Romano 7:25 - NandevaBiblia

²⁵ Ameẽshu shy'ajetekue Tũpa, Ñandeja Jesucristo rupii. Koñemahea: Aikuaa ajapoñoĩ verã ñee mbyparahava Tũpa pota japoashuva, tẽvã shyrete ikangyrã, ãĩmeĩ'ãĩ ñee mbyparahava mbai porãmba japoa verãpe.

Romano 7:25 Referans Kwoze

Colosenses 3:17

Hãma opa mba'e pijapova hareka pereva, pijapo Ñandeja Jesucristo heepe hareka pymeẽ ajetekue Tũpape, Cristo rupii.

1 Pedro 2:5

Pee jyve, ita hykovevare rãĩmi Tũpa mupuãheva oo Espiritu ryheva hareka pee hai paire kyambaa hokava tũpaope, mymba jukahava espiritu ryheva meẽ verã Tũpa myvãhẽva Jesucristo rupii.

1 Corintios 15:57

Tẽvã ñamee ñandy'ajete Tũpape, meẽ ñande pyrãtakue jajepyhe verã ñymanokue, Ñandeja Jesucristo pyrãta rupii.

Romano 6:17

Tẽvã ã'ẽ ñameẽshu Tũpa ajetekue, ajemaĩ arykai hai pee mbai porãmba jokuerea, ã'ẽ pyndypyaivivema ñee pyhendu pynymbo'eahea ẽvã rãĩmi, pee pymyvãhẽ vekua.

Romano 6:14

Kyrãrã mbai porãmbava jepyveamapo pyndyrehe, shara pikoveãma Moisés mbypara vekua heiva ipe. Koñeĩ pimepeĩ Tũpa jyhaihukuepe.

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

Filipenses 3:3

Ñande hai ãñete ñymbai pire chĩchĩava; ñamombaiva Tũpa ñande espiritu ryheve, javyava Cristo Jesure, hareka jairojambaheva tyroore.

2 Corintios 9:15

Ãmeẽ shy'ajetekue Tũpape! Shara hai heta mbai meẽ ñande katumba opa ñambeuva!

Mateo 1:21

Hai memby kuimbaipokui, hareka rymbyheepo ko sanjay Jesús, kyrãpo he'iashu shara hai mondojepepo henta ĩrũre mbai porãmbaivi”.

Filipenses 4:6

Avy pejepy'apy maĩnungare, opa pymbeu Ñandejape pimboimarã, pirureshu hareka pymeẽshu pyndyvy'akue.

Efesios 5:20

Pymeẽshu opa arape pyndyvya, Tũpa, Ñandeja Jesucristo heepe.

Romano 8:2

Shara ñee mbyparahava Espiritu ryheva japokava meẽ tykove Cristo rupii, shyrekyshi ñee mbyparahava mbai porãmba ryheva hareka ñymano.