Romano 6:13 - NandevaBiblia

¹³ Avypo pyporyka pyndyrete ryhevare mbai hekopemba'õ pevarã, kyrãte verã, piñiñono Tũpa ipope, ĩmeĩteri'ia rãĩmi manovare mbytepe, hareka pyrete ryhevare pymeẽ mbai mbi'ipuhavare mbaikaviva rãĩmi Tũpa pevarã.

Romano 6:13 Referans Kwoze

Romano 12:1

Hãmeara, shyryvyre, Tũpa jyparekokue ojaimbava rupii airurepe, pymeẽ verã pyndyrete Tũpape me'ẽãva rãĩmi ĩmeĩ'ia, kyambape hareka Tũpa mbyvyashu verã. Kyrã rãngatẽpo õñemombaishu.

Romano 6:16

Pee pikuaa kavi ĩme'ẽ ñymeẽva jokuehareii'i verãrã, pente pyrokue'iape ñee pyhendushu verãrã, iko pyndyhevi jokuereirea ñee pyhendushuva. Hãrã kyrãjy, mbai porãmbavaĩ pijapopirã verupope ñymano, tẽvã pijapo Tũpa heivarã verupope hekope kavi'õ.

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

Colosenses 3:5

Hãrã pijuka pyndypyape'ẽvã porãmba vekuare, jaishu kyrãrãĩ'ia ryheva, mbai pyrỹmyngyava, mbai potaiiva ryheva, hareka kate'ỹkue, hokava ha'ẽĩjy ñamombaiva Tũpa rã'anga.

Romano 7:5

Shara jaikoteri jajapo porãmba ñandyrete potavarã, ñee mbyparahava mbysareko mbai potakue, hokava mbyheta maĩnunga porãmba japokava ñymano.

1 Pedro 4:2

pimeĩteripirã pikombaa verã pyndyroo potavape, kuaretare potava rãĩmi, koñeĩ Tũpa potava rãĩmi.

Colosenses 2:13

Ndeiteri japoa pyndyrehe kova pipire chĩnchĩava ryhevarã, pee pymanomba arykai mbai porãmba vekuape. Katynga, Tũpa meẽ ñande tykove ñanimi'ĩrũheva Cristo, opa hejareii ñandyhevi mbai porãmba vekuarã.

1 Corintios 6:20

Shara Tũpa hepyre pyndy'ova; hãme rãnga pemombaiposhu Tũpa pyndyretepe hareka pyndyrykovepe, hokava reta hai Tũpa ryheva.

1 Juan 1:9

Tẽvã Tũpa ñaimbeushu mbai porãmba jajapo vekua retarã, hai jairojaheva hareka hekokavi, hejareii ñandyhevi verã hareka ñandohepo mbai poshykueivi.

1 Corintios 6:15

Pikuããra pyndyrete haiva Cristo hete ryheva? Ahekyraposhi Cristo hete ryheva ãñonohẽ verã taupe heko porãmba hetere? Mba'ety!

Efesios 2:5

ñanymynguerajy hãndi Cristo, mbai porãmbape ñamanoterirã vekua. Kyrã Tũpa jyhaihukue rupii jahajepe.

Filipenses 1:20

Symyĩ kavivape ãhãrõ'ãĩ, ajapoãpo shymymarãka verã, koñeĩ pyavasupe ãmbeu Cristo ĩñee jepi ajaposea rãĩmi, tyhesha shyrehe kuaretare ko Cristo mbaivasuva, aikoterirã maĩrã amanomarã.

1 Corintios 6:9

Pikuããra porãmba japo'iare hipityãpokui Tũpa ẽvãpe'õ ryheva? Avy peii piñymbytavy, Tũpa vapy'õpe icheãpokui kyrãrãĩma'iare,

Romano 6:19

Aijeta kuaretare ijetava rãĩmi, shara pee kuaretare pevarã javaipe pikuaa verã. Kyrã, aryka'e pymeẽva rãĩmi pyndyrete mbai kya vekuape hareka teko kavimbape pijapo verã porãmbava, ã'ẽ pymeẽ pyndyrete pokueha verã tykove kavivape hareka kyamba.

2 Corintios 10:4

Ñyrarõhãrã poryhãã ko yvy'ĩãrẽ'õ, Tũpa ñymbaikatukue rãnga poryha, hokava hai jepyheva opaite mbai ñymypyrãta'õ.

Romano 6:11

Kyrãipo jyvepe pikopo pymanomava rãĩmi mbai porãmba pevarã, tẽvã pimeĩpirã hai Tũpa pevarã Cristo Jesús piñymypente hãndiva rupii.

Efesios 5:14

Hokava rehe rãnga he'iha: Sareko nde recherẽĩva. Pũã manovare pãũvi hãrã Cristo sapepo ndyrehe.

2 Corintios 8:5

Hãrõhã vekuaivi haire hetave japo, shara hairetateiva ñymeẽ, tynonde Ñandejape, haivi orepe jyve, Tũpa potava rãĩmi.

2 Corintios 5:15

Cristo rãnga opava retare mano, ĩmeteri'iare ikoveãma verã hai pevarãĩ, koñeĩ ikoma verã manohe vekua hareka kuerajy vekua pevarãĩ.

Romano 7:23

Tẽvã shypyape ãñandu pente mbai shijokova shypya ambijeta kavi verã: Hokava hai ñee mbyparahava mbai porãmba ryheva, shypyape ẽvã hareka shymbyperesotei'i.

Lucas 15:32

Haikavi rãnga javya pãveĩterã hareka ñandyrory, shara ko ndyryvy manomatẽ vekua, tẽvã hykovejy; kañytẽ vekua, hareka ã'ẽ heshahajy”.

Santiago 4:1

Maivira ou ñyrãrõ hareka ikoraiva pynymbytepe? Pyndyhevi rãnga ou, mbai potakue pypyaivi ouva, ñyrãrõñoĩ pyndyretepy.

Romano 1:29

Hãme rãnga haire tynyhẽ mbai hekopemba'õ opaĩ marãrãngatu vekua, haire heko porãã, mbai potavereii jyre, porãmbavaĩ pya mbijetahe reta, pyryreshatãã, mbai potarai, puruka, ñyrãrõse, japu, katu ñono pỹrỹmbytavypy verã hareka ñee ryheva,

Juan 5:24

Ãñeteĩte hai pee, she haiva henduva hareka jyrojahea shymbou vekua, ĩmemare tykove opambava. Jahehããpohe shara hasama ñymanoivi tykove opamba kyty.

Lucas 15:24

Shara ko shyray manoma vekua, ã'ẽ hykovejy; kañytẽ vekua, ñavãhẽjyshu”. Hãrã õñepyrõ vy'a reta.

2 Tesalonicenses 2:12

Kyrãpo jaheahekui opaite mbai añeteva rojambaare, tẽvã koñeĩ mbai porãmbape vy'a jyre.

2 Corintios 5:14

Cristo jyhaihukue rãnga yrỹmykyrẽy, yrypya mbijetahe kovarã; penteva manohẽ opava reherã, hãme hokava rehe opaiteva mano.

2 Timoteo 2:15

Eñehãã katu Tũpa hỹnonde rypyta kavimavape, pente mba'apo'ia mba'etyre notire verã hareka ñee añeteva hekope kavi mbeuva.