapombape hareka mbaimba mbojaha pyndyrevape.

Romano 6:22

Hãma ã'ẽ pymbysyryamashiva mbai porãmba vekua, japoama pyndyhevi Tũpa jokuereva. Kova rãnga mbijehu pee pevarã tykove kyamba, hareka koñemahea pyvaĩposhu tykove opambava.

Galatas 3:13

Jesucristo rãnga ñanynohẽma Moisés mbypara vekua jyjaheivi, hãrã jaheatẽ ñandyrehe verã vekua oa ĩãrẽ, shara Tũpa ĩñeepe hei: “Jaheamahe yvyrare ñonoãva”.

Romano 6:14

Kyrãrã mbai porãmbava jepyveamapo pyndyrehe, shara pikoveãma Moisés mbypara vekua heiva ipe. Koñeĩ pimepeĩ Tũpa jyhaihukuepe.

Colosenses 2:14

Tũpa hejareii ñandyhevi kuatiape'õ ñambyhepytẽ verã vekua hareka ñonoãva japohañoĩ verãpe: Hareka kutu kurusure opa mbijapy ñandyhevi verã.

Colosenses 1:10

Kyrãrã pikopo Ñandeja potava rãĩmi, hareka hai vy'apo penendie shara pijapopo opa mbai haikaviva hareka pikuaa kavivepo pyraha Tũpa.

Filipenses 1:11

Pee rãnga pepo tynyhẽpo pyraha teko jyvache i'akue mbaikavi pijapova Jesucristo rupii, kuaretare pyrahe hareka õmombai vasushu verã Tũpa.

Apocalipsis 19:7

Ñandyrorypo, ñaĩmytynyhẽ vy'a hareka ñamombai vasushu, shara vãhẽma ara Avisha Ray omenda verã, hyreko opama õĩkavi.

Romano 6:2

Mba'ety, kyrãã rãnga! Ñande rãnga ñamanoma mbai porãmba pevarã, marãĩrapo hykuaĩ jajapojy mbai porãmba vekua?

Colosenses 2:20

Pee rãnga pymano Cristo hãndi, hãrã peĩveãma tẽãre ñymbaikatu'ipe ẽvã ko yvy'ĩãrẽ. Marã'ĩrãra akuarã, pikoteri kova tẽãre ñymbaikatu'ipe hareka piñyñonopi haire ĩñee potava rãĩmi?

Colosenses 1:6

Hoka ñee rãnga mbe'uhamaĩpe, hareka oparupi ko yvy jerekue pũã hareka ñymbyheta oho, jehuva rãĩmi jyve pynymbytepe, hoka arape pyhendurãvaĩ ko añeteva, marãra Tũpa pyndyraihu.

Filipenses 4:17

Ha'ẽã rãnga aheka'aijyva ynga me'ẽãreiva; koñeĩ aipota me'ẽãjype hekovia pymeẽ she vekuare.

Juan 3:29

Omendava ikovape tyrekorã ĩmerea hai temerã; hareka temerã ñi'ĩru haipe'ẽ hendu ijeta'ẽherã mbyvy'aite. Kyrãĩ jyve she avy'aite ãĩ jyve.

Mateo 26:26

Karumapo ñynoĩ retarã, Jesús heky pãhã, haivi ohovasa; pysẽãmarã meẽshu mboireare hãrã heishu: Peu, kova hai shyrete.

Apocalipsis 21:9

Haivi ou penteva 7 Tũpa jokuevare 7 copa ĩmereva tynyhe'õ koñemahe verã mbairasy porãmba, hareka heishe: “Ei kope; ãrỹmbyheshakapo tyrekorã, Avisha Ray hyrekorãpokui”.

Hebreos 10:10

Tũpa ñanymbyheko ky'ãã shara Jesucristo japoshu Tũpa potava ha'eĩ meẽ hete jukaha verã penteĩ hareka opa ara pevarã.

2 Corintios 11:2

Shykateỹ rãnga pyndyrehe, shara kova Tũpaivi ourã; she rãnga pota apyrỹmbyrekoka, pente kuñataĩ pokoambaterihea rãĩmi, pentevaĩ pemerã verã, hokava hai Jesucristo.

1 Corintios 10:16

Ñaimbyupy kopa ohovasahavarã, hai rupii jahovasapy Ñandeja, ñañymypenteãra hãndi Cristo huvy rupii? Pãhã jaurã, ñañymypenteãra hãndi Cristo hetepe?

Juan 15:8

Sheru õñemombaivasu jyve heta mbai pijapova rupii hareka kyrãrã ãñete iko pyndyhevi she amboi'areare.

Juan 6:51

She rãnga hai pãhã meẽvã tykove ouva vate araivi; hãma houva ko pãhã manoveamapo. Ko pãhã ameẽ verã hai shyroo, ameẽpokui opaite kuaretare rehe ẽvã ko yvy'ĩãrẽ manomba verã.

Marcos 4:20

Tẽvã ĩme'ẽjy yvy kaviape oava: Hokava reta hai hendu Tũpa ĩñeerã pysykaviva, hãrã ia 30, ĩrũ 60 hareka 100 kavi ia.

Romano 6:11

Kyrãipo jyvepe pikopo pymanomava rãĩmi mbai porãmba pevarã, tẽvã pimeĩpirã hai Tũpa pevarã Cristo Jesús piñymypente hãndiva rupii.

Romano 7:3

Hãrã ĩme manombateriva hareka yngava kuimbai iko'ijy hãndirã, he'iaposhu javasa'ia. Tẽvã teme manomarã, ijyhekymashi hokava ñee mbyparahava, hareka he'ihãpohe javasa'ia, ajemaĩ yngava kuimbai rekotẽjyva.