Romano 6:21 - NandevaBiblia

²¹ Mbaivara pimbijehupy hokava? Ã'ẽ hokava maĩnungare pynoti, shara kova maĩnungare pyryraha ñymanope.

Romano 6:21 Referans Kwoze

Romano 1:32

Ajemaĩ kuamateãre Tũpa heko jyvachekue mbeumateã, opaite kova japo'iare manoñoĩ potarã, ha'ẽã japopeveĩjyrea mbyhaikavi jyvyĩ reta kyrã japo hãndiare.

Romano 7:5

Shara jaikoteri jajapo porãmba ñandyrete potavarã, ñee mbyparahava mbysareko mbai potakue, hokava mbyheta maĩnunga porãmba japokava ñymano.

Romano 6:23

Mbai porãmba hepykue rãnga hai ñymano, tẽvã Tũpa meẽva hai tykove opambava, Cristo Jesús Ñandeja ñañymypente hãndiape.

1 Juan 2:28

Ã'ẽ shyrayre ahaihuva, piñymypenteñoĩhe Cristo, jairojahe verã hai ijeshakamarã, ñanymarãmbashi verã hai oujymarã.

Hebreos 6:8

Tẽvã poi jyrojavare hãĩ yvy kapi'ãti mimoñava; mba'erãveã, hareka Tũpa jahehe. Koñemahea hapyha.

Romano 8:13

Shara piko pijapo pyndyrete potavarã, pymanopokui; tẽvã Espiritu rupii pijuka pyndyrete potavarã, pipitypo tykove.

Romano 8:6

Shara ñandypya ñambijetahe ñandyrete potavairã raha ñymano kyty, tẽvã Espiritu ryheva jaikoherã, ĩmepojare tykove hareka pyavapy.

Apocalipsis 20:14

Haivi mano hareka manovare ẽvape'õre momboha tata vasupe. Kova hai ñymano mokuehea.

Apocalipsis 16:6

Shara ndyvaishore hetama juka nyrẽta ĩrũ heko kyambare, hareka Tũpa ĩñee mbeu'iare. Hãme rãnga ã'ẽ nde rỹmbyu reta turuvype, shara kyrãvaĩ heka reta”.

1 Pedro 4:17

Vãhẽma ara pirĩmbivachehava iko verãpe Tũpa ryhevare mbytepe. Hareka õñepyrõ ñandyreherã hareka kyrã ñanymbyhasa'asyrã, marããtepo opakui Tũpa Ĩñee Kavi hendusemba'iare?

Santiago 5:20

pynymanduahe kova: Ĩme'ẽ mbai porãmba japo'ia poi mbijapokavarã, mondojepepokui ñymanoivi hareka hetapo hejahareiishi mbai porãmba vekua.

Santiago 1:15

Kova japova rupii rãnga õhẽ mbai porãmbava; hokava hetaitema japoharã, ñymoñashi ñymano.

Hebreos 10:29

Hãme mbovykuerapo jahehahe Tũpa Tay pyrõheva hareka heivare Cristo huvy mbaimbava, mymorãmbava Espiritu Tũpa ryheva haihushuva.

2 Corintios 7:11

Haikavi Tũpa pota rupii piñymbasypeĩrã. Pymaĩhe marãra veru mbai haikaviva! Kyrã mondo kuaa mba'eã ajaporã hareka shyrepy reta. Hãma poshy reta hareka kyje reta maĩnunga iko verãre. Pota shyresha reta hareka ajeraima japova jahehe reta. Opaite kova rehe, pyheshaka peĩã jyve kovaperã.

Filipenses 3:19

Hokavare japyapepo jyvareahe retakui. Ñu tũpa ha'ĩĩ potaveshi reta, hareka japuhe reta notitẽ verãre. Yvy'ĩãrẽ õvaĩ pya mbijetahe reta.

Romano 5:12

Kyrã, pente kuimbai rupii mbai porãmba ichemba yvy'ĩãrẽ, hareka mbai porãmba rehe ou ñymano; hareka opaiteva kuaretare manotẽ verã, shara opaiteva mbai porãmbavẽĩ japo.

Romano 6:16

Pee pikuaa kavi ĩme'ẽ ñymeẽva jokuehareii'i verãrã, pente pyrokue'iape ñee pyhendushu verãrã, iko pyndyhevi jokuereirea ñee pyhendushuva. Hãrã kyrãjy, mbai porãmbavaĩ pijapopirã verupope ñymano, tẽvã pijapo Tũpa heivarã verupope hekope kavi'õ.

2 Corintios 4:2

shara opa mbijicheha ñemiãpẽ'õre hareka pyrỹmymarãkava, ikohã pyrỹmbytavyhavape, hareka Tũpa ĩñee opavãã mbihi'aha. Kyrãtẽ verã añetevaĩ mbe'uha, kyrãrã kuaa mondo verãre ore haiva añeteva Tũpa hỹnonde.