Romano 6:19 - NandevaBiblia

¹⁹ Aijeta kuaretare ijetava rãĩmi, shara pee kuaretare pevarã javaipe pikuaa verã. Kyrã, aryka'e pymeẽva rãĩmi pyndyrete mbai kya vekuape hareka teko kavimbape pijapo verã porãmbava, ã'ẽ pymeẽ pyndyrete pokueha verã tykove kavivape hareka kyamba.

Romano 6:19 Referans Kwoze

Romano 6:13

Avypo pyporyka pyndyrete ryhevare mbai hekopemba'õ pevarã, kyrãte verã, piñiñono Tũpa ipope, ĩmeĩteri'ia rãĩmi manovare mbytepe, hareka pyrete ryhevare pymeẽ mbai mbi'ipuhavare mbaikaviva rãĩmi Tũpa pevarã.

Romano 3:5

Tẽvã katuãpo jai Tũpa hekope kavimba'ia poshyrã hareka ñanunuparã. Mbaivarapo jai? Tũpa hekope kaviãra'i ñanunupa'i verã? (Kuaretare ijetava rãĩmi aijeta).

1 Corintios 6:11

Ĩme'ẽ aryka'e pymbytepe kyrã'i vekuare; tẽvã ã'ẽ pyndykyaveãma Ñandeja Jesús heepe hekokavivamape, hareka Espiritu ñanu Tũpa ryheva rupii.

Galatas 3:15

Shyryvyre, apyrỹmymandu'akapohe kuei jehu ñandeva: Pente kuimbai ynga japo hãndi ñee me'ẽãvarã, ñonohẽ hee kuatiaperã, mbaveãmapo mbaiva ñono jypy, japoa verãĩma'ẽ.

Hebreos 12:15

Piñyhãã avy mbava hipityããkui Tũpa pyakavikue, mahẽ mbava ovakui pente yvyra hapo irova hareka opavape myporããkui.

Hebreos 4:15

Ñandy pai ruvishavasu katupo ñandyparekorã ñanymborykui ñanykangyñaĩrã, shara ñande rãĩmimba heta pyahã'ãha jyve; koñeĩ mbai porãmba japoã hai rãmeĩmba.

1 Corintios 9:8

Shijuhuvira haipe kova mba'e, he'iãra jyve Moisés mbypara vekuapy?

1 Corintios 5:6

Porãã rãnga kova ryheve pirojapi pindijeherã. Pikuaa kavi rãnga'ãmo pãhã mby'ouka mishĩtẽ harina mbihi'ava opaĩ mby'ou.

Romano 15:1

Ñande jairojakuepe ñanypyrãtava, ñamborypohe pyrãtambare rahareva, ñande ñandypya ohohevaĩ jajapotẽ verã hendakuepe.

Romano 8:26

Kyrã Espiritu ñanymbory ñanykangyñaĩrã. Shara jaikatuã ñaĩmboi, ñaĩmboi verã rãĩmi, tẽvã Espiritu teiva Tũpape jurure ñandyrehe, katumba ĩñee rupii kuaahava.

Mateo 4:23

Jesús opa vatahupi Galileape, Judiore ñymbatyseape pyrỹmboihe Ñee kaviva mbeu Mburuvisha vasurã vate araivi ouva ryheva, kuareta ñymbairasy vekuare opa mynguera.

Romano 7:23

Tẽvã shypyape ãñandu pente mbai shijokova shypya ambijeta kavi verã: Hokava hai ñee mbyparahava mbai porãmba ryheva, shypyape ẽvã hareka shymbyperesotei'i.