Romano 5:9 - NandevaBiblia

⁹ Hãme rãnga ñanymbyhekoa kavimava huvype, hai rupii jahajepeiteveposhi Tũpa jahepyryreheaivi.

Romano 5:9 Referans Kwoze

1 Tesalonicenses 1:10

hareka pyhãrõ vate araivi Tay Jesús, hai Tũpa mupuãjy vekua manovare mbyteivi, Jesús hai ñanymondojepeshi vekua jaheha pyryreheva jy'ara ou verãivi.

Romano 8:1

Hãrã, mba'etyma ñunupa opaite Cristo Jesús ñymypente hãndiare, opaite ikomba hete potavape, koñeĩ iko Espiritu potavape.

Efesios 2:13

Tẽvã pee mbyry piko vekua Tũpaivi ã'ẽ mbyryveãma pẽĩshi Jesucristo, shara pente ñeepeĩma pẽĩhe Cristo huvy rupii.

Juan 5:24

Ãñeteĩte hai pee, she haiva henduva hareka jyrojahea shymbou vekua, ĩmemare tykove opambava. Jahehããpohe shara hasama ñymanoivi tykove opamba kyty.

Romano 5:1

Hãrã Tũpa ñanymbyheko kavima shara jairoja, jareko pya vapy Tũpa handi Ñandeja Jesucristo rupii.

Romano 1:18

Hãme vate araivi Tũpa heshakashu poshykue kuareta pyryparekombare hareka heko jyvachembare, hareka ñañarõvare añeteva jocharea.

Hebreos 9:22

Ñee mbyparahavape ẽẽ, opa mbai tekotẽveñoĩmba ijohepy tuvy, shara tuvy hakuavahããrã mba'etypo mbai porãmba vekuare hejarei verã.

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

Romano 8:30

Hãma õñepyrõãivive pyhỹrõ vekuare hẽnoshu, hareka henoshu vekuare mbyheko kavi, hareka mbyheko kavishu vekuare õmombaishu.

1 Juan 1:7

Tẽvã jaiko hendyvaperã, Tũpa hendyvape ẽvã rãĩmi, pente pyapeĩmapo ñaĩ hãndi yngare, hareka Tay Jesucristo, huvy rupii opa ñandohe mbai porãmba vekuaivi.

Romano 5:10

Ajemaĩ ñaĩñymbyvaishotẽhe Tũpa, Tay ñymano rupii ñaniñonoãjykavi hãndi, hareka hai ñaniñonojy kaviteve hãrã jahajepepo Tay hykove rupii.

Efesios 2:3

Opaite ore kyrã ikoha jyve aryka'e, ikoha'i yryrete hareka yrypyape ñanduva rãĩmi. Yryroo potavaĩ japoha'i, hãme rãnga Tũpa ity yryrehe poshykue, yngavare japohea rãĩmi.